يـــاااه
بقالي زمان ما حكيتلكش
لدرجة اني نسيت إزاي بتكون الحكايات
هو أنا كنت بعرف أحكي
طيب كنت بقول ايه
و بقول ازاي؟
بقالي زمان مامدتش ايدك على دمعتي بحنية ومسحتهالي
وبقت دموعي بتنزل دايما ومن غير نهاية.. بقت عادي
مالهاش معنى و لا قيمة
ولا حتى عندي
و بقالي زمان ما حستش ان زعلي حاجة تخض
بقالي زمان نفسي في حد يتخض عليّ
ويعمل من حزني أزمة كبيرة ممكن تقف عشانها الحياه
و تتجمد عشانها الايام
بقالي زمان مِتسابة اتفلق
بقيت بقولها أنا لنفسي قبل ما أي حاجة تانية تقولهالي
إتفقلي
كاني بقيت بتاعة نفسي و بس
وانا زهقت منها.. عاوزة حد غيري يراعيها
ده لوأساساً انا براعيها
ليه بقالي زمان ماشفتكش
ولا شفتني
ولا اعرف احنا رحنا فين
لا هو احنا بقينا فين دلوقت
و هو دلوقتي ده يطلع امتى؟
وعدى قد ايه على زمــان
تعرف اني نفسي أقعد معاك و تحكيلي عن زمان
عشان أنا نسيته.. تصدق!!
نسيته!!
هو انا حارجع امتى
ولما ارجع حلاقيك؟
ولما مش حلاقيك أروح فين
والنبي لا تقولي أروح فيــن
لا هو فين مكاني؟
هو انا ليّ مكان؟
ولا كان فين مكاني زمان؟
كنت بشوف مكاني في عنيك
لا هي فينها عنيك؟
وطلتها .. وطيبتها وحنيتها
تعرف الحنية؟
تعرفها؟!
غريبة .. أصل بقالي زمان ماسمعتش حاجة عنها
الناس نسيتها ولاّ يمكن انا اللي نسيتها
تصدق.. ممكن تكون قدامي كل يوم و انا اللي مش شايفاها
أصلي انا بقيت مابشوفش و لا اي حاجة
تمر الحاجات حوليّ ومانيش حاسة بيها
مين ده اللي قالك اني بقيت عارفة حاجة
مش تيجي تحكيلي بقى
تحكيلي انا بقيت مين
وازاي
بيقولوا إني مش لوحدي
وإني ماشي حالي
بسمع اللي بيقولوه وأحاول اركز فيه بس بنساه
اصلي بقيت بنسى كتير
والله دماغي مابقت فيّ
ده حتى كلامك بدأت انساه
معلش
اصلي بقالي زمان ماسمعتهوش
لا هو انت مابتقوليش ليه حاجة من زمان
مش ناوي تقول أي حاجة؟
مالك بقيت قاسي كده
مال دموعي بقت عادي عندك
مال نداي ما بيرجعكش تاني
هو انا زعلانة منك ولا إيه
ولو زعلت منك .. كبيرة دي ولاّ صغيرة؟
ومين حايصالحني بعدك ولا برضه حاتفلق
طيب ما أنا من زمان اتفلقت اتنين
و اتنين اتفلقوا اتنين
و الإتنين اتقسِّموا كتير قوي
وبقيت مع كل الناس
و فكل حتة
وعلى كل شكل و لون
ولو جيت تسألني انتي فين؟
لو يعني
مش حاتلاقيني
مش حاتلاقيني خالص
آآه يبقى عشان كده مابتجيش
اديني في الآخر عرفت أهو
طيب
بقالي زمان غايبة عنكم
وفرحت بسؤالكم اللي بجد غالي قوي
غايبة ليه؟
يمكن عشان ضغط الشغل من ساعة ما جيت
ويمكن عشان المود اللي انا فيه من ساعة ما جيت
مش عارفة
سامحوني على غيابي
هناك 21 تعليقًا:
السلام عليكم
حمدالله علي السلام يا هنوده وربنا يعينِك علي ضغط الشغل وإن شاء الله المود يكون إتحسن مع إن الكلام الي انتي كتاباه بيقول عكس كده
ابقي طمنينا عليكي متغبيش كتير كده
حمدلله على السلامة
نورتى المدونة
ربنا يزيح همك ويبدلك فرحا وسرور
وربنا يكون فى عونك ويقويكى على الشغل
وفى انتظارك دائما
دمتى بكل ود
بقالي كتير بدور على احساس زي ده جوايا ومش لقياه
معنديش شوق لحد معنديش شوق لحاجة
وبصبر نفسي واقول حالة وهتنتهي
الحمد لله انك حاسة
سمراء
عارفة انك انتى اللى هاتقدرى تقولى اللى جوايا دلوئتى
انتى الوحيدة اللى تقدرى توصفى حالى ازاى دلوئتى
وجعتنى اوى بجد وادمعتنى كتير
بس من غير ماتقصدى
الدنيا دى وحشة اوى ياهانودا
حمد الله علي السلامة
أعتقد إني بمر بالإحساس ده علي فترات كده..بس مع فرق إن مفيش مخاطب ..بخاطب نفسي كبديل يعني لأن مينفعش أخاطب حد تاني
لكن أنا شايف إن الدنيا بنسمحلها تستهلكنا ويفضل الإيمان يبقي أضعف
لحد ما يبقي إعتمادنا علي البشر أقوي من رب البشر.وإحساسنا بافتقادهم وافتقاد رضاهم عننا أكبر من إحساسنا بافتقاد رضا ربنا..وأحياناً بيحصل تداخل بين الأحاسيس دي بشكل محير
لكن الخلاصة.إنك طالما قدرتي تفضفي وتعبري عن نفسك بالشكل الرائع ده
يبقي في خطوة تمت
والباقي في الطريق بإذن الله
وربنا يعينك وكل شئ هيتعدل للأحسن :)
خالص التحية
عملت كدا فى نفسى بس زمان ولما ما لقيتش اى حد اهتم صح بالجزء اللى اتقسم منى وفضل يبقى جنبه
لملمت شتاتى وصلحتنى على اد ما اقدر بقربى من ربنا ودعيتله كتير يجمع اجزائى تانى على بعض عشان اقدر اقف ثابته ولما استجاب ربى لدعايا
رجعتنى تانى ولقيت مكانى وعرفتنى
وساعتها بس لقيت ضحكتى رجعتلى
اللى يستحق جزء من اجزاءك اللى اتقسمت هو بس اللى هيديكى مسبقا جزء من اجزاءه اللى اتقسمت
يعنى من الاخر مش الكل يا هنوده صدقينى اللى يستاهل دا
صدقينى لانى عشات قبلك دا ولما قلت استنوا محتاجاكو هنا
ما لقيتش جنبى غير ربى بيقولى انا ربك وانت عبده عندى ودول عبادى دوروا وشهم عنك لما كنتى بتناديهم وانا هنا
هتعملى ايه ؟
لقيتنى فورا بسجد وبجد قربت اوووى وساعتها بس بانولى الناس الى حواليا بجد
مش بعيب فى حد من اللى حواليا وبحمد ربى انه هداهم ليا عشان يعرفنى حاجات كتير اوى
فبجد الف حمد و شكر على كل حد عرفته وفادنى او حتى ضرنى لانه عرفنى كتير اوى
ابقى انتى لانك من جواكى انتى وعشانك حاولتى تغلفيكى بالغلاف اللى الناس عايزاه تعبتى وحسيتى انك مخنوقه
خلى دايما جزء منك ليكى
وساعتها بس هتشوفى حاجات كتير اوى ماكنتيش شايفاها صدقينى بجد
اخر بوست عندى قلت فيه دا :)
هدعيلك كتير اوى
وربنا ان شاء الله معاكى
و ثقى انه ربنا هيكتبلك دايما الخير عشانا نتى قلبك طيب اوى
سامحينى طولت عليكى بس لقيتنى مش قادره ما اكتبش دا
وسورى اذا كان فيه كلام خاص بيا مش من حقى انى اقوله هنا بس لقيتنى عايزه اسيبهولك هنا اوى احسن من ماسدج التليفون
ربنا معاكى
وابقى طمنينى عليكى
حمدلله علي السلام يا هنوده
كلها ايام وبتعدي للاسف كتير جدا بنشر بكده الحياة تمضي خصوصا في الغربه بالطريقه دي الغربه نفسها بتولد الاحساس ده ان اماكن الذكريات دايما بتمدنا بطاقه علشان نعيش و بعدنا عن الذكريات بيخلي حتي الذكريات تموت و ده اسوء حاجه ممكن تحصل للبشر
بس في الاخر مش تنسي ربنا هوا الي بيغير القلوب ويزيح الهموم خليكي معاه كل حاجه هتبقي سهله ان شاء الله
تحياتي
سلام عليكي يا هند
يااااااااااااااااااه
ده انتي وحشاني بشكل ؟
حسيت ان اخيرا ظهرتي .. عارفة لما تحسي انك تعبتي فجاه من كل حاجة و حاسة ان فيه ضباب بيدور جواكي و حواليكي و فجاءه تلاقي حاجة جميلة و كلام هداكي في لحظة ثورة ملهاش سبب اصلا؟..
ده احساسي اول ما قريت تعليقك عندي
بس قلبي وجعني لما قريت حيرتك هنا
لملمي نفسك و انتي لوحدك قدام البحر ..فكري في صوته و احضني ابتسامته جواكي ..هو عايش جواكي .. لسه بيحبك و مش زعلان منك بس هيزعل لو حسك زعلانه اوي كده..
ادعيلي ..يا رب كل خير يحصل
انتي وحشاني اوي يا هند ...بجد كاني هشوفك قريب ..انا عايزة اشوفك اوي
خلي بالك من نفسك يا جميلة النفس و الروح
سلام يا حبيبتي
مها
سلام عليكي يا هند
يااااااااااااااااااه
ده انتي وحشاني بشكل ؟
حسيت ان اخيرا ظهرتي .. عارفة لما تحسي انك تعبتي فجاه من كل حاجة و حاسة ان فيه ضباب بيدور جواكي و حواليكي و فجاءه تلاقي حاجة جميلة و كلام هداكي في لحظة ثورة ملهاش سبب اصلا؟..
ده احساسي اول ما قريت تعليقك عندي
بس قلبي وجعني لما قريت حيرتك هنا
لملمي نفسك و انتي لوحدك قدام البحر ..فكري في صوته و احضني ابتسامته جواكي ..هو عايش جواكي .. لسه بيحبك و مش زعلان منك بس هيزعل لو حسك زعلانه اوي كده..
ادعيلي ..يا رب كل خير يحصل
انتي وحشاني اوي يا هند ...بجد كاني هشوفك قريب ..انا عايزة اشوفك اوي
خلي بالك من نفسك يا جميلة النفس و الروح
سلام يا حبيبتي
مها
سلام عليكي يا هند
يااااااااااااااااااه
ده انتي وحشاني بشكل ؟
حسيت ان اخيرا ظهرتي .. عارفة لما تحسي انك تعبتي فجاه من كل حاجة و حاسة ان فيه ضباب بيدور جواكي و حواليكي و فجاءه تلاقي حاجة جميلة و كلام هداكي في لحظة ثورة ملهاش سبب اصلا؟..
ده احساسي اول ما قريت تعليقك عندي
بس قلبي وجعني لما قريت حيرتك هنا
لملمي نفسك و انتي لوحدك قدام البحر ..فكري في صوته و احضني ابتسامته جواكي ..هو عايش جواكي .. لسه بيحبك و مش زعلان منك بس هيزعل لو حسك زعلانه اوي كده..
ادعيلي ..يا رب كل خير يحصل
انتي وحشاني اوي يا هند ...بجد كاني هشوفك قريب ..انا عايزة اشوفك اوي
خلي بالك من نفسك يا جميلة النفس و الروح
سلام يا حبيبتي
مها
ياااه يا هنودة أخيراً رجعتى تنورى التدوين من تانى
بس راجعة وجواكى لخبطة كتيرة قوى
ونفسيتك مش متظبطة
ربنا يفك كربك ويفرج همك
تحياتى
السلام عليكم
ازيك يا هنود
اتمنى تكونى عكس الكلام المكتوب
يارب نطمن عليكى ديما
وتنورى المدونة وترجعى بالف سلامة يارب
ربنا يوفئك ويقويكى يارب فى عملك
ترجعلنا بالف سلامة
Not a good mode
غريبة اوى الصورة
ومناسبة جدا للكلام
عايزة اخد بلوجتك فى الشنطة بتاعتى
-----
و بقالي زمان ما حستش ان زعلي حاجة تخض
-----
طيب ما أنا من زمان اتفلقت اتنين
و اتنين اتفلقوا اتنين
و الإتنين اتقسِّموا كتير قوي
وبقيت مع كل الناس
و فكل حتة
وعلى كل شكل و لون
ولو جيت تسألني انتي فين؟
لو يعني
مش حاتلاقيني
مش حاتلاقيني خالص
آآه يبقى عشان كده مابتجيش
اديني في الآخر عرفت أهو
طيب
-----
لا تعليق
هو ممكن الواحد لما يغيب عنه حد بيحبه يبقي عامل كدة ؟
هو ليه بيبقي عامل كدة
مش بينسي ليه التفاصيل ؟
زي اى تفاصيل ما بتتنسي
انا عارفة انك هتقولى انك بتحبي التفاصيل دي
بس انا مش عايزة تذكرك لتفاصيل يتعبك
مش عايزة تفاصيل عيشتيها تتعبك تانى كل ماتفتكريها ياهنودة
افتكريها وابتسمي وكملى حياتك وخليها تصبرك عليها
بس مش عايزاها تبقي سبب فى شجن يحصل ليكي
وبعدين متقوليش لـهند اتفلقى على فكرة
تحبي نتخانق بقي وازعلك عشان خاطرها
و هي هتفضّى بيننا ولا هتسيبنا نشد فى شعر بعض ؟
اكتشفت ان ضحكتك اد ماهى ترد الروح ... اد ماهى بتخبي وتدارى كتير :)
حمد الله على سلامتك ياهنودة
المهم انك بخير غيابك كان يقلق فعلاً
على فكرة الحياة محتاجة حد أجمد من كده بمراحل ... أكيد هتعرفى .. الله المستعان
ربنا يحفظك و يرزقك كل الخير
هنوده
وحشتينى واللهى وكل فتره ادخل ادور عليكى انتىكنت بتجربى تشوفى مقدارحبك وافتقادك فى قلوبنا ولا ايه
عموما ياهنوده ربنا يفرج عنك ويبدل شعورك بالحزن الى فرح ان شاء الله
انت عليك واجب كتير ياهنوده من زمان اسمك ما نورش مدونتى ولازم تخلصى الاجب اللى عليك وتقوليلى رايك فى اللى فات وماتنسيش انى تلميذه جديده فى عال التدوين مين هيصحح لى غيركم
وحشتينى
مش عارفة يا هنودة البوست الجديد بيظهر على شكل عنوان بس مش عارفة أدخل علية
:(
مش عارفه اقول ايه يا هنوده
كل شويه ادخل اقراه و معرفش اكتب حاجه و امشي
اصل ايه ممكن يتقال على كل الي كتباه
يمكن هو كمان مابيجيش عشان شايفك كده و مش عارف يعمل ايه و لا يقولك ايه
:(
مش عارفه اقول ايه ......
بس هونا على نفسك
وحشتينى قوى ياهنوده
انا اسفه لانى مقصره فى حقك قوى
مدونتك ضاعت من عندى وانا باغير القالب ومعاها مدونات كتير
ومش كنت عارفه اجيب مدونتك
والنهارده بس لقيتها بالصدفه وفرحت جدااااا وكانى لقيت كنز
سامحينى على تقصيرى يااطيب قلب اتولد على شط اسكندريه
غربة
كلامك يا هنودة فيه غربة نفس اكتر من غربة الوطن
خلاني افتكر لحظة مرت عليا من شهور كنت أيامها حاسة بغربة نفس وفي يوم كنت باغسل ايدي وفجأة لقيت نفسي في المرايا حسيت إني باشوفني لأول مرة من زمان قوي مشفتنيش و استغربتني واستغربت أحداث كتيره مرة بي ...صعبة هي غربة النفس .{بي يوفقنا جميعا لما يحب ويرضى
عارفة لما تبقي بتحبي حد بس تبعدوا عن بعض وميبقاش فاضل معاكى غير صوره وجواباته
عارفة الاحساس ده ؟
انا كل يوم ادخل بلوجتك بحس انى بعمل كدة
بقلب فى كلامك واقراه تانى
هو انا مش هشوفك ولا ايه ؟
فى حاجة كبيرة نقصاني
إرسال تعليق