المسحراتي .. 5

كل سنة و إنتم طيبين بسرعة بسرعة جه نص رمضان و مش عارفة عدّى كده بسرعة إزاي
بقرا كل التعليقات أول بأول و مابلحقش أرد عليها بس أكيد عارفين فرحتي بيها بتكون إزاي و بتونس بيكم قد ايه

يارب نكون عملنا كل اللي نوينا عليه ويارب اللي باقي من رمضان تكون فيه همتنا أكبر حسناتنا أكتر و أكتر

اللهم تقبل منا جميعاً

أسيبكم مع سيد مكاوّي بقى عشان أنا عليّ أيام كتير كده

اليوم الحادي عشر

****

عنتـــر

.

.

مسحراتي
منقراتي
بين الحارات
بافوت أسحر
وأقول واعبر
زحنا اللي زاحنا
ولفوق قزحنا
شوف قوس قزحنا
في الجو قنطر
تعاشوف يا عنتر
عنتر وعبله
عامل وعامله
أما المزامله
تهديهم أكتر
تشد قوسهم
وتزيده أسهم
ترفع رءوسهم
الله أكبر
أما الشهادة
جت تاتا تاتا
بتتهادي
وتتغندر
أما نوبتها
خدت نوبتها
بيبنوا بيتها
علي الشمندر
شكر فعالي
آبا ودعالي
بسد عالي
الخير يفجر
ويشق صحرا
علي يد سحرة
تلبس مشجر
والميه تجري
وتخف رجلى
من الوجع دا
أنا مالي قعده

*

عنتر ملك في القوافي وغزلها
صرع سباع الفيافي ورق لغزالها
عشق حوريه اسمها الحريه وغزالها
ذبيان وطي وضرب في الحي بالحدين
السلم كان حلم ما اتلمت عليه يدين
إن عاد لعبه قطف قبله من الخدين
وجمع في توبها خيوط الشمس وغزلها
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

.

.

اليوم الثاني عشر

****

ألف بــــاء

.

.

مسحراتي
منقراتي
محاضراتي
تجلي العقول
في عصر ذري
لازم نقري
شعر المعري
ولازم نقول
أولي ابتدائي
ألفي وبائي
أكرم آبائي
الناس أصول
ككتب الأئمه
جبل وقمه
تطلع يا إما
تنزل نزول
عقلك في رأسك
تعرف خلاصك
تحفظ تراثك
تصبر تنول
فرج قريب
وصبر طيب
وعود يشيب
عين العزول
شده تزول
لكن تعلم
ولا رجل تطلع
إلا بسلم
ولا نخل فرع
إلا المقلم
ولا علم ينفع
إن لم تسلم
علي الرسول
ختامها مسكي
وشجوها مكي
والفرع نابت
من أصل ثابت
وأنا نفسي طابت
*

أقول لك الحق واضرب لك مثل ساير
وان كنت ما عرفشي لا اخبي ولا اساير
من صغر سني وأنا صاحب مزاج ثاير
واكمني ثاير لا يمكن يا ألف بائي
تلاقي زيي علي عهدك أليف باقي
واكمني ثاير باقول من فات قديمه تاه
لابد للحي يترحم علي موتاه
واللي أتي بالجديد لولا القديم ما أتاه
يا أمتاه أنا إبنك ع الأثر ساير
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
.

.

اليوم الثالث عشر

****

هـــــلال

.

.

مسحراتي
منقراتي
أملك قيراطي
من الكليم
رمضان كريم
الله أكرم
دا غير قيراطى
من الحصير
إن زاد إيرادي
في الدائرة دي
يصبح اراضي
بساط حرير
زي الهليل
تلاقيه قليل
تفضل تليل
يصبح كبير
يفضل يناور
بين المناور
في جوز أساور
يقع أسير
يرجع يغازل
بين المنازل
مالوش عواذل
هلال أمير
هلال يقول لي
أنا حلو كلي
شوف عقد فلي
صنع القدير
هلال حمامه
تحت الغمامه
لبست عمامه
ما فيهاش تطير
هلال بيجري
في بحر هجري
قال ضي فكري
للمستنير
هلال بلدنا
علي الف مادنه
لله حمدنا
حسن المصير
*

لو تسأل الليل يقول لك راضى بالمقسوم
والقله في الفجر حتقول لك عن الماء صوم
واحنا عرب كلنا أصحاب طرب مقسوم
حلوين على كل حال لكن سوا أحلى
يا سواحليه
ومن الصعيد للبحيرة للدقهلية
إحنا أهليه
تجمعنا ساعة السحور تجمعنا طبليه
قضينا ع الجاهلية نحمد الواحد
القلب واحد ولو كان الرغيف مقسوم
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
.

.

اليوم الرابع عشر

*****

حرفه هوااية

.

.

مسحراتي
منقراتي
باقول مرادي
أعيش وادادي
وأخدم ولادى
أخدم بلادي
وأنا المنادي
أول ملبي
كلامي ميه
من نور عينى
يشهد على
الله ربي
بالسر عالم
ولا كنت ظالم
ولا مستخبى
وعلى السلالم
وفرت دنبى
من غير زوايا
مشيت فى دربى
درت بهوايا
وهواي دار بى
وحسى لعلع
الحي ولع
أنا باب مخلع
الخير في ضبي
وان قلت عجبي
السد أعجب
عيونه سته
حيفوت يكهرب
في كل حته
والميه تركب
على بسكلته
من غيرها أركب
أنا نلت طلبى
حرفه هوايه
ودا سر طربى
طرت بهوايا
وهواى طاربى
عديت مطبى
*

أنا لحبايبى حبابي القلب نادرها
ما هيش جواهر يا قوت باهر ونادرها
ولا مواهب ولا راهب بني ديرها
في كل يوم علي كل الناس أنا أديرها
حبابي قلبي غيطان وحيطان بمنادرها
وتراب حواري وشوارع في بنادرها
كما أجنحه للحمام متعوده ع السقف
رقصت دبيحه يا مين يظبط عليها السقف
قوم شوف على السقف بترفرف بنادرها
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

المسحراتي .. 4

اليوم الثامن

*******

بعلو حسي

مسحراتــــي
منقراتـــــي
وأنا بانادي
بعلو حسي
يادنيا حسي
الحق بين
ومصر أولي
حققنا ثروة
وقمنا صخرة
وعرقنا زين
أرض البطوله
إحنا اللي إيدنا
خلت حديدنا
حديد حنين
علي الطفولة
وصباح مندي
علي الولاد دي
طريقها هين
ما فيهش غوله
وأنا السنه دي
شقت سنابلي
في كل وادي
والليل خطب لي
قمر زبادي
بسحر بابلي
وضني هادي
فردت حبلي
بطول بلادي

أنا بلدي حره بنيت علي غصنها عشـي
ولقمة الحب بتفطرنـــــــي وتعشـــــي
أنا عاوز ابني يعيش والظلم ما يعيشـي
يارب يا اللي خلقت لنا البصر واللمس
ولا ترسم الشمس إلا النور علي وشي
*
اصحى يانايم وحد الدايـــــــــــم
السعي للصوم خير من النــــوم
دي ليالي سمحه نجومها سبحه

اصحى يانايم يانايم اصحـــى
وحد الرزاق

.

.

اليوم التاسع

****

افتح يا سمسم

مسحراتـــــي
منقراتـــــــي
ومن سنين
يا مسلمين
علني كل عتبه
بافوت أسحر
والليل برقبه
وعمه وعدبه
في الحسن عجبه
عمال يفقر
وأنا بانقر
لا علمي غلبه
ولا فني مظهر
ولادي طلبه
في أول أزهر
وتانيه جيزة
فتره وجيزه
يطلع مهندس
والبنت نرجس
بدال ما تكنس
حتبقي قاضية
جيوبي فاضية
ونفسي راضية
يهديكي طبعى
يا دنيا طاوعى
ويا سكة طاولي

*

يا حضرة الباشا فاكر ياما سحرتك
ودمعي تحت القمر بالليل مسح حارتك
وقلت لك خلي قطفه لك وقطفه لي
وربنا يخلي أطفالك وأطفالي
ولا كنت بتصلي يا باشا ولا بتصوم
غير كل حبه علي السبحه تقول مخصوم
وكنت يا باشا ما بتسمعش بالعربي
حضروا أطبا يردوا السمع والطاعه
حضروا أطبا يداووا نفس طماعه
إفتح يا سمسم جماعه
حضروا بسماعه تكشف قلب سحارتك
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

*

اليوم العاشر

***

في الغيط نقاية

مسحراتــي
منقراتــــي
في غيط حراتي
طرح كلام
آه يا سلام
أنا قلت آيه
ورميت شقايا
في الغيط نقاية
طرح كلام
آه يا سلام
خلعت بابي
ورميت شبابي
في الغيط حبابي
طرح كلام
آه يا سلام
وادور مغمي
واسقي بدمي
الغيط يا عمي
طرح كلام
آه يا سلام
كدا القوافي
تقول أوافي
كدا طوافي
طرح كلام
آه يا سلام
كدا قلبي وافي
للي انكتب لي
ياليل عوافي
*

حته من بلدي حته لأم أولادي
بنيت لها عش بعيدان الأمل ورموش
كان قلبي فاعل يغني في المقاوله دي
ويقول شكرت العواذل اللي ما بيرموش
ويقول شكرت العواذل اللي يرمونا
ما كنتش اضرب ضلوعي لولا آلمونا
ولا أضرب المونه أبني لأم أولادي
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى

وحد الرزاق

*****

.

ياجماعةهي الساعة في مصر اتغيرت من أول سبتمبر مع رمضان

ولا عادي حاتتغير كالعادة فآخر خميس في سبتمبر؟؟
عاوزة أعرف لما بتفطروا بتكون الساعة ساعتها كاااام
ضروري تقولولي
كمان المدارس؟؟.

فعلاً إتأجلت لحد بعد رمضان في شهر 10 زي ماسمعت؟؟
أنا مصر وحشتني وخلاااااص نفسي أنزل

المسحراتي..3

اليوم الخامس

*****

النسمة هلّت

اصحى يا نايــــم
وحد الدايــــــــم
وقول نويــــــت
بكره ان حييــت
الشهر صايــــم
والفجر قايــــم
اصحى يا نايـم
وحد الـــرزاق
رمضان كريـم
*
مسحراتي ومعـــــــــــــدي
منقراتي ومين قـــــــــــدي
الطبلة عاليه في احضانــي
زي البيان زي النشـــــــره
في ستة اكتوبر عشــــــره
من الهلال الرمضانــــــي
كان قلبي صخر الحنيــــه
في المعركه للحريــــــــه
وللسلام اللي هدانــــــــي
*
والنسمة هلت بحريــــــــــه
يا مصر يا شهد الشهـــــــدا
الجنة شمسك وترابـــــــــك
اصوم واصلى في محرابك
واسمع الشط الثانـــــــــــي
الله اكبر وأدانــــــــــــــــي
اه من هواي في اوطانـــــي
اه من شقاي ومن طربنـــي
الارض تتكلم عربـــــــــي
والدنيا تسمع بودانـــــــــي
نور الوجود من وجدانــي
زقاقي يفتح لي ميدانـــــي
حبيبي خدني وعدانــــــي
*
المشي طاب لي والدق على طبلـــــــي
ناس كانوا قبلي قالـــوا في الامثــــــال
الرجل تدب مطــــــرح ماتحــــــــــب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
****
دخــــلت دار بعد دار والكــــل بيحيـــــــي
انا اللي حـي وشهيد في الجنه وفي حيـــي
الله اكبر كــــأن الشمـــــــس من ضيـــــي
على ارض سينا في نار المعركه والصهـد
وانا والتراب المنور انتصرنا لبعــــــــض
وكنت صايم ملكت من السمـــــاء للارض
وكنت عطشان ما حدش ارتوى زيـــــــي
*
اصحى يانايم وحد الدايــــــــــم
السعي للصوم خير من النـــوم
دي ليالي سمحه نجومها سبحـه
اصحى يانايم يانايم اصحـــــى

وحد الرزاق

**************

اليوم السادس

****

والله زمان

اصحى يا نايــــم

وحد الدايــــــــم

وقول نويــــــت

بكره ان حييــت

الشهر صايــــم

والفجر قايـــــم

اصحى يا نايـم

وحد الـــرزاق

رمضان كريـم
*
مسحراتي قولو والله زمــــــــــــــــان
منقراتي وادي نقره كمـــــــــــــــــان
طوال السنه في حيكم هيمــــــــــــان
قولوا العوافي يللي قلبك وافـــــــــي
من القوافي لما خدت الامــــــــــــان
قلدت بحر النيل بلا استـئـــــــــــذان
بين الشواطئ امشي في الاحضـــان
واضاحك الفجريه واسقي الغيظــان
واهدي الكباري نظره الولهـــــــــان
واكسر خيالي في كل عود انســــان
وفي نيتي اكبر من الفيضـــــــــــان
الضي بعد الري من اســـــــــــوان
عبرة حياتي وصنعة الفنــــــــــــان
معنى المروءه وزرع الاطمئنــــان
في كل مطرح لما الاقي حنـــــــان
والاقي قعده تجمع الخـــــــــــــلان
والاقي نسمه من هوى الاوطـــــان
والاقي قمح جنب منه ريحــــــــان
والاقي طيب : افتكر رمضـــــــان
*
المشي طاب لي والدق على طبلـــــــي

ناس كانوا قبلي قالـــوا في الامثــــــال

الرجل تدب مطــــــرح ماتحــــــــــب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

****
رمضان حبيب الندى بالعوده ايامــــــــه
انا قلبي ياما نده على معنى ايامــــــــــه
اذكر المؤمنين بالحق و صيامـــــــــــه
يا مصر يا جنه خضرا ويا رباط الخيل
وجب من الليل جهاد الفجر وقيامــــه
*
اصحى يانايم وحد الدايــــــــــم
السعي للصوم خير من النـــوم
دي ليالي سمحه نجومها سبحه
اصحى يانايم يانايم اصحــــى
وحد الرزاق

********

اليوم السابع

****

ياهادي
اصحى يا نايــــم
وحد الدايــــــــم
وقول نويــــــت
بكره ان حييــت
الشهر صايــــم
والفجر قايـــــم
اصحى يا نايـم
وحد الـــرزاق
رمضان كريـم

*
مسحراتي
منقراتــي
بعد الصــــــــــــــــلاة
علي نبينــــــــــــــــــا
با قول يا هـــــــــادي
العقل زينــــــــــــــه
الله هادينــــــــــــــــا
ع الندهه جيـنـــــــــا
علي ريح حجـــازي
سقنا الهجينـــــــــــه
الله يجـــــــــــــازي
اللي يهاجينـــــــــــا
أنا قلت نخلــــــــي
أحسن مناخ لـــــي
حط السفينــــــــــه
دانخيل سباطــــــه
قطع رباطـــــــــه
خد تحت باطـــــه
كل المدينــــــــــه
حمام بلدنــــــــــا
زغلول بلحنــــــا
فرد جناحنــــــــا
علي وادينــــــــا
وكان فلاحنــــــا
دنيا ودينــــــــــا
بتنا وصبحنـــــا
أحرار وادينــــا
ليلنا وصباحنــا
عرسان عرايس
نقيم فرحنـــــــا
وولاد مـدارس
يكمل نجاحنـــا
وعرب فوارس
تقول فتحنا
فتحاً مبينا
أنا قلت سجده
لله سجده
لعدوي سكته
الرؤية ثابته
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
في عيني إنسان وفي عيون البلد إنسان
حلوه البلد بعدما داست علي الأوثان
حلوه البلد شهداءها قدموا العرسان
حلوه البلد يا أحن قلوب وأوفي لسان
غني الأمل يا حبيب والفتح ياحسان
ما سمعت الدنيا أمثال العرب شعرا
ولا رأت مثل فرسان العرب فرسان

*
* اصحى يانايم

وحد الدايــــــــــم

السعي للصوم

خير من النـــوم

دي ليالي سمحه

نجومها سبحه

اصحى يانايم

يانايم اصحــــى

وحد الرزاق

المسحراتــي.. 2

اليوم الثالث

.
مع السلامه

اصحى يا نايــم
وحد الدايـــــــم
وقول نويـــــت
بكره ان حييت
الشهر صايـــم
والفجر قايــــم
اصحى يا نايم
وحد الــرزاق
رمضان كريم

مسحراتــــي منقراتي
ليلــــــه في حياتـــــي
ومــــع السلامـــــــــه
بسمــــع بودنـــــــــي
حس يعاودنـــــــــــي
وبنتـــــي وابنــــــــي
مع السلامــــــــــــــه
مشيــــــــــت اعـرّج
عشان افــــــــــــرّج
النـجــــــــم رجــرج
مـــع السلامـــــــــــه
انا اللي حـــــــــارت
برجلي حـــــــــــاره
مــــع السلامـــــــــــه
مطــــرح مــــــا ادور
الاقي منـــــــــــــــور
عمال يشــــــــــــــوّر
مع السلامــــــــــــــه
خالصين ياقافيـــــــه
خليك بعافيـــــــــــــه
مـع السلامـــــــــــــه
اناعيني بكّــــــــــــت
وقلبـــي نكّــــــــــــت
ناولنــي فكـــــــــــــه
مــع السلامــــــــــــه
انا جاي بكـــــرَه
الاجر اجـــــــرُه
افطر بفطــــــرُه
ومع السلامــــــه
انا بكرى ارجــع
اغني واسجـــــع
تلايمني تسمــــع
مع السلامــــــــه
و مع السلامـــــه

المشي طاب لي والدق على طبلـــــــي
ناس كانوا قبلي قالوا في الامثـــــــــال
الرجل تدب مطرح ماتحــــــــــــــــب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال

رمضان مخلّف هلال.. وهلال مخلّف عيد
وكل يـوم من لـيـالـيـنا قــديـم وجــديـــــــد
خلـف بـنـيـه وصـبـي خـلف امـل وسعيــد
وانا طـبـلتي تغـني غـنوه وتحكي حدوتـــه
بالسمن ملتوته ونرجع نقول ونعيــــــــــــد
رمضان مخلّف هلال.. وهلال مخلّف عيد
*
اصحى يانايم وحد الدايــــــــــم
السعي للصوم خير من النــــوم
دي ليالي سمحه نجومها سبحه
اصحى يانايم يانايم اصحــــى
وحد الرزاق
********************

اليوم الرابع

الكعـك

اصحى يا نايــم
وحد الدايـــــــم
وقول نويــــــت
بكره ان حييـت
الشهر صايــــم
والفجر قايـــــم
اصحى يا نايـم
وحد الـــرزاق
رمضان كريم

مسحراتـــــي منقراتــــــــي
خالاتي عماتي سيداتـــــــــي
على تل عجوه وعسل وسمن
ولا مجلس الامن سهرانيـــن
لــــــتّ وعجيـــــــــــــــــــن
يبنــــــوا الهــــــــــــــــــــرم
قالت حماه المحتـــــــــــــرم
ياكعك ياسيد الكــــــــــــــرم
نبنطّلك في المشمشــــــــــي
يابنت قومي وفرفشــــــــــي
لاتحوشي ولا تختشـــــــــي
احمي الوابور واستحمشــي
اشي واشي تلاقيه مشــــــي
اشي نغبشــــــــي
واشي حبشــــــي
واشـي دندشــــي
واشـي انقشـــــي
واشـي ينحشـــي
واشـي رشرشـي
سكــر عليــــــــه
بركه ايديـــــــــه
فرحه عنيّــــــــه
قال ايه وايـــــــه

المشي طاب لي والدق على طبــــــي
ناس كانوا قبلي قالوا في الامثــــــــال
الرجل تدب مطرح ماتحـــــــــــــــب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال

قال واحد اتنين تلاته واللي كان في الجرن
كله انفتل وانقتل وانشال وراح الفـــــــــرن
عيني على رصه راحت ولا رصه جــــات
عمال اسحر وانا ماشي ورا الصاجــــــات

اصحى يانايم وحد الدايــــــــــم
السعي للصوم خير من النــــوم
دي ليالي سمحه نجومها سبحه
اصحى يانايم يانايم اصحـــى
وحد الرزاق

المسحراتــي

بكل شوق لليالي رمضان

و دفى الشوارع

و أنوار الزينة في كل مكان

و طيبة الناس و طيبة ملامحهم

أكيد مشتاقة جدا للجو ده

زي انهارة أنا كنت في مصر

كنت فقمة سعادتي وحيويتي

كل ما أفتكر اليومين اللي قضيتهم في رمضان هناك بحس برضى كبير قوي

وشوق أكبر

وبقعد أتخيل حاعمل ايه و ايه وايه لما يجي رمضان الجاي و أكون هناك زي السنة اللي فاتت

أنا نقلت حاجة جميلة جدا زقططت لما لقيتها في أحد المواقع اللي كنت بدور فيها على أغاني رمضان بتاعة زمان

ده اليوم الأول و التاني بس

هم تلاتين يوم أساساً

تابعوهم معاي

كل سنة و إنتوا طيبين و يااارب نكون كلنا كلنا في حسن ظن ربنا بينا و مانفوتش أي ثواب ولا فضيلة إلا و حصلنا عليها

ياااارب.. يصفي قلوبنا ويزكيها بحبه و طاعته وقربه

رمضان كريم

*******************************

المسحراتي

.

اليوم الأول

*******

.
اصحى يا نايــم
وحد الدايــــــم
وقـووول نويت
بكره ان حييت
الشهر صايـــم
والفجر قايــــم

**
اصحى يا نايم
وحد الرزاق
رمضان كريم
*
مسحّراتـــــــــــــي
منقّراتــــــــــــــــي
منجّراتـــــــــــــــي
دواليب زمـــــــــان
مــــا تشتكوشـــــي
دقـــة شكوشـــــــي
جـــت فــــي الاوان
يا ناس حبايـــــــب
يا ناس جيـــــــران
انا قلبي دايـــــــــب
على البيبـــــــــــان
عجوز شويــّــــــــه
لكن عيـنــــــــــــيّ
روحين حنـــــــــان
لاظني ســــــــــــئ
ولا جبــــــــــــــان
درويش واوسطــي
وشيخ كمــــــــــان
وفـي عبي قطــــــه
ازاي حتلعـــــــــب
فيه الفيـــــــــــران
تسـألني بتعــــــــب
اقول صراحـــه
شقاي راحــــه
قوة حصــــان
لاجل وعشـان
قبول عيالــي
في الامتحــان
وانا في بالـي
حاجات جنـان
من الطبالـــي
اعمل صيوان
وابني لخيالي
اربع حيطــان
دا انا في انتقالي
من اولى ساقيــه
لسد عالــــــــي
لقيت مكـــــــان
سيري يا موجه
بالتكنولوجــــــه
لبر الامــــــــان
**
المشي طاب لي والدق على طبلّـــــــي
ناس كانوا قبلي قــالوا في الامثــــــال
الرجل تدب مطـــــرح مـاتحـــــــــــب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
**
لو ماشي في الصحراء شفت النور اقول انسان
دا انا كل شباك يقيد اشكـــــــر لايد انســـــــان
واقول هدتني المناير سبحـــــــت للعــــــــرش
يـــا رب من رحمتك مكنت للانســــــــــــــــان
يغـيّــــــر الضلمة اما النور مــــا يتغيـــــــرش
* *
اصحى يانايـــــــــــــم وحّد الدايـــــــــــــــم
السعي للصوم خير من النــــوم
دي ليالي سمحه نجومها سبحه
اصحى يانايم يانايم اصحى
وحّد الرزاق

********

اليوم التاني

****************

الاستيماره

.
اصحى يا نايـــــــــم
وحد الدايــــــــــــــم
وقول نويـــــــــــــت
بكره ان حييـــــــــت
الشهر صايــــــــــــم
والفجر قايــــــــــــم
اصحى يا نايـــــــــم
وحد الــــــــــــرزاق
رمضان كريـــــــــم
*
مسحراتي منقراتي
ع الطبلـه ايــــــدي
ريشـه ف دوايتــي
اسمع ياسيـــــــدي

اسـمع حكايتـــــــي
مـع استمـــــــــاره

راكبـه حمــــــــاره

اول مــاراحـــــــت

راحت لحسنـــــــي
قالت ياحوستـــــي

هو انت فاطــــــــر
قال كنت فاكــــــــر
مش حانسى تانــي
خليك مكانـــــــــي
الاستماره راكبه الحمـــــاره
راحت لفكري قال تيجي باكر
وتروح لزكـــــــــــــــــــري
قـــال روح لشاــــــــــــــــر
ولا لشـــــــــــــــــــــــكري
شكري في اجـــــــــــــــازه

راحت لبهجـــــــــــــــــــت

لا حــــط مــــــــــــــــــــاذا
ولا سألهـــــــــــــــــــــــــا
اشّـــر نقلهـــــــــــــــــــــا
راحت لهانـــــــــــــــــــــي
خليك مكانـــــــــــــــــــــي
هاني الطاطـــــــــــــــوري
قــــــال فيما يبـــــــــــــدو
حتروح لعبـــــــــــــــــده
لازم ضـــــــــــــــــروري
ضــــــــــــــــروري لازم
راحت لحــــــــــــــــــازم
منــــــه لتيفـــــــــــــــــه
شاغلاه لطيفـــــــــــــــه
منــه لمكتــــــــــــــــــب
راجــــل مـــــــــــــؤدب
ببدلـــه بنـــــــّـــــــــــي
قــــال لي اظــــــــــــني
فـــــــي تـــــــــاني اوده
عند الموظـــــــــــف
ابو بدله ســـــــــودا
بدله رصاصــــــــي
قال لا مؤاخـــــــذه
مش اختصاصـــــي
ياسيدي لاظوغلــي
خلص لي شغلــــي
في تاني طرقــــــه
على شمالــــــــــي
لبدله زرقا
شرحت حالي
قال ثانيه واحده
والاستيماره
من يومها قاعده
راكبه الحماره
لو كنت راكب
ماكنتش اوصل
ولا أؤدي واجب
ولا احصل واطلع بلاشي
احسن لي افضل
على مهلي ماشي
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
انا صايم الشهر طول الشهر ودا فاطـــــر
وانا ماشي في الشغل قلبي سخن ودا فاتر
ما يـنـتـقـل شـبـر الا بـحــبـر ودفــــاتـــــر
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى وحد الرزاق

أريــده معي

كنت أبحث عنه... وكان يبحث عني
كلانا كان يبحث عن الآخر..ولكن كل منا كان يبحث في الجهة الخطأ
هدفنا كان الاقتراب ولكننا كنا نبتعد
قتلتنا أحزاننا و بنت بيننا سد لم يكن بعالي جدا
كان بوسعنا هدمه
نعم كان بوسعنا أن نفعل
كم أتمنى لو كان اتسع الوقت قليلا
كنت خائفة عليه من سفري
وربما هو خاف عليّ من موته
وكنت أهرب من خوفي إليه .. لعله يراه و يطمئنني
ولكنه كان في نفس اللحظة يهرب إليّ بخوفه

وكنا نصطدم
لم نفهم أحزاننا... حمّلنا بعضنا ذنوبنا
أصبنا بعضنا بجروح كثيرة
تفرّقنا
وهنا أدركنا
أن قلوبنا لازالت تشتاق لبعضها
أدركنا أن كل ما في الأمر أن أحزاننا أهلكتنا
شوّشت الرؤية بيننا
وما أجمل أن تدرك أن قلبك لم يخطئ حبيـبه
وتبدأ لتعود
بتسامح لا حدود له
بفرحة لا وصف لها
بآمال تكفي الكون سنين للأمام
ولكنه "الوقت"
داهمنا
داهمني أنا
أنا لازال عندي أسئلة كثيرة
لازال عندي حب و حنان
لازالت أحلامي بداخلي تمارس يومها الطبيعي معه
لازال عتابي عالق على لساني
ولازال لدي مخزون لأعيش عليه
لازال إحساسي بـأني مسئولة منه موجود
لازال الأمان الذي كان يحيطني به له بقايا متجمعة حولي
لازال صوته في الأفق
ولكن ماذا عندما ينفذ مخزوني
لا أحب تأففي هذا.. لماذا لست راضية
ألاّ يستحق
لماذا لست مستعدة أن أمضى حياتي كلها هكذا
أراه يسألني هذا السؤال كثيراً
وكم أتمنى لو كان سألني إياه حقاً
ولو كنا أتممنا حديثنا فيه تماماً
واتفقنا على ما سيحدث بعد رحيله
كان يبدو السؤال كثيرا في عينه وكان يحجبه
و أنا كنت أراه يرجوني لو أجذب سؤاله من طرف لسانه ولكني كنت أهرب تماما
كم هربنا من تلك الفكرة
وها أنا أهر ب منها كما كنا نفعل
ولكني أريده أن يهرب معي
لا أريد أن أفعل كل ما كنا نفعله وحدي
أريده معي
أريده معي
أنا ااا أريده معي
تمر عليّ أوقات كثيرا أفكر في حل يحقق لي هذا
و أحيانا أضع كل اللوم عليه
و أصب غضبي كله عليه.... لماذا رحل؟
أرتاح عندما أفعل هذا
هكذا نرتاح عندما نجد مسئول ما عن جروحنا و نلقي عليه لومنا
وخصوصا عندما نفعل هذا مع أحد ما من أنفسنا
يعرفنا
ونعرف كم سيتحملنا
ليته هنا ليتحملني
ليته أمامي بنظرته
بتفهمه
أتمني أن يتحقق هذا ولو دقائق
ولكنها لن تكفي
لن تكفي كل حكاياتي
و كل أسئلتي
وكل دموعي
دقائق لن تكفي
حسناً
هذا بعضا من هذياني المعتاد عندما أشتاق اليه
آسفة

مش عايز بكرة يفوت و أنا لسة بموت

والليل عمال يجرح

والوحدة تزيد النار وتزيدني مرار

و الحزن يبات يصبح

منيــر

هكــذا أنـا

أتت ولاء بحكاياتها عن مصر
عن أجازتها
عن عائلتنا
أصحابنا
بيتنا

حكت لي عنهم جميعاً
عن تفرقهم جميعا
عن إنشغالهم
معاناتهم

حكت لي عن من بعد

ومن تغير

ومن سافر

قالت أنها كانت سعيده هناك
قالت أن ست شهور جعلوها تستعيد الاحساس بالاستقرار داخل مصر
جعلوها تفقد الرغبة في العودة إلى هنا ثانياَ رغم أننا هنا ولسنا معها

قالت أيضا عن الحياه .. كم هي صعبة هناك..
الكل متفرق
حتى داخل البيت الواحد كل منهم يعيش وحده
كانوا يتجمعون فقط لإنها هناك
حتى أصدقائي لم يحتفلوا بعودتها كما كل سنة
بل وصلت اسكندرية و عادت لقطر و هي لم ترى كثيراً منهم
لم تسمع صوت بعضاَ منهم
حتى رحاب


أنا أسمع الحكايات عن مصر و خائفة
قالت لي متدربة عندنا من يومين"ننزل مصر نعمل ايه ده اللي فيها عاوزين يطفشوا"
كم يشعرني بخوف شديد هذا الكلام
لا أحب أن أسمعه
خائفة أن أصدقه
حتى و إن كان واقع لا أريد أن أراه

لا أريد أن يعيده أحداً على مسامعي
أن لا أحب تصديق الواقع المؤلم
أحب أن أراه كما أحب أن أراه
لا أدري لماذا الكل مصرّ على أن يثبتلي أنني لن أحتمل الحياه هناك

أعرف اني عندما أعود لن أجد من كانوا هناك حولي
أعرف أن لن أجد عائلتنا بنفس حجمها و إرتباطها


ولكني سأعود
سأستمتع بوحدتي
سأجد عملاً أتقاضى عليه القليل بما يكفى طعامي ومواصلاتي و فواتير الكهرباء و المياه

لن يزعجني الروتين

ولن أتأفف من الزحام و صعوبة المواصلات

لن تجرحني معاملة سيئة من موظف ضاقت الدنيا به

ولن يهينني سباب سائق إقترب من الجنون

حتى و إن كانوابلا أعذار

هكذا بلدي

وهكذا أنا

لم أتغرب عنها يوماً

ولم أسمح لمعالمها أن تنمحي

أستطيع توقع كل شيء

لأني مانسيت أي شيء

سأستطيع أن أتحمل الحزن داخل بيوت عائلتي
سأرضى بتحول كل أيامي الجميلة مع من احببنهم لذكريات
لم أعد أتوهم الآن أن ماكان سيعود
كبرت الآن و أدركت أن ما كان لا يعود

ولكن أنا قادرة على صنع الجديد
تعلمت في الغربة كيف أعيش وحدي و أستمتع بذلك
نعم أصبحت أعرف كيف أعيش وحدي
و متأكدة أن إستمتاعي سيعلوا جدا جدا هناك
في مصر
حيث بيتي
حيث تستطيع قدماي الإنطلاق في الشوارع بحرية و دفئ
حيث المساجد المفتوحة لجبيني وقتما أشاء
حيث أرواح كل من أحببتهم تسكن في كل شارع و سور و حديقة و مقهى

لست خيالية
لست رومانسة
ولكني ممن لا يخافون على المستقبل من الفقر و المعاناه و الوحده
أخاف عليه فقط من تحجر القلب

هكذا قالت لي نفس تلك المتدربة المصرية "قلوبنا هنا في الغربة نشفت"

ولكن أنا قلبي لم يجف تماما بعد

هناك مساحات أريد إنقاذها
أنا لم اخلق لأكون حبيسة الغربة
هكذا أنا مهما إنتقدوني

أعلم أن ربي سيستجيب

حافرح؟؟

بعد خروجة تحفة من بتوعنا زمان
كان كل صحابنا موجودين ماحدش ماجاش يوميها
لعبنا و ضحكنا و أكلنا و إتصورنا
وإحنا مروحين قلت لرحاب
اليوم كان جميل جدداً ...
قلتلي آه بجد يوم روعة
قلتلها أنا بجد فرحت جداً، وإنت؟
قالتلي.. هند أنا بقتش بعرف أفرح
كل اللي بحبه بيحصل.. بتبسط بيه .. بس مابعرفش أفرح
قتلني كلامها من الخوف عليها
قلبي وجعني
ماكنتش عارفة أعملها إيه عشان تفرح
كنت طول اليوم أبص على وشها و هي بتضحك مع ده و تهزر مع ده وجواي رضى إنها فرحانة
كان من أسباب فرحتي باليوم إنها فرحانة
مارديتش عليها بس دعيت من قلبي إن اللي بتقوله ده مجرد وهم و ماليها بسبب الظروف
و إن حاييجي اليوم اللي تكتشف إن قلبها مانسيش إزاي يفرح
و أديني من يوم ما سافرت و أنا بعاند قلب و أفكره كل يوم يعني ايه الفرح
وباين عدى بتاع أربع سنين أهو

وماعرفش حاجة عن رحاب من زمان
بعتلها ماسج عتاب وفاكرة إن لسة من حقي أعاتبها
بس ماردتش بقالها إسبوعين
يمكن مابقاش من حقي أعاتبها كإننا من بعض زي زمان
ويمكن لسة من حقي و حاترد
بس إمتى؟؟
وياترى أنا لسة بعرف أفرح ولا بقيت زي رحاب

وهي؟.. لسة مابتعرفش تفرح ولا بقت وزيي
مش عارفة
ومش حاعرف دلوقت
حاعرف لما تخلص غربتي
ويارب تخلص قبل فوات الأوان
و أديني ورى قلبي و ربنا يعلم حايحصل ايه؟؟

.

.

.

كنا بنحب أنا وهي منظر صورة الشجرة الفاضية

كنت و أنا عشان أركز أرسم حاجة

فأرسم شجرة فاضية

وبعدين لو طولت المحاضرة أبدأ أملاها ورق

وهي كانت ترسمها فاضية

ولو طولت المحاضرة تبدأ ترسم حوليها كثبان

بس أنا مابحبش أشوف شجرة فاضية على الحقيقة عشان بكتئب

بحب أشوفها صور وبس