بابا مات ،، الله يرحمه و يغفرله
ما بدأتش مع بابا لسة اللي عملته معاك
لسة متجمدة وخايفة امشي خطوة واحدة في موضوع موت بابا دا
لسة واقفة قبل الخبر بيوم .. لسة ما وصلتش لما بعد الخبر
فاكر .. فاكر لما ما انت مت؟
وكلهم كلهم كانوا عندك بيعزوا و اللي راح الدفن .. كلهم عيطوا فحضن بعض
وانا كنت هنا لوحدي.. في غربة
اتلقيت الخير لوحدي
واستوعبته لوحدي
و رفضته .. ولغيته. وعشت
وقررت اعيشك و اعيش معاك و انسى خااالص أنك مت
بابا كمان مات هناك .. في المكان اللي كلهم مع بعض فيه
وعرفت وانا هنا لوحدي
ماتحضنتش ولا حضن من احضانهم
ما شفتش ولا وش من وشوشهم وهو بيعيط
ما عيطتش العياط اللي يفضيني
انت أول حد احكيله
واعيط له
يمكن افكهم معاك حاجة
عارف.. أنا لسة ماخدتش ولا خطوة في المشوار
المشوار اللي عرفته لأول مرة فحياتي معاك
ودلوقتي ايه؟
المفروض ابتديه تاني من اوله مع بابا ؟
مش عايزة
ومش بابا.. وماكانش المفروض يبقى انت كمان
وجعكم جامد اوي
ياريتك كنت موجود
نففففسي فحد فاهم موجود يحضني واعيط
نفسي فنظرتك الحنينة
الله يرحمكم انتوا الاتنين