كنت دايما عندي ثقة فقراري بالفرح.. لو قررت حانفذ
ثقة كانت بتجبرني على اني حتى لو مانفذتش فلازم ارسمه على وشي
عشان كلمتي لايمكن تنزل الارض ابدا
دايما كان عندي ثقة في مكياجي ولمساتي اللي حاتطلعني أكيد جميلة
بعرف أخلي وشي يعكس فرحي
بس مؤخرا فهمت ان كل دي اوهام
وان الفرح الحقيقي وحده بس اللي بيحلي
و ان الحزن بيطفي قوي الملامح وبيخليها غريبة
عرفت ده لما شفت فجأة الفرق الكبييير جدا بين صوري و انا هنا بعيد عن مصر
و بينها و انا هناك في مصر
الحياة اتلخبطت في عقلي
ودخل عقلي لدايرة تخوف
لازم أعمل حاجة اخرج بيها منها
لازم اخرج
هناك 3 تعليقات:
حقيقي جدا
العيون بتفضح سعادتنا او حزننا
للاسف مافيش حاجه تعمليها غير ان قلبك يفرح حقيقي
في عيون السعيد ...تري شعاع الحياة ... فأسعدي ..تضحك لك الدنيا... الحزن مقبرة العقل
تحيات إسكندراني في بلاد الله الواسعة
اذيك يا هنودا
الله.. جميل جداً الربط بين صورك وتعبيرات الوجه فيها وبين المكان اللي انتي فيه
وطبيعي حالة الإنسان الداخلية بتنعكس على وجهه
عشان كده حالة الغربة اللي جواكيدايما هي الدافع الوحيد وراء كتاباتك حتى وانتي في اجازاتك في مصر
بتفرحي نص فرحتك مش كلها عشان دايما جواكي هم الرجوع والخروج خارج حدود المكان اللي بتحبيه وبتعشقيه وليكي في ذكريات العمر الجميل في أوله
تحياتي
حسن أرابيسك
إرسال تعليق