وحشتني اسكندرية بسرعة قوي
من يوم ما جيت و هي واحشاني
وكل الناس واحشني
نفسي دلوقت ألبس و أتشيك و أنزل على حفلة منير في نادي سموحة
وبكرة الصبح أنزل أروح لوران آخد حبيبتي من هناك و نروح سيدي بشر يتغدوا هم فسيخ وآكل أنا
أي حاجة
أي حاجة
و الضحك يملانا و الحكايات
وحشني شم النسيم في مصر و جري الناس على البحر و فرحتهم بأول نزولة ليهم في المية بعد حرمان شهور الشتا
وحشتنيني يا اسكندرية
هناك 24 تعليقًا:
كل سنة وانت طيبة
وشم النسيم الجاي تكوني في اسكندرية ان شاء الله وتحققي احلامك
سمراء
وحشاني مصر كلها..شم نسيمها وكل ما فيها
السنة الجاية ان شاء الله تبقي ف سموحة
وهي الناس كانت فعلا بتنزل البحر في السقعة دي؟ إفتكري كويس كده؟
انتى كمان وحشتى البحر قوى وبيسئل عليكى وكل ما يشوفنى يقولى فين اصحابك ؟
وفين هنوده اللى جتونى على شرفها
ان شاء الله تكونى هنا السنه الجايه ولا تتغربى عننا تانى ابداااااااااا
بحبك
البت دودو خدتها من على طرف لسانى
حتى بصى
( وش مطلع لسانه )
إنتى كمان واحشة إسكندرية دى حاجة أنا على يقين من ذلك ..
زى ما المفروض يوسف يكون عنده يقين إنه وحشنى و إنى بفكر فيه كل يوم و كل لحظة ..إنتى كمان خلى عندك يقين
إنك فى قلب قلب أجمل بلد فى الدنيا ..
أنا بقول عليه كوكب إسكندرية
اصله فيه ناس غير
و هوا غير
و بحر غير
كل حاجة هناك غير أى مكان ف الدنيا
السنة الجاية تشمى النسيم معانا
و نيجى على حسك نغسل الهموم عندك
و معاكى
و يبقى يوسف معايا و أسيبك تحتاسى و إنتى بتحاولى تقنعيه يسمع كلامى و و مينزلشى البحر لحسن ياخد برد
و فى الآخر تعيلوا سوا
و مقدرش عليكو إنتوا الجوز
و تنزلوا تبلبطوا على مسئوليتك
و بعدين وإحنا مروحين يعطس
و امسك فى خناقك
و أقولك شوفتى يا ست هنودة ؟!!!
ادينى حطيت سيناريو محكم اهو
يا رب يتحقق
بحبك قوى
قوى
آه
نسيت
كل سنة و إنتى بالف خير يا قمرايتى
وانتي وحشتيني :)
كل سنه و انت طيبه و مين عالم يمكن االسنه الجايه تحققيها و تظبطي نزولك في شم النسيم و تروحي لنوران تاخدي حبيبتك و تروحوا سيدي بشر يتغدوا هما فسيخ و انتي اي حاجه :)
مافيش حاجه بعيده
انا كمان مفتقده شم النسيم و صحياني الصبح على ماما بتسلق بيض كتير و فاجاه يطلع في دماغها تعملنا احلى فطير و انا و ياها بساعدها و بحطلها السمنه البلدي بين طبقاته مممم
:)
كل سنه و انت طيبه و ايامك كلها ربيع
اه صح نسيت اقلك عشان قلتي عايزه تعدي معايا
عدي يا سيتي لحد يوم 27/7 :)
بنوته نونه ان شاء الله :)
اه
انهاردة شم النسيم
انا فاكرة شم النسيم ده زمان كنا بنتجمع فيه كلنا احنا وخالاتى وعيالهم وعيال العيلة كلها عند تيتة الكبيرة
ويجيبوا فسيخ والاكلات دي .. ونروح من الصبح ويقعدوا يشووا فيها ولازم روايحها تجيب اخر الشارع
تمشي فى الشارع تلاقي كل البيوت بتطلع الروايح المشهورة فى اليوم ده
وابقي انا بتفرج عليهم واستناهم يخلصوا اكل وبعدين اقول لبنات خالتى طهروا ايديكوا وعقموها عشان نبتدي نلعب بقي ولا نولع صواريخ ولا ننزل نتمشي ولا اى حاجة
وخالاتى يقعدوا يضحكوا عليا عشان مش بحب الفسيخ وكأنه مثلا محشي ورق عنب ولا حاجة
والله كان ولا كأنه العيد الصغير
كانت ايام :)
حاسة انك روحتى فضّيتي فى الاجازة دي حاجات كتير اوى
لدرجة انك راجعة مفيش رغي جواكى
او هو فى بس انتى مش عايزة تطلعيه
بردو نفس الاحساس عندي
فى حاجة حطاها على جنب ومش عايزة تقربيلها ... بتتكلمى عن اى حاجة غيرها
ووبعدين كل الناس دي بتقولك بحبك
وبعدين كدة
مش هنعرف نكلمك ياعم بعد كدة :)
كل سنه وانتى طيبه ياقمر
كل شم نشيم وانتى طيبة وبخير و صحة وسعادة
تحياتى
عاشقة الورد
انت اللى وحشى اسكندرية يا هنودة الامورة
كل شم نسيم وانت طيبة
بس انت مش بتحبى الفسيخ والا ايه
انتى وحشانى قوى
تحياتى
شيمو القمر
يااااااااة ...
والله زمان يا اسكندرية ..
ابو قير والبحر الميت
مستشفى ابو قير المركزى ..
لم تكن قد صارت بعد مستشفى عام
وأناااا ..
طبيب مقيم جراحة هنااااك ..
اسكن فى الورديان ...
واصحى الفجر علشان الحق المستشفى ..
الساعه 8 صباحاً ..
فتكون النتيجة إنى اناااام فى الأتوتبيس ...
مدتها لم يكن عندى سيارة ..
غربة ,,,
من خلف قضبان غربتى ...
اسمح لى أن احييك ..
كن بخير
كل شم نسيم وانت موجودة في اسكندرية
-
اخر حفلة لمنير حضرتها كانت 2002 واخر شم نسيم حضرتة كان 2004
:(
اخر مرة نزلت بحر اسكندرية كان من 11 سنة مثلا
ادعيلنا يجي يوم ونعوض كل دة
:))
تحياتي
سمراء
يااارب أكون هناك كل شم نسيم و كل عيد و كل راس سنة و كل يوم جمعة
:)
بجد شكرا على متابعتك
تحياتي
------------------------
syzef
واضح من كلامك انك مش في مصر مع انك مش قايل ده في البروفايل
ياترى انت فين دلوقتي؟؟
يااارب اكون هناك السنة الجاية و يكون منير برضه عامل حفلة
أسعدني جدا مرورك
:)
تحياتي
---------------------
يامراكبي
طيب تصدق يا باشمهندس ان و أنا لسة هناك في اسكندرية كان فيه ناس بتنزل المياه
أصل هم أما بيصدقوا الجو يدفى حبتين و الشمس تطلع قوية بعد غياب كام يوم شتى يقوموا واخدين بعضهم و على أي شاطئ و نازلين
من زمان ذكريات شم النسيم معاي كان أوضح حاجة فيها اندهاشي من نزول الناس البحر في البرد
أنا فاكرة وانت اللي مش فاكر
وش بيطلع لسانه
:))
-------------------------
عاشقة الرومانسية
دودو حبيبي
واحشاني جددددا
سلميلي على البحر قوي
يااارب يا دودو أكون فيها على طووول
بتسعديني بطيبه قلبك قوي
تحياتي
---------------------
فاتيما
ههههههههه
تعرفي ان فعلا احساسي باني واحشاها بيوصلني و بحسها بتبعتلي سلام كل فين و فين وهواها بيلمسني كاني هناك
بس ساعات برضه يا فاتيما بحس ان كل الايام اللي قضيتها في الاجازة كانت حلم و مش بجد أو اني كنت بيتهيألي
كلامك عنها جميل جدا لدرجة اني بدأت أغير
:))
عيشتيني في التخيل و شوقتيني قوي ليه و ليكي و ليوسف.. حاعلمه ساعتها ازاي يعرف ينام على المية و يثبت نفسه فوقها..وحانعمل سباق النفس.. ده كان لعبتنا و إحنا صغيرين
نكتم انفاسنا وننزل تحت المية وواحد يفضل فوق يعد و نشوف مين حايطلع الاول ومين بعده
أنا اللي حافضل فوق و أشوف مين اللي نفسه اطول .. يوسف ولا مامته
يااارب يتحقق
عندي أمل في ربنا كبييييييير قوي يا فاتيما
حضري بس انت بُرنص ثقيل و هو مش حايبرد
ماشي؟؟
وحشتيني
Rosa
يارب الغربة تهون و بسرعة ترجعي و تعملي بعض عاداتك القديمة مع ماما .. و تعملي عادات جديدة كمان من صنعك انت بين زوجك و بنوتك
فرحت قوي لما عرفت معاد نزولك مصر.. مجرد معرفة الميعاد بيحسس الواحد انه قرب قوي..
أكيد الشوق دلوقتي عمال يكبر و تخيلات الاحداث مالية شرودك.. يااارب الايام تعدي عليكي بسرعة و تلاقي نفسك في حضن ماما وتسلميلي عليها قوي
بتمانلك السعادة و الفرح من قلبي يا روزا
وفرحانة بيكي جدددا
-----------------------
كفاية طيبة
العادات العائلية ده ذكراها ما بتتمحيش و بتكون في أجمل أيامها في وجود الجدات الكبار.. بيضفوا عليها دفئ جميييل قوي يا نونا
انت زيّي ما بتحبهوش!! :)
ولاء عملاني أعجوبة عشان مش بحبه
انا زي ما بتقولي كده بالضبط.. اللي بيوجعني هو اللي بيخليني أرغي.. و انا من ساعة ما جيت خايفة آجي جنب اللي واجعني... مش عاوزة أحسسه انه موجود عشان يسيبلي مود اسكندرية فقلبي زي ما هو.. مطنشاه يا نونا و عاملة مش واخدة بالي
بس انت عارفاني.. أكيد اللجام حايفك بعد فترة
والله معزتك عمالة أعرف حجمها عندي كل يوم و التاني..
تسلميلي يا نونا
--------------------------
انا حرة
ياااه .. وحشتيني ..لسة فاكرة المكالمة اللي دارت بينا و قد ايه فرحتني
وازعاج الحضانة اللي جنبك.. اللي اتضاف عليه مكالمتي البدري
:))
كل سنة و انت بألف خير يااارب
تحياتي
-------------------------
صدى الصمت
وكل سنة و انت بألأف خير يااارب
بشكرك من العمق على متابعتك و كلماتك
تحياتي
-------------------------
شيماء جمال
وكل سنة و انت بخير و سعادة يااارب
انا آه مش بحب الفسيخ ولا الرنجة.. خري آكل تونة
هههههههه
و الله انت كمان وحشاني جدا ياشيمو.. يارب نتقابل تاني على خير باذن الله
تحياتي
-----------------------
أين؟
كان تكليفك في اسكندرية؟؟
طيب و انت أساسا منين
واضح ان اسكندرية سابت جواك ذكرى مميزة.. بس كنت بتروح من أبوقير للباااان كل يوم
ياه مسافة طويلة جدا.. بس ابوقير ليها سحرها الخاص عن كل اسكندرية تحسها مكان منعزل عن البلد كلها.. ليها ناسها و طبعها.. ياريتك لو كنت العكس,, السكن في ابوقير و المستشفى في اللبان
ربنا يهون عليك الغربة .. وآدي المتغربين في مدونتي زادوا واحد...
أسعدني جدا التعرف عليك و على مدونتك
ويا أهلا بيك في عالم التدوين
:))
تحياتي
--------------------
اسكندلااني في الغربة
و الله بقيت براهن نفسي كل ما أكتب عن بوست لإسكندرية انك حاتيجي تعلق
:))
أنا كمان آخر حفلة حضرتها لمنير كانت في 2002 .. كانت في فانتازيا لاند اللي جنب الحديقة الدولية
وآخر شم نسيم كان في 2005
ياااه.. 11 سنة مفارق مية البحر.. ليه بس؟؟
تصدق أنا مش فاكرة بقالي قد ايه.. بس .. لأ افتكرت آخر مرة كانت في 2006
:))
يارب كل سنين الغربة تتعوض.. ويارب قلبك يفضل شايل وعود كده لاسكندرية على طول.. أصل يا عيني على اللي غربتهم تخلص يلاقوا نفسهم رجعوا بقلب ناسي ازاي يعيش في بدهم
يااارب ما يحصلناش كده حتى لو قعدنا 20 سنة
بعد الشر يعني
:))
تحياتي
كل سنه وانت طيبه ياهنوده السنه الجايه تبقى فى اسكندريه تنوريهاوتكتشفى مكامن الجمال فيها عملت مدونه ياريت تشرفيها وتقولى رايك فيها
وانا كمان وحشتني
مش قضيته فيها
:(
مش عارف انا مش بحب احتفل بيه ابداً
السلام عليكم
كل سنة وأنتم بخير
طبعا مصر كلها وحشتك
وخصوصا أسكندرية
لأنها مليئة بذكرياتك الجميلة والرائعة
والتي تعيشين علي ذكراها
ان شاء الله تحققي اللي بتحلمي بيه
والسنة الجاية تعملي كل اللي قولتيه ده وأكتر كمان
ربنا يهون عليك الغربة
ربنا يهون الغربة علي الجميع
وترجعي بالسلامة
تحياتي
ام روزا
كل سنة و انت باللف خير يارب
لسة جاية من عند حضرتك دلوقتي.. غبت هناك بضع دقائق حسيت فيها بروحي سافرت لحد عندك و لفت و دارت جوةمصر و جوة بيتكم وجيت تاني
مدونة مميزة كما هو متوقع
مبروك التدوين
:)
تحياتي
------------------------------
لماااااضة
ياااه.. لو تعرفي واحشاني قد ايه
معلش يا جميل.. انشاء الله مايفوتكيش شم النسيم تاني ولا أي مناسبةأخرى
شد حيلك كده واصبري التهريج اللي بيحصل.. عاوزة أعرف اخبار التجربة الاولى
:)
واحشاني
كل سنة وانتى طيبة و السنة اللى جية تبقى فى اسكندرية و انشاء الله على طول على فكرة اسكندرية كمان انتى و حشتيها أوى و مستنياكى تجيلها بسرعة و بتقلك انتى نجمت بحر اسكندرية و عروستة
أنزل أروح لوران آخد حبيبتي00000
انا حبيبتك00 وبحبك اوى
مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.
قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/107
يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.
و لكم جزيل الشكر،
فريق عمل تدوينة دوت كوم.
http://www.tadwina.com
إرسال تعليق