بدل ما كل شوية نتكلم عن مشاكل بلدنا وعيوبها .. مش نيجي مرة نشوف عيوبنا إحنا؟
**********
يا شعب أمة إقرأ ..
لماذا لا تقرأ ؟
لماذا لا تترجم ؟
لماذا لا تتعلم ؟
***********
حسيت بغضب ناحية نفسي
فسألت نفسي .. ليه عمري ما قريت كتاب شخصية مصر؟
ليه ماعرفش حاجة عن صحيح البخاري أو مسلم؟
ليه معنديش معلومات عن الغزوات و حتى اللي أخدتهم أيام الدراسة اتمسحوا؟
ليه ماعملتش ماجستير؟؟
ليه مزرعتش شجرة في أي حتة زي ماتمنيت و أنا في الإبتدائي لما الفكرة ملت راسي بسبب أستاذ الدين
كنت بقول لما أكبر؟ .. وواضح اني لسة معتبرة نفسي بكبر
وليه .. وليه.. وليه؟؟
ليه مدخلتش مكتبات أيام الكلية زي ماكان الدكاترة قطعين نفسهم عشان ندخلها؟؟
فيه حد عنده 24 سنة مايعرفش يعمل بحث؟؟؟
موج البحر قالتلي على كتاب .. "أهلا مع السلامة" لعبد الوهاب مطاوع من ييجي شهر ..
لحد انهاردة ماجبتهوش.. ليه؟؟
السخط و الرغبة جواي
بس فيه حاجة خنيقة جداً كمان جواي
السخط و الرغبة جواي
بس فيه حاجة خنيقة جداً كمان جواي
استسلااااام.. سخيف بارد ملهوش آخر
يمكن بكتب بوستس عشان أثبت لنفسي إني أهو.. أملك اسلوب أستحق عليه الإطراء
إذن أنا أملك شيء ما..
لكن إنهاردة أنا بعرّي نفسي .. سلبية وإتكالية مبررها الحزن و الغربة.. وكلها مبررات وهمية.. ياما كان عندي بدلاء لهم وأنا فأرضي و فبيتي
أتمنى الوقفـة تحوق فيّ ..
هناك 25 تعليقًا:
كم سؤال وعايز اجابة بس ياترى فين نجد الاجابة
يمكن الغيب فى اسلوب التعليم او عدم اهتمام
شوفى الثقافة لاترتبط بالشهادة ثقفى نفسك بنفسك
تحياتى
تامـــر
أنا معاك ان التدريس له تأثير كبير فإنه طلعنا إتكاليين
معلمناش ندور و نقرى
بس أكيد فيه عامل كبييير فيّ أنا.. كسل و تسويف واستسلام للعجز اللي ممكن يصيبك بيه الروتين و المزاج السيء
سعد جدا بمرورك وياريت تيجي دايما
حياة الانسان مجموعة مراحل
او مجموعة وقفات
قد يغير الانسان حياته كلها فى وقفه من هذه الوقفات
او ربما يضل الطريق ويسئ الاختيار ويكلف نفسه ما لا تطيق ويحلم لها بما لم تهيأ له فلا يكسب الا ضياع وقت ثمين
اعلم انك تتكلمين على نص وقفه غرضها زياده النشاط ومزيد من الثقافه
طيب
ماتختارى هدف مستقبلى كبير
ثم حددى طريق الوصول
دي أول خطوة على الطريق الصحيح مش ليكي لوحدك .. للأمة كلها
لو كل واحد بدأ بنفسه ونصح الآخرين .. هاينصلح حال المجتمع والبلد والأمة
متشكر كتير على الإشارة للبوست بتاعي
هههههههههههههههه
انا كنت لسة في الحالة دي من فترة
الحمدلله
عدت
بس طلعت منها
عندي شوية ايجابية
بدأت
احنا عارفين الصح
طب ليه ما بنعمله
الطريق صعب
صعب قوي
بس جميل
قوي قوي قوي
ولو حبتيه
حتلاقي نفسك معندكيش وقت فراغ
ومعندكيش وقت للتفاهات
وحتلاقي عادات وحشة كتير بتختفي من حياتك وحدها
للامام دائما
تحياتي و احتراماتي
عارفة
هى دى الايجابية
انك تواجهى نفسك بسلبياتك وتحتقريها
وتغيرى نفسك
فعلا احييكى على الموقف دة
وادعو لكى بالثبات
تحياتى على البوست الهايل دة
هــارملس
كلامي يحمل المعنيين:
-زيادة النشاط فيما كنت أقوم به أصلا
-أو دعوة للبدء في ما لم أقوم به قبلا
وفاجئتني بترجيحك للمعنى الصحيح منهم
أما عن إختيار هدف فيلزمه أكثر من مجرد وقفة
أشكرك على الكلام القريب دائما
يا مـراكبي
بس المهم ان الواحد بعد مايقوم بأول خطوة إنه يكمل للتانية و لتالتة
ماتحاولش تصالحني عليها.. أنا قلبت عليها يعني قلبت عليها
:))
وتحياتي للبوست الرائع بتاعك
شادي فايد
طيب الحمد لله إنها عدت بفايدة ... عقبالي
أنا فيه عتبة واقفة عليها بتتنيح عجيب..
زي مابيقول منير:
أنا مش رايح... أنا مش جاي.. أنا مش واقف حتى مكاني
بس أنا نفسي أعدّي
بس حاعدّي
ماشي.. :))
نبض اسكندرية
كلامك حمسني جداعلى فكرة .. كنت خايفة من رد فعلي تجاه الردود عن الموضوع لإني خفت أتهم نفسي بإني حطيت طعم أجذب بيه مدح يصلح من الصورة اللي مدايقاني وبس
لكن كلامك وفر عليّ الإتهام ده وحسسني بالمسئولية اكتر
انت انسانه جمبله
تحياتشي
شكرا جدا على كلمتك .. وياريت أكون بجد كده
شرفتيني بزيارتك
كرريها كتير .. ماشي؟؟
وانا
ليه ماجتش المدونة دي قبل كده
إيه الحلاوة دي؟
يسعدنا تشريفك
www.blogs4arab.com
أكتب بالرصاص
شكرا على تشريفك ليّ وياريت تزورنا على طول
:)
فعلا كلامك صح
انا ساعات كان النصيب الاكب مناه في الكتب
وحاليا اقولك انا بقالي اكتر من 2 او اكتر ماشترتش اي كتاب ثقافي من اي نوع
لظروف ماديه بحته ليس الا
بس برضو كل الواحد مابيبعد عن القراءة هي كمان بتبعد عنه و بيصبح من الصعب العوده تاني و الصبر علي مطالعه كتاب ساعتين او تلاته
وادينا بنحاول
اهنيكي علي البوست الجميل ده كل مره اجي عندك بروح ندي مبسوط بس انتي عارفه هو اسلوب التعليم اللي فاشل زي كل حاجه مهي فاشله ويسعدني تشريفك ليه علي طول
الدبـــور
فعلا لما تعقد فترة مابتقراش بتفقد شوية من قدرتك على الإندماج مع الكتاب
بس و الله هي متعة و ضياعها خسارة كبيرة..
شرفتني بزيارتك الجميلة
تامــر
كلامك صح.. إسلوب التعليم عندنا بيعلّم الإعتماد الكلى على المدرس و كإن الطالب ما عليه إلاّ التلقى وبس
لكن مش بس المشكلة في التعليم .. احنا علينا مسئولية كبيرة برضه
المهم البداية
أبدأي وربنا يوفقك
المشكلة انك لما هتبدأي علي أد ما هتفرحي باللي بتعمليه علي أد ما هتزعلي علي الوقت اللي ضيعتيه قبل كده
تحياتي
انتى كده ابتديتى فعلا يا هند
الغضب
يا ناس ثوروا و اغضبوا على حالكم
ساعتها بس هتغيروه
انا شايف من كلامك صورة انسانة ايجابية هتتغير لانها غضبت و حست انها لازم تتغير
المطلوب منك ايه ؟
بعد ما تتغيري .. غيري كمان اللى حواليكي
لازم نساعد بعض و نساند بعض عشان كلنا بنحب بعض و بنحب الخير للبلد دي
كالعادة مواضيعك جميلة ومن القلب
العيب فينا بجد اتغيرت حجات كتير فينا وحوالينا
يالا اسيبكم علشان الشغل
قاسم أفندي
بشكرك جدا على الزيارة ده
وأنا فعلا زعلانة ع الوقت اللي عدّى بس أهو ايدي معاكوا
شارم
فعلا انت لفت نظري لفكرة مهمة ان الواحد مايكونش هدفه نفسه و بس.. وأكيد الفكرة ده حاتكون بمثابة مسئولية تخلّي الواحد يلتزم أكتر
بشكرك على إثارة الفكرة دِه جدا
كراكيب عادل
والله أنا شايفة ان التغيير اللي حولينا كل ما بيزداد سوء كل ما بيعلى مؤشر غضبنا عليه و طبعا ده معناه إن التغيير هيبدأ قريب جدا
شكرا ع الزيارة
إرسال تعليق