مليت
الالم اللي ولا بيأثر فيه حكاويّ عنه
ولا في حضن من اللي لفيت عليهم قدر يسكنه
اتهديت
من الم بيضخ جواي بكى محبوس بين حدود وجداني
بكى بيدور عليك
حالف ما يخرج الا ليك
لاراضي يهدى و ينام
ولا راضي يخرج و يخلصني من شوقي ليك
كل مااقول اديني هديت
و اديها بهتت ملامحك و بطلت تلاحقني نظرات عنييك
الاقيني صحيت يوم بعد ماحلمت بيك
وافضل صاحية عايشة جوة حلم شفتها فيه عنيك
عنيك .. اللي فجأة بتمسح كل سنين البعد عنك
وكانك ماشي من لحظات.. وولا كان قلبي ياما تعب لحد مانسيك
ده لو كان صحيح فيوم نسيك
هناك 6 تعليقات:
هنودة
مهو مافيش فايدة
هايفضل كل ده موجود
وهايفضل الألم يزيد ويقل مع شروق الملامح وغروبها جواكي
شروق وغروب ليس لكي عليهما بسلطان
الحب الكبير الحقيقي في حياة كل إنسان مابينتهيش ولا بيختفي مع كل الناس اللي بنحبهم ورحلوا عنا غصب عنا
تكتبين معي في نفس السكة، سكة فراق الأحباب
تحياتي
كل سنة وانتي طيبة
حسن أرابيسك
كل سنة وانتي طيبة زيارة بعد غيبة طويلة
مكتوب علينا اننا نشوف ونحس بحاجات تجرحنا وتالمنا
اعننا الله
رمضان كريم
ما تحاوليش
دوري على أغنية ل لطيفة التونسية بتقول: أنا ما اتنسيش
هتلاقيها في نفس صلب الموضوع بتاعك
نسيان الحبيب فعلا مستحيل
مليت..
اتهديت..
وفي الاخر....بكيت..!!
"الاقيني صحيت يوم بعد ما حلمت بيك"
يا ريتنا نقدر نبطل نحلم باللي مش عاوزين نحلم بيه...!!
"ولا كان قلبي ياما تعب لحد مانسيك
ده (لو) كان صحيح فيوم نسيك"
فكرتني بثومة وهي بتقول:
(فكروني ازاي..
هو انا نسيتك..!!)
صباحك معطر بالوروود :)
دة احنا طلعنا ولاد اسكندرية واحدة..هههههه
سعيد جدا بكذا حاجة
ستايل المدونة ولون المدونة المعبر ومحتوى المدونة الجامد
بالتوفيق ليكى يا هند
وتقبلى مرورى
رمضان كريم :)
إرسال تعليق