يا عروسة النيل يا حته من السما
يا اللي صورتك جوة قلبي ملحمة
.
.
احنا لو مرة نادينا
احنا لو مرة نادينا
تجري على أصغر ما فينا
من ورى الليل و المعابد
و الكنايس و المساجد
تحضنينا و تحكي لينا
تصغر الدنيا فعنينا
انت يا شمعة يا قايدة فقلبنا
يا عروسة النيل يا حتة من السما
-----------------
احنا يا عروسة شبابك
احنا يا عروسة شبابك
تكتبي.. نقرا كتابك
تتعبي.. بنشيل عذابك
تأمري.. بنكون جوابك
واحنا صافيين زيك انت
واحنا صافيين زيك انت
و انت دايما باقية انت
طاااهرة زي الشمس صااافية زينا
طاااهرة زي الشمس صااافية زينا
يا عروسة النيل يا حتة من السما
----------------
ده إحنا لو مرة نادينا
ده إحنا لو مرة نادينا
تجري على أصغر ما فينا
من ورى الليل و المعابد
و الكنايس و المساجد
تحضنينا و تحكي لينا
تصغر الدنيا في عنينا
انت يا شمعة يا قايدة فقلبنا
يا عروسة النيل يا حتة من السما
--------------------------------------------------------------
الأغنية ده لمحمد منير و للأسف ماعرفش مين العبقري اللي مألفها
بس عمري ما سمعتها مرة إلا و سمعتها بروحي و كل كياني و ألاقي حبي للبد بيخلي صوتي يخرج معاها بطاقة حب هائلة جدا
و حسيت اني عاوزة أكتبها لمصر حبيبه قلبي في 6 أكتوبر بس ما لحقتش
و فكرة الصور منقولة من Alexandria far away
و بعض الصور واخداها من زمرده
أسيبكم مع صور غالية قوي
نيل القاهرة
أسوان
الفيوم
سيوة
اسكندريتي
تحديث
عرفت مؤخرا من المدون العزيز
اللي ألف الأغنية هو الشاعر عبدالرحيم منصور .. وتلحين الملحن احمد منيب
------------------------------------------------------
تحديث آخر
المفروض ان النهارده عندنا في قطر عيد
يعني عيدت من غيركم
:(
يارب يكون ده آخر عيد فطر ليا هنا و السنة الجاية أكون بعمل الكحك في مصر مع كل الناس
كل سنة و كلكم طيبين
يا أجمل ناس مهونين على كل حاجة
كل حاجة يعني كل حاجة
:)
أنا حطيت الصورة و التحديث النهاردة
عشان العيد عندكوا في مصر بكرة
وأنا بفرح مع مص وبس
.
.
كل سنة و الكل بخير
هناك 44 تعليقًا:
ياسلام على العشق
ده الحب بهدلة صحيح
:D
لا بس الحمد لله انا فرحان بجد انك خرجتي نفسك من موود احزن اللي كنتي فيه الفترة اللي فاتت
يعني حتى ولو للحظات اللي كتبتي فيها البوست ده
وعايز اقولك على حاجة
حب مصر ده شيء بيجري جوه عروقنا فعلا
مهما حصلنا من حكومتها او حكامها
حبها ده شيء تاني خالص
وكل سنة وانتي بخير
اممممممممممممممم
انا معرفش الاغنيه دي
ما سمعتهاش قبل كده
لكن طالما ان منير اللي قال يبقى صح
هههههههههههههههه
اما الصور بقى
ولا بلاش يلا دع الملك للمالك
تحياتي يا غريبه
انا واخد نفسي من حضن اسكندرية علشان اسلم عليكي
واطمنك انها لسة اجمل بلد في الكون
وسلمتلك عليها كمان
_ _ _ _ _ _ _ _ _
اما منير
مفيش كلام غير انة صوت مصر
تحياتي من امام البحر
:)
:)
مش حقول غير حاجة واحدة
هنودة عروسة اسكندرية
:)
تصدقى انا سمعت الاغنية دى كتير .. بس محستش بيها غير و انا بقرى البوست ده
:)
أجمل حاجة انك مش بتحبى بلدك بس انتى بتعشقيها و خصوصآ اسكندرية و انا من اسكندرية بقلك هية كمان بتحبك و بتموت فيكى و البحر بيناديكى و بيقلك و حشتينى و بيفكرك بكل حتة اعتى فيها على شطة انتى و الصحبة و الأحباب بصراحة مش عارف اقلك اية بس اللى حاسس بية انها بتحبك اكتر ما بتحبيها هو منير مش بيقلك يا اسكندرية بحرك عجايب يا رات ينبنى من الحب نايب تحدفنى موجة على سدر موجةو البحر موجة و الصيف مطايب اغسل هدومى يا اسكندرية و انشر همومى يا اسكندرية على شمسة طالعة و انا فيها دايب
على فكرة انتى مش عروسة اسكندرية
انتى روح و قلب وطيبةاسكندرية
علشان كدة منير بيقلك بردة
انتى بلاد طيبة و قريبة و حبيبة دنتى أمل و حنان و قت الخطر أمى بتحملى همى حضنك دفا و أمان ليكى أنا غنات يا دنيتى و ناسى اذا كنت مرة جنات حقك على راسى ل نسيت ولا بنسى قلبك لمس لمسة قلبى اللى داب احلام يا بلادى ضمينى حضنك بيحمينى من الغربة و الأيام
ليكى أنا غنات يا دنيتى و ناسى اذا كنت مرة جنات حقك على راسى
حقك على راسى يا عروسة بحر اسكندرية
معلش طولت علاكى سورى
الاغنية دى
اغنية من كذا اغنية
بحب اسنعهم لما احس انى زعلان من مصر
بيتغير احساسى مع كلماتهم
اللى يحركوا قلب الحجر
مع احساس منير فيهم
اللة عليهم
انا مسمعتش الاغنيه دى قبل كده
بس كلماتها عجبتنى هدور عليها واحاول اجيبها
تسلم ايدك يا هنوده
وبالنسبه للصور الملطوشه
جامده جداااااا
;)
اختيار اكثر من رائع
تحياتي
عارفة
أمنية حياتي إن الحب الرائع اللي موجود في الأغاني الجميلة دي يتحول لواقع .. لفعل .. لجهود تنقل بلدنا نقلة تانية خالص
أمنية حياتي إن الحب ده ما يبقاش كلام وبس
ممكن تتحقق أمنيتي دي؟
انا اول مرة اسمع عن الاغنيه دي لمنير ؟
جبتيها منين ياهنودة!!
كل سنه و انت طيبه وعيد سعيد
وابقي اسألي :(
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
كل سنه وانتى طيبه
وعيد فطر سعيد على الامه الاسلاميه كلها ان شاء الله
كل سنه وانتي طيبه وان شاء الله ترجعي مصر ياستي وتزهقي منها وتقولي روحوني من هنا مش طايقه
انا بهزر معاكي
اولا اختيارك هايل لمطرب ولا اروع .. وكمان زميل كليه واحده
ثانيا .. الاغنيه دي ياستي من شريط بنتولد وده طلع سنه 1978 وكانت من تأليف الرهييييب ..
الرهييييب قوي كمان
الشاعر عبدالرحيم منصور ..
وتلحين الملحن العبقري ومكتشف منير الاول ..
الفنان احمد منيب
ثالثا .. ابقي نوريني تاني وتالت ورابع ومليون في مدونتي اللي على قدي
وكل سنه وانتي طيبه
وسلامووووز
كل سنه والجميل بخير وصحه
وفي مصر ...في اسكندريه اكيد
في ناس بتفرح مرتين ...عيد صغير وكبير
وانا بحزن عكسهم...مادمت بعيده عني
وناس تفرح في كل زمان بلا اسباب
وانا كمان عكسهم مادمت لسه هناك
ملوش طعم رمضان واسكندريه والشوارع
من بعد سفرك
مش هحزنك انا بفرح لما الاقيك فرحانه
ابقي افتحي الميل بدل بهدله المدونات دي
تصوري الأغنيه حلوه اوي لما قريتها
والواضح اني فاقده التركيز بقالي فتره
ربنا يتقبل منك رمضان ويباركلك فيه
ويجمعنا في الفردوس الأعلى سوا
هنوده
كل عيد وانت طيبه
وإن شاء الله ربنا يحقق لك كل أمانيك وترجعي لمصر ولكل الناس اللي بيحبوك
وانت بتحبيهم
ترجعي تحضنى الارض والحيطان والشوارع والناس
وتتنسمى الهوا على شط بحر اسكندريه
سعيده لك لأنك مبسوطه
بصراحة من أجمل ما غنى منير
أغاني من كلمات الراحل عبد الرحيم منصور
تحياتي لك ولإختيارك الجميل
وكل عيد وانت بخير
R a sweet lady, and I wish U will B back soon ,after U finish what U have travelled 4,
3eed fetr sa3ed.
كل عام وأنتم بخير
كل سنه وانتى واحنا طيبين
وان شاء الله السنه الجايه تنولى اللى تتمنيه وتبقى وسطنا فى مصر
ساعتها هانعمل الكحك مع بعض
بس تتصرفى وتعمليهولى بالشيكولاته
:P
آلام و آمال
بفرح لما بلاقي ان الكلام اللي انت قلته ده جوة حد عايش جواها فعلا
أصل و أنا جواها ماكنتش حاساها قوي وافتكرت ان اللي بيتحرم منها بس هو اللي بيعرف قيمتها
و بعدين عليكوا كده شايلين فقلبكوا قوي منّي
كله بيقول انه فرحان اني خرجت من المود
:)
و الله أنا بجد متونسة بالعالم الدافي اللي احنا فيه ده
كل سنة و انت طيب
اسكندراني أوي
مالها الصور بقى؟؟؟
وش مكشر
صور زي القمر طبعا
:)
تحياتي
وكل سنة و انت طيب
:)
اسكندراني في الغربة
أهلا بتعليقات الإسكندرانية اللي مهيصين فيها من غيري
يعني انتوا جايين ورى بعض عشان تغيظوني
:(
جاتقوللي إنت مش كنت لسة هناك؟؟
حاقولك هي اسكندرية يتشبع منها؟!!
بس خلاص .. حاعدّيها عشان السلام بس
:)
كل سنة و انت طيب
للاسف انك في قطر كان نفسي تحضري مؤتمر للدفاع عن حقوق الانسان وحرية الراي يوم الخميس في نادي المحامين الساعه الخامسه
بس كانك هتحضري ربنا يرجعك لمصر بالسلامه
جميلة فعلا كلمات الاغنية متشكرة انك شاركتينا جمالها
كل سنة و انت طيبة و ان شاء الله ترجعي بالسلامة انا كمان متغربة بس رغم حبي لمصر مش عايزة ارجع
ربنا يسعد ايامك
تحياتي
الله
لا انا عايزة الاغنية دى ماليش دعوة
:D
كل سنة وانتى طيبة ياجميلة وان شاء الله السنة الجاية تبقى فى حضن مصر
وزى ما دايما بقول: كلمة حلوة وكلمتين .. حلوة يابلدى
:)
تحياتى
ايه ده اشمعنى انا مرديش عليا
.....لأ لأ لأ انا زعلانه ومستنياك تصالحيني؟؟؟
ربنا يخليك ليا وكل سنه وانت بخير
روعه بجد اختيارك للاغنيه وروعه الصور وان شاء الله ترجعى مصر السنه الجايه وتعملى الكحك بايدك بس متنسيش تحطى طبقين على باب البلوج
ياه اخيرا لقيت ناس بتحب فمصر والله زهقت اركب تاكسي يقعد السواق يعيد ويزيد في البلد واللي فيها مع اصحابي في السغل مع بعض اقاربي بجد تحياتي الصادقة يا غربة على حبك لمصر وعلى الصور التحفة
ليمونادة
وانا حاقولك وحشتيني ووحشني هزارك وروحك اللي بموت فيها
تحياتي
:)
emz
الأغنية ده يا ايثار بتحسسني برابطة كبيرة بيني و بين مصر هي و أغنية
يا أماه
مش عارفة تعرفيها ولا لأ
بيحسسوني إن مصر ده بيت صغير دافي لاممنا فيه
بيتهيق لي إن حب البلد ده حاجة مش بالاختيار إنما بالفطرة
الطبيعي ان الانسان يتولد بيحب أبوه و أمه و بيته و بلده
أغنية بلاد طيبة بمووووت فيها
بالذات
لا نسيت ولا بنسى.. قلبك لمس لمسة.. قلبي اللي داب أحلام
كل سنة و انت طيب مع انه خلص من زمااااان
الصديق المخلص
على فكرة الكومنت اللي فات ده على طول كان ليك بس نسيت اقول
واحد مش فاهم حاجة
عجبني تعبيرك .. "لما بكون زعلان من مصر" بيتهيقلي جميل قوي لما إحساسنا بيها يوصل لمرحلة القرب ده.. فنقول إننا زعلانين منها و نحاولوا نتصاح عليها
تحياتي
لماضة
مش عارفة حاتلاقيها ولا ايه أصل أنا دخت عليها و ماعرفتش أجيبها غير من واحد نزلهالي من عنده أما مواقع الإناني بتيجي لحد عندها و ما تحطهاش
بعدين أنا لطشت صورة واحده بس .. الباقي من مجهودي الخاص
:))
أخبار الإمتحانات ايه؟؟
:)
sendbad
آه مش صح؟؟
أنا معاك انه رائع.. الأغنية ده تأثيرها مش عادي
تحياتي
:)
يا مراكبي
عندي تفاؤل كبير مش عارفة ايه منطقه
ويمكن كنت عارفة ونسيت
ماعرفتش لسة يا مراكبي ليه ناس بلدنا و احنا منهم .. ليه مستنيين اللي ياخدنا و يحركنا
أصلنا كلنا بنتمنالها و كلنا حابينها
تحياتي
الدبور
حد برضه ما يسمعش عروسة النيل
جرب اسمعها كده و تعالى قوللي حسيت بإيه؟
كل سنة و انت طيب يا باشمهندس
أنا عارفة اني غلسة جدا بس و الله فلخبطة من ساعة ما جيت من مصر
بس حاركز تاني بسرعة
:)
تحياتي
nourhetler
كل عام و انت بألف خير و كلنا كلنا بخير و في رحمة من ربنا و قرب يارب
عالمى ازرق
آمين يا رب العالمين
كل سنة و انت طيب و بخير
:)
تحياتي
Soooo
:)
ده اللي بيحصل على طول لما أشوف اسمك
وبجد شكرا جدا على معلومتك اللي قلتلي عنها و أنا نوهت عنها في التحديث
وفرحت جدا لما عرفت إنه كان زميل ليك
أنا بموت في حاجة اسمها منير
كنت زمان مهووسة بيه بالأسلوب الساذج ده بتاع المراهقين
بس لما كبرت إتحول ارتباطي بيه لإعجاب جدا بعقليته و حبه لمصر و ثقافته
وبحتار جدا في فهم شخصيته
عموما
كل سنة و انت بألف خير
زمردتي
الأغنية عندك ع الجهاز يا هااااانم
وحشتيني قوي
أنا كمان العيد عندي فاقد لمعناه بقاله 3 سنين
كان نفسي نقضي تالت يوم مع بعض كالعاده القديمة
فاكرة؟؟
وإوعي تزعلي مني أبدا لقطّعك
أنا بس مالحقتش
:)
وحشتيني
loumi
العزيزة جدا
آمين يا رب
:)
الدعوة ده دعيتها في كل سجدة سجدتها و مع كل آذان مغرب في رمضان و عندي عشم كبير قوي في ربي
:)
تحياتي
مساء الخير عليك ياست الكل؛
تحياتي لك في غربتك وكل سنة وحضرتك بخير وربنا يقصر لك غربتك وتعملي كعك العيد اللي جاي في الاسكندرية
تحيات إسكندراني في بلاد الله الواسعة
إرسال تعليق