من يوم مامشيت وأنا نفسي أعرف امشي ع البحر وأسرح كانه بتاعي.. ه
على فكرة فيه هنا بحر و فيه ممشي أنضف بكتير من ممشى الكورنيش بتاع اسكندرية حبيبه قلبي.. و مافيش حد يمشي يعاكس و لا عربيات تزمرلي و وأنا ماشية كانهم شايفين قدامهم مومس.. ومافيش حاجات كتير من المنغصات اللي ممكن تخليني لو أنا في اسكندرية أتدايق من المشي على البحر وماعرفش أستمتع بمنيراللي شغال في وداني و الهوى عمال يزق فيّ و مافيش مانع ان الشتا ينزل كمان و يكملها...ه
على فكرة فيه هنا بحر و فيه ممشي أنضف بكتير من ممشى الكورنيش بتاع اسكندرية حبيبه قلبي.. و مافيش حد يمشي يعاكس و لا عربيات تزمرلي و وأنا ماشية كانهم شايفين قدامهم مومس.. ومافيش حاجات كتير من المنغصات اللي ممكن تخليني لو أنا في اسكندرية أتدايق من المشي على البحر وماعرفش أستمتع بمنيراللي شغال في وداني و الهوى عمال يزق فيّ و مافيش مانع ان الشتا ينزل كمان و يكملها...ه
بس أنا في اسكندرية كنت بنزل و أكبر على ده كله.. و اسمع منير و اللي يعاكس بقى مع نفسه.. وكنت بسرح و ابتسم مع كلامه لما يلمس جواي الحاجات الجميلة اللي لسة باقية جواي.. و كنت بعيط و لا هاممني مين شايفني لكن هنا.... أنا حاسة اني مربوطة بحبال.. مش أنا اللي مربوطة.. لأ مشاعري ودماغي.. ما الكورنيش موجود.. مش ع البحر بتاع اسكندرية آه بس أهي فيه مياه و نورس و سحاب عامل أشكال في السما.. و محدش هنا يعرف حد ولا حد بيلفت نظر حد. يعني أبتسم و أعيط على كيف كيفيبس أنا مش عارفة نفسي.... أنا عايزة الموجة نفسها.. و نفس البقال اللي بعدّي عليه أجيب منه المستيكة و البطارية بتاعت الووكمان و أنا رايحة.. و النفق اللي بعدي منه شارع البحر اللي يرعب.. وصوت الناس اللي بتمر من جنبي و اللي فيهم بيحب و فيهم بيتخانق و فيهم بيترازل .... ه
من الآخر أنا مش عارفة أحس بره بلدي.. بحاول و بعافر وأقول لنفسي "أهو.. شايفة .. السحاب اللي بتحبيه أهو... دفى شعاع الشمش و هو معدي على رموشي أهو.. حسّي بقى"افرحي بقىطب ازعليطب اندمجيطب انسيولا حاجة نافعة.. أنا عاملة زي العيل الشبطان في اسكندرية و قفلت معاه على كدهخلاص بلاها تمشية على الكورنيش
***********
فينك
بيني و بينك.. أحزان ويعدوا
بيني و بينك .. أيام وينقضوا
هناك 11 تعليقًا:
اولا صباحاومساء الخير
ثانيا انا حبيت اجى واشكرك بنفسى وفرحت انى ممكن اكون اول تعليق عندك النهارده
بس انا متشكر اوى على كلامك وانتى بجد حسيتى بكلامى ويا ريت يكون وصلك
واتمنى دوام الزياره والصداقه
ايمن فاروق
بوست جميل بيحسسنى قد ايه انتى بتحبى بلدك
ربنا يرجعك بالسلامة
حاسة بيكى قوى
السلام عليكم
بوست اكتر من رائع
فعلا احساس الغربه احساس صعب جدا
ترجعي بالسلامه لاسكندريه بلدك ان شاء الله
تحياتي
الدبور
www.dabbor.blogspot.com
أيمن
أسعدتني جدا بأول زيارة ليَ على بلوجي الجديد وكنت فقدت الإحساس بالتواصل بعد فرحتي بزيارة ياسمين اللي أسعدتني
هو ربنا خالقنا مختلفين لكن هو بيفضل حلقة الوصل بين خلقه فتتقابل أفكارهم عنده عشان نفضل دايما متواصلين معاه و بيه
ياسمين
أكيد الشعور بالغربة بيقل كتييير لما الواحد يلاقي ان كلامه بيتحس حتى لو كان غير معبر
ميرسي على احساسك و زيارتك
الدبور
أهو انت اديتني أجمل دعوة فيالدنيا (ترجعي لبدك اسكندرية بالسلامة ان شاء الله) بس كان ناقصها كلمة صغيرة
((( بسرعة)))
بجد ميرسي على زيارتك
الصورة رائعه وكلامك عن أفتقادك أسكندرية أروع
ربنا يرجعك بالسلامة
الحصان الأسود
شكرا على رأيك اللي بيشجعني فعلا للإن الواحد حاسس انه بطل يعرف يحس و يتكلم
احساسك انك بطلتى تعرفى تحسى او تكلمى
اسمحيلى اقولك انه احساس غلط
والدليل على كده
كلامك عن اسكندرية وزكرياتك اللى بجد كلها احساس واللى خلتنى ادمع بما انى عاشقة لسكندرية
بجد بتمنالك ترجعى بالف سلامة
ومتنسيش لما ترجعى تكتبى عن فرحتك زى مكتبتى عن غربتك
خالص تحياتى
أنتى بقى اللى تدعيلى وبسرعةومرتين .مرة علشان أرجع ليوسف وأريج اللى سيبها وعمرها سنتين.ومرة علشان أرجع لأسكندريتك اللى خدت منى أسكندريتى من الصورة وكلامك واضح أنك من جيل الكورنيش الجديداللى يخوف واللىأتبنى على أحلى أيام عمرى أيام كنت بعدى للبحر فى ثانية .وكمان مرة ثالثةيمكن ألاقى جيلى اللى كل ماأنزل اجازة القاه تايه
Anonymous
يا رب ترجع لأريج و يوسف بسرعة و ما تبعدش تاني عنهم أبدا عشان دول بالذات مش حاتقدر تحمل نتائج البعد عنهم
عارفة الغربة و أحكامها
ربنا يقويك عليها
أما اسكندرية
فأنا لحقت حتة من الكورنيش القديم
بس حبيت الجديد أكتر
لكن عارفة كويس جدا لما حد يجي يلعب في ممتلكاتك و يشخبط على ذكرياتك
بس معلش
و يااارب
تلاقي اللي بتتمناهلما ترجع في ناسك و جيلك اللي هو الدايرة اللي ما تعرفش تعيش غير وسطها
بس ما تحطش أمل كبير قوي
ما فيش حاجة بتثبت على حالها غير حد واحد بس
حد متغرب و حالف لا يرجع يعيد اللي كان
فرحت بالكومنت اللي من زمان قوي ده وحاتجن أعرف من مين
بالذات لما قريت اسم أريج و يووسف
قلبي اتهز ما عرفش ليه
إرسال تعليق