بخاف لما يقرب مني حد ناوي يبدأ حياته .. فاتح للكون دراعاته.. وناوي بيّ يغير عاداته.. و يلون الايام الجاية و يرسم امنياته
بخاف
عشان بلاقي جواي حـــس بيقول ان فيّ نبض حياه .. او يمكن هي امنيه
بس كمان جواي سنين سكووووت مش حمل هزة
وحزن غامق قوي يمكن ماعرفش اداري الوانه بالوان الفرح
خايفة اتفاجي في وسط الفرح بدمعة اتسأل عنها
او بالوحدة بترفض تفارقني
وخوفي الكبير منك
خايفة منك لا ما تفارقـنيش
و تفضل عايش معاي ماتسبنيش
وخايفة ما اتحملش رفضي ليك و طردك برة حدود حياتي
خايفة من نظرة منك وسط كل الجديد تقولي إنت لسة فمكانك ما اتحركتيش
وخايفة اشتاقلك و ما اقدرش اجريي ليك
ويمكن اتفاجئ بمللي السريع
يمكن اتفاجئ بعجزي عن المشاركة والتعايش
يمكن أفاجـئـه بحزن كنت فاكراه حايتمسح
يمكن افاجئه بانسان نسي مفاتيح الحياه
خـــايفة
خايفة اكون حطام مركب غارسة في الارض وسط نهر جاري
هناك 3 تعليقات:
يااااااااا
اخر جملة وجعتني اوى
او بمعني اصح كملت وجع الكلام للاخر
عااارفة موش عارف عتصدقي ولا لا
بقالي اربع سنوات بقرا كتاباتك او خواطرك
كل كلمة بتقوليها كأن نفسي تحدثني بصوت عالي
انتي فظيييييعة عذبتيني فوق عذابي
وعلى فكرة انا من اسكندرية وكمان حتى الان في قطر _ وتخيلي فعلا عملت الايميل ده مخصوص علشان اكتب التعليق
بس عايز ااقولك شيء واحد
لو معرفتش تضحك ما دمعش وما تبكيش ولو سالوك الناس عن ضي جوه عيونك ما بيلمعش قولهم العيب موش فيا العيب في الضي وانا موش عاشق ضلمة ولا زعلت الضي .. مسير الضي لوحده عيلمع والضحك عيطلع ما بياذيش ولا يجرحش
إرسال تعليق