اين الارض
ومتى ساصل لهـــــا
وهل ستراقني تلك الغيوم
.
ترى؟
هي راحلــة أم آتيــة
ولما المشهد متوقف
بل متيبّـس
ألن يتحرك
.
ترى؟
اين انـــا؟
اين ذهبت؟
وهل ضروري جداً أن أعود؟
وهل ضروري جداً أن أعود؟
.
ترى من أنا؟
وهل لابد أن أعرف؟
.
تـرى؟
أين أنـت؟
وهل حقـاّ رحلت؟
وهل كنت حقيقة يوماً
.
ترى؟
سأجد على البر أجوبة
وإن لم يأتي
هل سيصبح هذا مكاني للأبد
.
ترى؟
أهذا سيؤلمني
وهل هناك ألما أشد من الآن
.
على كل حال
يقال أن لكل غيم فجر جديد
هناك 6 تعليقات:
سلام عليكي يا هند
اول تعليق اول مرة :)
..
ايوة هيجي فجر و تنور الدنيا من جديد
اكيد هتلاقي بر تطمني عليه بعد رحلة طويلة جواكي
بس الرحلة مش بتنتهي ..هتكون فترة راحة بس
..
كان حقيقة يا هند ..حقيقة جميلة ..بس مهما كان هو لسه جواكي ..ملامحه و صوته و هدوءه و حتي لحظات غضبه
..
هترتاح لما تلاقي بحرك اللي اتعودتي تحكيله
هناك في اسكندرية
في جو البرد ده
..
الغيوم
هي التعب او ايام صعبه ..هتكون معاكي ذكري و دروس اتعلمتي منها ذكريات ..
..
يا رب ردي يطمنك شوية
ربنا يريح قلبك يا ادفا قلب :)
سلام يا جميلة النفس و الروح
مها
أكيد لكل غيم فجر ولكل ضيق مخرج ولكل مشكلة حل وال جاى أحسن بإذن الله
لكل مشوار طيل نهاية ولكل عملة وجهين وإذا وجد الغيم أو الكرب فأعلمى أن الفرج والشمس آتية لامحالة عن قريب
هنودة تستوقفنى دائماً كلماتك عن شئ مفقود .. أخشى أنه مفقود للأبد و أنك تنتظرين المستحيل
المشهد لا يتوقف أبداً ربما نخدع نحن أنفسنا أحياناً لنتوقف عند أشياء لا نحب مفارقتها وغالباً ما تكون أشياءاً وهمية لا وجود لها فى الواقع
هناك ألم أشد دائماً من أى ألم .. ألم الندم عندما ندرك أننا أذقنا أنفسنا كل هذا العذاب لأننا لم نكن نرى الصورة بوضوح أو أننا لم نفهمها بشكل صحيح
ممكن أسألك سؤال؟ ياترى هدفك واضح ؟ يعنى عارفة هتعملى ايه ورايحة فين؟ ولا مش عاوزة أصلاً تفكرى فى ده لأن الهدف اللى انت عاوزاه مش من ضمن الأهداف المتاح الوصول إليها؟
ياترى يا هنودة تقدرى تجاوبى على أسئلة البوست بالعقل وبعيد عن المشاعر ولا فيها أسئلة متعرفيش إجابتها؟
لكل غيم فجر جديد فقط لمن ينتظر الفجر ويرغب فى بداية يوم جديد
ربما كان واجبى أن أرد على تصور ما خطر ببالى أثناء قراءة كلماتك فأعتذر لو كانت كلماتى لم تأت فى محلها
دمتِ بكل خير
تضرعت قائلة أذا كان المقبل هو الألم فليحل مسرعا لأن حياتي لاتزال امامي ويجب ان احياها على أفضل نحو ممكن ، اذ كان عليه ان يختار فليفعل على الفور اذ ذاك سانتظره أو أنساه الانتظار مؤلم والنسيان مؤلم لكن أشقي العذابات الا ندري ما القرار
كلمات قرأتها في رواية
على نهر بيدرا هناك جلست فبكيت
بولو كويلو
قد تلمسك كما لمستني
سمراء
maha
سلام عليكي يا مها
تعرفي؟؟
ساعات أحط دماغي على المخدة بدموع بتقول ان بكرة هو آخر الدنيا
وييجي بكرة و أفتح عيني على قلب مرتاح ماليان نور
ساعتها بقول الحمد لله ان ليّ رب
قلبي بايده
ورضاه ما بيتخلاش عني
عارفة انه حقيقة يا مها
بعقلي عارفة
لكن فيه تشويش من جوة خانقني
وكل ما اتلخبط اسأل نفسي هي ده بداية النسيان؟؟
أخيرا حاييجي
وماعرفش ساعتها أفرح و أزعل
بس أنا حافرح لما أنزل و حاتشوفي يا مها
ردك طول ما هو قريب قوي كده زي ماهو أكيد حايطمني
هو فهي ايه أكتر من الحنية عشان يطمنا
سلام
:)
---------------------
صدى الصمت
باذن الله اللي جي أحسن
وحل المشاكل بيجي لما نتصالح معاها ونحسسها ان عادي مش رافضينهخا
ساعتها بتنخ و تسينا نحلها
بيسعدني جدا التواصل معاكي
تحياتي
------------------------
زمن الشيكابالالالا
نورت المدونة و أسعدتني زيارتك
فعلا
و انا علمت نفسي أحوش حاجاتي عشان ألاقيها لما أوصل
وكل ما أصدق اني حاوصل بتبت أكتر على الحاجات
وكل ما أشك في الطريق تقع حاجات
تحياتي
--------------------
أحمد عبد العدل
تعرف انت ايه مشكلة ردودك
انها حقيقية قوي
شبه مخاوفياللي مش عاوزة أشوفها و كل ما تيجي قصادي أهشها
ماتخافش انا مش من الغباء اللي بيخلي الناس تزعل ساعات من اللي دايما يحطلهم الحقيقة قدامهم
هدفي كان واضح لحد وقت قريب
مش مكتمل بس كان واضح
لحد ما بانت شوية حاجات بتقولاني لازم اتخلى عنه
وأديني نازلة أشوف
حاقرر ايه
صلي مابعرفش أقرر ا،ا برة
لإني سايباني هناك
يا أرجع بيها كلها على بعضها أبقى كده رميت حلمي و رميت نفسي فحضن غربة كنت واقفة على بابها سنين
و يا إما أرجع و أسيبني هناك تاني و ساعتها يبقى حاتهنيني اني مااتخليتشي عن هدفي
تهت معاي ولا لسة؟؟
مافتكرش حاتوه عشان انت تعليقاتك بتخليني استغرب جدا من قدرتك للوصول للمعاني المدفونة
عمري ما كنت من الناس اللي عقلها سابقها
ولا حتى ماشي في خط متوازي مع المشاعر
ولحد انهاردة لسة ماحستش بالخطر من ده
يمكن يتغير عن أول خبطة تعلم بجد
بعتز جدا بالحوار معك
:)
تحياتي
--------------------------
سمراء
الكلمات عمية جدا.. عمقها صورلي ورق الواية المصفر و الخط الاسود الصغير الغامق
أشقي العذابات الا ندري ما القرار
بالتاكيد لمستني جداالكلمات
ملائمة جدا لما أنتظره مؤخرا
تحياتي
إرسال تعليق