أنا بحب القطة السودا و الحمار
و الغراب و السحلية و الفار
يع؟؟؟
أهو عشان كده أنا بحبهم باصرار
أصل يا جماعة إنتوا فاكرينهم أحرار؟؟
ولا يعني كل الحيوانات رايحين الجنة وهمّ اللي في النار؟
طب خلاص
عارفين؟
أنا نفسي ناخد من الليل حتة و ندّيها للنهار
فنلعب ونهيّص كتير
وبعديها نقول.. ايه ده؟.. ده اليوم طار
*****
طب أنا نفسي لما أرجع يلغوا المطار
طب أنا نفسي لما أرجع يلغوا المطار
*****
طب أنا ليه عمري ماعملت من الرملة قلعة بأسوار؟
ولا ع البحرطيرت طيارة زي الشطّار
طب أنا كنت بعمل ايه لما بروح
آه إفتكرت .. كنت بغطس و أجمع المحار
طب أنا ليه عمري ماعملت من الرملة قلعة بأسوار؟
ولا ع البحرطيرت طيارة زي الشطّار
طب أنا كنت بعمل ايه لما بروح
آه إفتكرت .. كنت بغطس و أجمع المحار
*****
بس أنا كتير بقف في المرايا و أحتار
و أحط اللبس قدامي و أفضل أختار
وأتعصب منها ده اللي واقفة قدامي
أصلها مليانة أسرار
مش كنا صحاب زمان.. مالها عملتني مزار؟؟
بس أنا كتير بقف في المرايا و أحتار
و أحط اللبس قدامي و أفضل أختار
وأتعصب منها ده اللي واقفة قدامي
أصلها مليانة أسرار
مش كنا صحاب زمان.. مالها عملتني مزار؟؟
سيبك منها و قوللي.. بتحب مين في الأرقام
أنا بحب الإتنين و السبعة .. بحسّهم مش أشرار
وكتير بحس إن الخمسة مغرورة.. أصلها دايما على بال الصغار
خلاص بقى
أصل ده كان كلام يوجع بس قلنا نعملوها هزار
أصل ده كان كلام يوجع بس قلنا نعملوها هزار
هناك 49 تعليقًا:
لا انتي تنزلي اسكندريه احسن
كده خطر عليكي
ههههههههههههههه
تحياتي
بجد بجد انتى كنتى شاربه اية وانتى بتكتبي الكلام دا؟؟؟يالهوىىى..بتحبى السحليه والفار...اكتر من كدا وربنا بيزيح!!! ااعتقد انه صعب يكون كلام جد واتقلب هزااار لا هو هزارر ولسه هزار هههه مش كدا؟؟؟
ول يا ول
زي ما بقول اللمبي
اي دة يا بنتي
انا حبيت جدا جدا جدا
وسجع وكلمات غريبة وحجات كدة ماتجيش باساهل
كل الافكار دي من شوقك لسكندرية
استني يا سكندرية
اجدع بنت مصرية
جاية ومعاها هدية
هنودة الشقية
ههههه
العزيزة هنوده
واضح انك بتحبى الأقليات والمهمشين
:):):):)
واضح قوى الفرحه فى كتاباتك الاخيره وانا سعيده جدا عشان انت سعيده
يارب توصلى بالسلامه
ويلغوا المطار عشان تفضلى معانا
تحياتى يا انسانه
يا هانوده وحشنى كلامك المعجون بالموهبه والابداع والشقاوة والبراءه والجمال والبساطه العميقه
ماكنتش متخيل اننا نبقى بنحب نفس الحاجات كده
انا برضو باحب المخلوقات اللى انتى بتحبيها وكمان باحب الصرصار
تصورى؟
صحيح حبى للصرصار اتأثر شوية لما عرفت ان اصله من امريكا وانه وصل لبلادنا عن طريق المراكب
والجو عندنا كان مناسب له فعاش وهاص وتكاثر
لكن رجعت قلت وهو ذنبه ايه
يمكن له فوايد انه بيفكرنا انه انضف حاجه جاتنا من امريكا
جميلتنا هانوده الغاليه
انصحك بشده بعد عودتك ان تستقرى هنا فاعتقد ان لم نعد نحتمل فراقك مره اخرى
صحيح النت مش فارق فيها الاماكن
لكن روحك وانتى فى مصر مختلفه
واحنا بصراحه بصراحه بنحب روحك بتاعة هنا اكتر
تعالى بقى
دي الغربه بتطلع مننا حاجات مكناش نعرفها
بحب كتير بساطتك وبراءتك وعمقك في الكتابه
بوست مجنون
سلامي ليكي
wlahi anti to7fa...
saso
لا بجد انتى مش معقوله
ابلغ المعانى بابسط الكلمات
لو بجد اللى انتى كتبتيه دا تقصدى بيه اللى انا حسيته
يبقى بجد انتى فنانه اوى
ربنا معاكى بجد
وابقى طمنينى دايما عليكى
ميرسى ليكى
:)
عزيزتى
كنتى ناوية على وجع القلب وقلب معاكى هزار كويس بس بس ليه بقا بينكم اسرار ارجعى صحبيها تانى والصراحه احلى شئ مع النفس والحقيقة لو مرة حسى بيها واعرفيها بدل ما تعيشى الوهم
سلام
إسكندراني أوي
آه تصدق .. بجد أنا وصلت لمرحلة الخطر و عاوزة أنزل بسررررعة بأي شكل
:))
بس ايه؟؟ النظام .. ماقلتش يعني بتحب السحلية و ال فار ولاّ لأ
بنت القمر
لا و الله أنا ولا ماكنتش شاربة حاجة .. تصدّقي فعلا أنا بحب السحلة و الفار و القطة السودابجد
معلش بقى .. أزواق
عموما .. أول مرة تزوريني و بجد حسستيني إنك أكتر حد واخد عليّ
شكرا
ليمونادة
ههههه
إنت عاملالي زفة يا جلاكسي؟؟.. لا و ايه ؟
زفة موزونة
ههههه
طي خليها زفة إسكندراني طيب
:)
و الله العظيم أنا بيسعدني جو المرح اللي بتعملهولي
لاااااازم أعرفك كويس
ماشي؟؟
لومي
قبل أي حاجة .. واحشاني
أما عن الأقليات فأنا فعلا بنحاز لهم جدا.. بحسم مسئوليتي
:)
وأما عن الفرحة
فأنا الحمد لله.. جوايا فرحة تكفّي كل لمدونات و تكفي أهالي إسكندري كلها
و أنا على فكرة جادة جدا في أمنيتي بإلغاء المطار
هههههه
على فكرة ..أسعدني قوي تعليقك
تحياتي
هارملس
إنت واحشك كلامي .. وأنا واحشاني البهجة اللي بحسها مع تعليقاتك
لا تخيل.. أنا بجد بحب الحاجات اللي قلت عليها مش عشان بس موسيقى الكلام.. ودايما كانت الخناقات بيني وبين صحابي على إني بحب حاجات همّ بيقرفوا منها
نظام بنات بقى
:)
على فكرة تعليقك إنت و لومي فرّحني بشكل كبير جدا بعد أول مرة إستفزاز تحصلي في المدونات
بجد شكرا ليك
بس إنت شككتني في نفسي!!!
أنا مدونتش و انا في مصر قبل كده
لكن أكيد زي ما قلت .. أنا بكون حد تاني و أنا هناك.. حد جامح وبيحب قوي و بيجري على الناس قوي
أكيد حاتعرف عليكوا و تتعرفوا عليّ من أول وجديد لما أرجع .. عشان هنوده الغربة أساسا أنا ماعرفهاش
كفاية بقى عشان أنا لما بستلم الميكروفون ما بسيبهوش
:)
تحياي لأستاذي العزيز
يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل
القرع لما استوي قال للخيار يالوبيااا
بقي ده وفي اول زيارة ليا امل يعد رابع زيارة ليكي هتقولي ايه
ههههههههههه مش بقول المية فيها حاجة محدش مصدقني
انا بهزر طبعا
دمه خفيف اوي المنولوج ده
والله حاجات كتير زي دي لو اتغنت زي منولوجات اسماعيل ياسين بتبقي جامدة اوي
يالا نعيش وناخد غيره وغيره كمان
احنا راضيين ياستي
احلي هزار واحلي قافية للي رايحين اسكندرية زوار
ولو يعرفوا كانوا استنوكي عند المطار بطبلة وطار
دة كلام حلو وبيفكرني بالامس واليوم والي صار
قلبناة هزار علشان الاحباب تفرح زي ما الفرحة جوانا مهللة ومشعللة نار
اة طبعا مانتي مسافرة لازم تكتبي كدةمانتي كنتي متغاظة في الغربة زي الي علية تار
عقبالي ما اسافر واخلي الناس تضربلي نار
لوللللللللللللللللي
ههههههههههههههههههههههه
لما ترجعي من الاجازه حقولك بحب السحليه ولا الفار
ولا ولا ولا
تحياتي واجازات سعيده بعيدا عن لهيب الخليج وخاصه الدوحه اللي الرطوبه فيها اكلتنا
هنودة
حمدلله على سلامتك
عارف انى مقصر..بس والله الظروف مش قد كدة
الحمدلله
انتى فى مصر ولا لسة...؟؟
على فكرة انا فى مصر لسة
ومسافر 20-8
وحشنى كلامك
ويمكن اكون بعلق بعد ما قريت كل اللى فاتنى
مرة واتنين
اتمنى انك تكونى بخير
طمنينى عليكى
فان
عارفة
ابتديت اتغرب وانا لسة هنا
ويمكن هوه ده سبب انى بعدت شوية عن التدوين
بحاول ارجع
واسأل عن الناس اللى بحبها
وبحب احساسها
وتناولها للأمور
بحاول ارجع
وكل مرة برجع بوجع
زاد
فجيت
غير كدة
حط الدبلة وحط الساعة
حط سجايرة و الولاعة
علق حلمه على الشماعة
هههههههههههههههههههههههه
خير هو كان في ايه
ارجو منك أن تدعمينا في حملة ( افضحوا تجار الكيف )
التفاصيل ستجديها في مدونتي
تحياتي
جميل اوي ياهندود
عارفه كتير بيصعب عليا لما اشوف
اي شئ مكروه
حتى لو كان مجرد رقم
:)
حاله صعبه
يمكن السبب اني موليد يوم 13
بوست دمه خفيف موت
خيالي ذكي واقعي
تحياتي ياهنود
:) تيجي بألف سلامه
انا عرفت مدونتك من متغيرة شوية
ومن ساعة ما فتحت مدونتك وانا بقرا فيها لحد ما خلصتها
عجبتنى مدونتك
تسلم إيدك
قريت على المدونة من فوق انك قريب راجعة اسكندرية
ترجعى بالسلامة ان شاء الله
سعيد بزيارة مدونتك
(:
(:
طب أنا نفسي لما أرجع يلغوا المطار
:(
:(
و اسوح انا بقا. او ارجع راكب حمار
.
شكلك مبسوطة بقرب الاجازة
بي بردوا لازم شوية حزن يغلبوكي و يبانوا في الكلام
------------
وأتعصب منها ده اللي واقفة قدامي
أصلها مليانة أسرار
------------
عدي الالم فوتي .. فوتي الزمن بيمر
ازاي نسيب حزننا .يرمي العسل على المر
-------------
يا رب تكون اجازة سعيدة وجميلة ولزيزة وممتعة وطويلة
ندعوكم لزيارة العدد الثالث من مجلة نفسنا
hannoda
walahy heya msh moda ya bnty en kol el nas t2fel modwntha ...
t2dry te2oly kanet fatret sadamat 3ala el bashar kolha
bas edeny rg3t aho :) w ba2olek thnx bgd 3ala ehtemamek :)
Tota
على قولك "إن الغربة بتطلع مننا حاجات" تصدّقي إني كتير بحتار في الحكاية ده
على قد ما كرهت الغربة قوي وإتشاءمت من سنين حياتي اللي قضيتها فيها
إلا إني من جواي مت
أكده إنها أكسبتني حاجات ماكنتش حاتعلمها غير لما أتغرب
بجد شكرا على كلامك اللي يفرّح في وقت أنا محتاجة كل حاجة تفرّح
ساعة الغروب
أنا فنّانة؟
:)
ربنا يخلّيك
طب أنا مش حاقول ايه اللي أقصده عشان ما يطلعش غير اللي فهمتيه.. عشان أنا خايفة على اللقب
:)
تصدّقي إني إكتشفت حاجة ما كنتش أعرفها
إن الواحد لما يفك نفسه قوي.. ويبص على اللي جواه من حزن أو فرح بس من فوووق.. ويحاول يراضيه بإنه يطلّعه ببساطة و صدر رحب و من غير قيود
كل ده لما يحصل بتلقائية بيطلع في الآخر شيء جميل
و الأجمل لما حد كمان جميل يحسسني بقيمته
بجد شكرا على ردك
وآسفة على التأخير
تحياتي
:)
إحساس لسة حي
مش ده أول زيارة ليك عندي؟؟
بس كلامك لمسني فعلا...
أما عن الأسرار اللي بيني و بينها كترت لإن المسافة ببينا كبرت
لكن ما تخافش.. أنا راجعالها خلاص وناوية على المصاااارحة
:)
بشكرك على ردك القيم و آسفة على تأخيري بس ده بسبب إنشغال ما قبل السفر
وأول ما أنزل إسكندرية حاجي أزور مدونتك و أتعرف عليك أكتر
تـحياتي
:)
هنوووووووووووووووده
نهارك ابيض انتي لسه هنا يا بنت ممشتيش
مش انا قفلت وراكي الباب وقولتي انك خلاص مسافره
اكيد مقدرتيش تسيبيني لوحدي
عملتي طيب والله
ايه هتخديني معاكي
وحجزالي كمان
؟؟؟؟
لا دا كتير يا بنتي
انا هعيط خلاص مش قادره
ربنا ميحرمك مني ابدا ابدا ابد
تسلم تايدك يا قمر
مود الفرح والفرفشه بياين عليك اهه
ربنا يهنيكي يارب ويسعد اوقاتك دايما دايما يا جميله
تحياتي ليكي يا قمر
Gohayna
هههههههههه
إنت عارفة أنا فرحانة قد ايه دلوقت؟؟
أصل أنا لسة كنت عندك حالا و مالها جيجي مختفية و سايباني كده ليه؟؟
وبعدين قريت الرد بتاعك و صالحتك بسرعة فساعته و قلت خلاص مش زعلانة
فجيت عندي لقيتك كاتبالي
يا سلاااام
بس كده؟؟
أنا حانزل ترانزيت في الكويت و أخدك معاي و نجري على اسكندرية و أعيّشك بقى.. أصل لو عاوزة تحبّي إسكندرية صح لازم تنزليها مع هند مش مع أي حد تاني
فعلا يا جيجي ربنا مايحرمك منك أبدا
بجد إنت مفرّحاني على الآخر
واحشاااااني
إمام الجيل
بجد أنا زعلانة قوي إني مالحقتش اللقاء ده لإني لو كنت في مصر كنت جيتلكوا من اسكندرية
لإني مؤمنة جدا إن اللقاءات ده حاتدينا خبرة كبيرة في تبادل الأراء و الإختلاط بأفكار مختلفة عن اللي عهدناه
وده بداية لتغيير ثقافة شبابنا
و التغيير ده أول درجة في سلم قادرة أشوف في آخره تغيير حال مصر و شعبها للأفضل
بتمنى يكون اللقاء أدّى أهدافه و ده اللي جاية أتأكد منه دلوقت
تحياتي
دكتور مستكنيص
أولا إسمك تحفة فكّرني بواحد صاحبتي وكانت هي أول حد أسمع منه المصطلح ده
:)
ثانيا نورتني بزيارتك الأولي
ثالثا .. الحمد لله إنكم راضيين .. كده ضمنت الزيارة التانية
صح؟
:))
تحياتي
هنوده
جميل فاضل 3 ايام بس
وتنوري اسكندريه يا قمر
توصلي بالسلامه
تحياتى
عذرا للتحليق خارج السرب ارجو منكم التضامن معي في حمله نقطه ماء تساوي حياه
تحياتي
جميل قوي .. من حوالي شهر كنتي نشرتي موضوع بنفس الإسلوب ده بالظبط .. كان عنوانه أنا بس زهقان .. ده أنا كنت زمان إنسان .. بيعجبني قوي الإسلوب ده على فكرة
إبقي سلمي لي على إسكندرية قوي
عادل
أنا آسفة يا عادل علة التأخير
بس بما إن الظروف حكمت و إتأخرت يبقى تعتبره عقاب على كلمة "زوّار" قال زوار قال.. ده أنا إسكندرية من غيري بقالها سنة نايمة و زهقانة و حاسة بوحده.. طيب روح اسكندرية كده مرة و أنت حاتشوفها حاتقولك ايه عنّي
بس الكومنت بتاعك موتني ضحك و فرحة
ولاحظ... الفرحة عندي أهم من الضحك بكتير
أ،ا قارياه من يوم ما إنت كتبته بس ماكانش فيه و قت أرد
وأديني دلوقت برد جري عشان نازلة السوق لآخر مرة و بكرة الطيارة
حاسة بقلبي بيرقص
اسكندراني أوي
ربنا يعينكوا على حر الخليج وثباته و ركوده
أنا رايحة بسرعة قوي و جاية
يلا كلكوا قولولي عاوزين إيه من اسكندرية و أنا أجيبهولكوا معاي
:)
Van Gogh
إنت دايما محسسني بقلق عليك.. أنا عارفة آخر أيام قبل أول مرة سفر
ياااه .. بتبقى قاسية و ملخبطة و كل شيئ فيها مزنوق بين وضعين عكس بعض:.. يا إما كل حاجة فقدت معناها و بقت زي قالب الطوب.. يا إما كل شيء محسوس قوي و ببعمق واصل للنخاج
بس حاتهون ... بشرط تسعى إنت لإنها تهون
فتهون
:)
أنا قريت الكومنت بتاعك من كذا يوم و بسبب الإنشغال جدا الأيام ده ما كنتش عارفة أسيب رد
أ،ا خلاص بكرة حاحط رجلي على أرض إسكندرية و إسكندرية فمصر
أنا رايحة أحضن روحي
وإنت بتجهز عشان تحطها في شنطتك و تاخدها و تسافر
خد بالك منها.. أصل مادام الروح حيه جواك .. يبقى مش حاتقدر عليكميت غربة
ربنا يقويك و يباركلك و بجد
سعيده بصداقتنا
سندباد
لا ما تخافش ما فيش أي حاجة.. مجرد فرحة مش عارفة تستخبّى
:)
تحياتي
صاحب البوابة
بجد يؤسفني جدا إني مش لاقية أي وقت عشان أتابع الموضوع ده خلال ظروفي حاليا
بس أنا بإذن الله لما أوصل مصر حاخصص ساعتين كل يوم أكيد حاجي لإن أنا بجد بفرح لما ألاقي فرصة إن الواحد يهتم بحاجة تستحق و تخلّينا مشغولين و لو بقدر متواضع بهموم بلدنا و اللي الكيف ده أبشع ما فيها
تحياتي
محض روح
أنا بقى ما عرفش إيه سبب كره رقم 13.. لكن أنا بجد بحبه.. يمكن عشان فعلا بحب أي شيء محروم من حب الأغلبية؟؟
يمكن؟؟
:))
تحياتي
mohamed kamal hassan
أنا سعيده أكتر بزيارتك و إهتمامك
وبما إنك عرفت إ،ي قربت أنزل إسكندرية فأرجو إنك تعذرني على تأخيري في الرد و الزيارة كمان.. مشاوير قبل السفر بتاكل كل الوقت
لكن بوعدك بزيارة قريبة أتعرف فيها عليك
وأتمني دوام المرور
بجد فرحت باهتمامك
تحياتي
اسكندراني في الغربة
معلش بقى الأنانية في الفرح المفروض يعتبروها حق مكفول للجميع
:))
أنا بفرح بأغانيك و خصوصا اللي ليها معزّة خاصة عندي
أهو المقطع ده كتير كنت أتخيل إن منير بقولهولي أنا بالذات
في الكوبليه التاني بيقول
عدي الألم و إمشي
إمشي على كفي
بحس في الجملة ده بقمة لحنية
وبتخيل كفه و أنا ماشية عليه
وبحس بحاجات كتير بموت فيها بسبب الأغنية ده .. طيب عارف صوت الإنفجارات و سيارة الإسعاف و مذيع الأخبار اللي بيكونوا مع الموسيقة الأخير للأغنية؟؟
أكيد لاحظتهم
برضه ليهم إحساس خاص عندي
أنا لو إتفتحت فمنير مش حلاقي وقت أسافر أساسا
آه .. فهمتك.. إنت قاصد تلهيني و تعطّلني و الطيارة تفوتني و أفضل في الغربة و مايبقاش حد أحسن من حد
صح؟
صح؟
تحياتي
:))
~ Bato0ot
أجمل حاجة قريتها تفرح لقيتها في الكومنتس إنهاردة هو إنها كانت مجرد فترة وعدّت
طبعا مش اللي مفرحني إنها كانت فترت صدمات
إنما إنها عدّت
شوفت الكوبليه الي كاتبه إسكندراني في الغربة
أهو ده اللي نفسي تعمليه
ولو إن أنا عارفة قسوة الصدمات الي بتيجي بالذااات من ناس همّ عندنا مش أي ناس
بتمنالك النسيان و التأقلم بسرعة.. لكن قبل أمنيتي ده بتمنى الأول إن يكون القريب يستحق فعلا النسيان و المضي في الحياه
أصل وجع الندم أكبر
يا رب يحفظك من الحزن
و و النبي
الله يخلّيك
ما تتأخري علينا تاني
:)
لومي
ايه ده؟؟.. إنت بتعدّي معاي؟؟؟
:))
طيب إسمحيلي أبلغك بإن العد إنهرده وصل لواحد.. و بكرة الصفر
سيبي خيالك يوصل بيك لأبعد حد عن واحده فرحانة .. أكيد حاتكون أنا
بجد شكرا عاى متابعتك
تحياتي
يا مراكبي
طبعا حاسلملك عليها.. ولو ماكنت عارفة مدى إنشغالك فأجازتك الحالية فمصر كان زماني زعقتلك و قلتلك "ليه ما تجيش تسلم عليها بنفسك؟؟"
بس مادمت نازل مصر بس إسبوعين يبقى سماح وحاسلملك عليها
:)
ناس معينة بالذات بفرح لما يعجبهم بوست أنا كاتباه و أكيد إنت منهم
تحياتي
:)
إرسال تعليق