وطن مسروق

مش احسن مانكون سوريا و العراق
أهل سوريا والعراق سرقت أوطانهم وسرق أمنهم
أما نحن ف الحمد لله..  سرق وطننا ولكن سمح لنا أن نعيش فيه آمنين(بشرط أن نمل صامتين)..  لنا فيه حق الضيف..  ولكن بدون عشم في كرم المضيف..  اللي يا دوب يقدر يدينا اللي فيه النصيب..  وكتر خيره صبر على الفوضى اللي اتسببناله فيها طوال أربع سنوات

براءة لكل الفساد اللي أوصل مصر لما أصبحت عليه

اليوم..  الغربة تزداد عمرا..  ف الظلم ف بلدنا مش سايبلنا سكك رجوع

الظلم انتصر و بيهلل وبيرفع راياته

أدعوك ربي أن تقوي من لايزال يرى الحق حق..  والباطل باطلا..  فلا امل لهذا البلد بغير هؤلاء

أدعوك أن يكون ياسي مجرد رد فعل وقتي

صدقت و آمنت

صدقت و آمنت بإنك مش بلد كده وخلاص

مانتيش وطن وبس

صدقت و آمنت بدلالك عليّ

وبأفعالك فيّ

طلي انت بس في الاجواء كده وشوفي اللي بيجرى ليّ

آمنت ان ما بيعرف يرجعني للي بحلف ميت يمين انه ضاع

 غيرك

آمنت بانك مفتاحي

ودايما فاتحالي صدرك

ويقولوا مهما يقولوا

يقولوا ضقت بأهلك ووجعتيهم

يقولوا نصرتي مفترينك وجيتي ع اللي يتمنولك الرضا ترضي

يقولوا انك بلد الغلابة اللي  أكتر من غلبهم غلبتيهم

كل واحد فيكي و له معاك موال

 وانا مش حاكدّب اللي اتقال

ومش حاكدّب ان مافي غيرك قادر ينقلني من حال.. لحال

مش حاكدّب نطة دموعي جري

ولا دق قلبي الميت اللي ماعرفش بيصحالك ازاي

ومش حاكدب كل افعالك فيّ

ولاحاكدّب قلبي لما يحس بالامان

وعارفة انك مابتديش لحد ضمان

بس انت اصلا وجودك ع الخريطة ضمان

ان مهما اتجمدت حاحس

ومهما استوحشت حا أمن

بعترفلك اني آمنت بانك مش بس وطن

واوعدك مش ساكتة الا انما اعرف بالضبط انت ايه