ساعات تبقى مش عارف تتكلم عشان بقالك زمااان ما اتكلمتش فنسيت ازاي بتبقى الفضفضة
و ساعات ما بتعرفش عشان مش لاقي حد قريب يطلع معاه الكلام بسهولة
و ساعات عشان مش فاهم ايه اللي جواك فمش عارف ترتب افكارك و مش فاهم ايه اللي واجعك و محتاج تخرجه
و ساعات مابتعرفش عشان انت مش عاجبك اللي جواك و مش قابله ومش معترف بيه و عاوزتاخده كله على بعضه كده و ترميه في اي مكان يخلصك منه للابد
و الاقسى ساعات كمان انك تكون مش قادر تتكلم عشان انت مش عاجباك نفسك
كل مافيها مخليك ماعندكش اي استعداد انك تتكلم عنه او توليله اهتمام.. رافضها و رافض اي حاجة ممكن تعملها عشان تساعد نفسك بيها
حالة خصام
تبدأ بخصام لنفسك الاول
و تبدأ تتمد لخصام كل شيء
كل شيء كنت قريب منه
فتفقد الصلة بكل حاجة عرفتها
حتى نفسك
اللي بتفضل تلح كل شوية
عاوزة اتكلم
هناك تعليقان (2):
انا عشت حالة الخصام دى من فتره قريبة
انا معنديش حلول اقولهالك
بس كل حاجه فى الدنيا دى
ملهاش غير كلمه واحده بس
يارب
ربنا يوفقك ويسعد ايامك وترتاحى من احزانك
أذيك ياهنودة
يارب يكون المود اتغير دلوقتي
وصالحتي كل الأشياء اللي بتحبيها
واللي بيحصل معاكي ده
بيحصل مع ناس كتير
واللي ذكرتيه ده صحيح
ساعات بيبقا الواحد مش لاقي حد قريب وده مهم جدا مش اي حد
وبرضه عندك حق ساعات برضة عشان بيبقا الواحد مش عارف في ايه وايه السبب
المهم الحقيقة تشخيصك وتحليلك للموضوع قيم جدا وموضوعي جدا وكلها نقاط انتي محقه فيها
لكن والمهم هي عدم الثبات والاستسلام في المربع ده اللي لاقيتي نفسك فيه فجأة
وزي ما كان عندم القدرة على التحليل الخاص بالفضفضة دي
فيجب الا يطول بقاءك في هذا المربع طويلا والتحرك والانتقال لمربع أخر أكثر ملئ بالاكسجين ، تاخدي شهيق بعمق هواء المربع الجديد وتطلقي زفير بقوة تخرجي فيه بقايا المربع السابق المخنوق
الزفير ده بيكون اما فضفضة في دفترك او في مدونتك
المهم ماتجيش على نفسك قوي كده وعلى كل الحاجات الحلوة اللي عندك عشان مالكيش غيرها وهي دي اللي هاطلعك من المود ده
عدم الثبات في هذا المربع والانتقال لمربع أخر أكثر رحابة وهواءً نقياَ
والموضوع أما يأزم معاكي قوي قومي اتوضي وصلي ركعتين وأقرأي شوية قرأن كل ده هايفرق كتير قوي معاكي وده يمكن بداية مرحلة الانتقال مربع أخر مربع صحي نقي
هنوده
تحياتي
حسن أرابيسك
إرسال تعليق