أتعلم من الحياه.. ؟؟؟؟؟؟؟؟؟؟؟
هل الحياه مكان صحي للتعلّم
أتعلم من الناس..؟؟؟؟
هل الناس مصدر موثوق منه للتعلّم؟؟؟؟
رأيت الحياه بكل جمالها و براءتها و رقتها و سهولتتها و رومانسيتها
ورأيتها بكل جمودها وواقعيتها و سطحيتها
رأيت الحب.. بأوجه رائعة حالمة تملأ الدنيا متعة و نشوة و جمال
ورأيته هدّام مؤلم جارح خائن.. يخون أول من يخون هو صاحبه
رأيت الصداقة ... وما أقساها عندما تخذلك
رأيت الكثير
ورأيتني أصارع لأجل الكثير
وأنظر في يديّ الأن
أيسط كفي و أدقق النظر
ولا أجد شيئا
حتى أنا لا أذكر .. فيم كنت أصارع
مين اللي عاقل فينا .. مين مجنون؟؟
مين اللي مدبوح من الألم؟؟
مين اللي ظالم فينا.. مين مظلوم؟؟
مين اللي مايعرفش غير كلمة نعم؟؟
منيــر
هل الحياه مكان صحي للتعلّم
أتعلم من الناس..؟؟؟؟
هل الناس مصدر موثوق منه للتعلّم؟؟؟؟
رأيت الحياه بكل جمالها و براءتها و رقتها و سهولتتها و رومانسيتها
ورأيتها بكل جمودها وواقعيتها و سطحيتها
رأيت الحب.. بأوجه رائعة حالمة تملأ الدنيا متعة و نشوة و جمال
ورأيته هدّام مؤلم جارح خائن.. يخون أول من يخون هو صاحبه
رأيت الصداقة ... وما أقساها عندما تخذلك
رأيت الكثير
ورأيتني أصارع لأجل الكثير
وأنظر في يديّ الأن
أيسط كفي و أدقق النظر
ولا أجد شيئا
حتى أنا لا أذكر .. فيم كنت أصارع
مين اللي عاقل فينا .. مين مجنون؟؟
مين اللي مدبوح من الألم؟؟
مين اللي ظالم فينا.. مين مظلوم؟؟
مين اللي مايعرفش غير كلمة نعم؟؟
منيــر
هناك 31 تعليقًا:
كلامك يا هنودة جاى على الجرح
احنا اتعلمنا ايه..؟؟
والمفروض هنعلم ولادنا ايه..؟؟.
هنقولهم حبوا الناس والدنيا لسة بخير
ولا خلى بالكم من الصاحب قبل العدو
هنقولهم خليكوا اشتراكيين..ولا رأسماليين..ولا لبراليين
ولا امشوا جنب الحيط
هنقولهم انتوا مسلمين
امشوا فى طريق الله ورسوله
والجنية والشهادة
الحق..والإيمان
ولا مفيش مانع من بعض التنازلات
فى الشارع..والشغل
والمجتمع
ولا نقول حاجة..ونعمل قدامهم حاجة تانية خالص
وبكرة يفهموا ويبقوا زى الفل
احنا محتاجيين ميت سنة كمان
عشان نعرف نرد على سؤال واحد بس
ممكن يسأله طفل بمنتهى البرأة
احنا اتخلقنا ليه..؟؟
شجن ما بـعـده شجن يا هنوووده !!
.
.
أوقات أشعـر بك أكبر من سنـك بكثيييير !!!
.
.
عنوان البوست معبر جدًا ، وقلت لك قبل كده إن مدونتك بتحبني :)
تحيااااااااتي !!
اكيد اتعلمنا يا هنوده
لاننا لو بصينا على تصفاتنا من فتره وعلى تصرفنا حاليا هنلاقى نفسنا اتغيرنا
كل واحد فينا فى كل مرحله من حياته بيتغير وبيتعامل بطريقه مختلفه عن المرحله اللى قبلها وده أكبر دليل على إن الانسان بيتعلم وبيتغير
الفكره بتبقى اتعلمنا ايه بالظيط
اتعلمنا الصح ولا الغلط
اتعلمنا شئ مفيد ولا اتعلمنا شئ زى عدمه
اللى اتعلمناه ده زودنا ولا نقصنا
الانسان طول ماهو عايش وبيمر بتجارب فى حياته أكيد بيتعلم
وشخصيته بتتكون بناء على تعلمه ده
يا بيبقى أحسن ومسئول
يا انسان سئ ومكروه
البوست فعلا مميز
تحياتى واحترامى
كلام رغم انه جارح الا انه ممتع
فلسفة رائعة
نهاية الأشياء دائما ما تكون مثل البداية
فلا فائدة
تحياتي
لازم نشوف
ونتعلم من اللي بنشوفه
هي دي الدنيا
اكبر مدرسة
هنودة
كلامك فيه جزء كبير من الصح احنا بنفضل نحارب كل يوم ونتعرض لمشاكل اد كده وكل واحد يخرج من بيته اللى رايح مدرسته واللى رايح شغله
وفى الاخر بنروح البيت متحسيش انك استفدتى اى حاجة متحسيش ان فى حاجة جديدة عملتيها النهاردة
فعلا تبصى فى كف ايدك متلقيش حاجة غير الهوا اللى كان مالى الكف
Van Gogh
أقولك حاجة؟؟
عندي إيمان شديد بالفطرة.. مؤمنة أنا بمدأ الفطرة
والفطرة هي ما خلقنا عليه ربنا
يعني مثلا ربنا خلقنا عارفينه .. وعقل الإنسان و شيطانه هو اللي بيبعده عن اللي إتخلق عليه
اللي أقصده.. إن أصل التعاملات هو الثقة والنية الحسنة لأن يثبت العكس
أصل الحب هو العفة و العطاء
أصل الحياه هو الجمال
أصل دينّا هو القرآن بتعاليمه
هو ده قصدي بمعنى الفطرة
يمكن لو إتمسكنا بيها حانعرف نوصل لمنطقة عالية شوية فطريقنا ومنها عيوننا تقدر تجيب باقي المشوار بسهولة
نفسي أقدر أدوّر على أصول الأشياء
أعتقد ساعتها حارتاح
إبـراهيم ... معـايــا
مدونتي بتحبك؟؟؟.. ولاّ إنت اللي بتحبها
إنت على طول كده ملخبط كل حاجة؟؟
شكلك ناوي على طيران مخّنا يا إبراهيم
:))
بتقول إنك ساعات بتحسني أكبر من سني؟؟
بذمتك مين فينا مش جواه الإحساس ده
مين فينا مش حاسس إن جواه حمل أكبر من عمره
طب ومين فينا مسئولياته قد سنه
معادلة غريبة يا إبراهيم
تعالى بص علينا.. إحنا الشباب اللي إتعلمنا في الكليات و عملنا صحاب إشتغلنا
أو حتى اللي لسة ما اشتغلش
شوف طرفين المعادلة عند كل حد فينا
الطرف الأول: مسئولية بسيييطة جدا على كتافه "أنا بتكلم عن ما قبل الزواج" و المسئولية ده أقل مما يستطيع تحملها سنه
الطرف التاني: وجدان مثقل بخبرات نفسية تفوق هذا السن بمراحل.. وما قصدتش هنا الخبرة و لتجارب.. أقصد الروح و النظرة للحياه و المستقبل
ايه اللي جاب الطرف الأول للتاني
REEMOO
إنت كده جبتي قصدي بالضبط
غصب عننا حانتعلم حانتعلم
لإن الإنسان طول مابيحتك بالحياه بيكتسب صفات و بيفقد صفات
المهم بقى
إكتسب ايه و فقد ايه
لو الحياه دايما بتكسّب الواحد اللي يفيده و تخسّره اللي يضره
تبقى فعلا أرض خصبة للتعلّم
لكن لو لأ؟؟؟؟؟
مـحـمـد مـفـيـد
بشكرك على المتابعة و التشجيع
:)
تحياتي
tamer afify
أولا شرفتني بزيارتك الأولى و إ،شاء الله حاشوفك دايما
ثانيا: تعرف إني ساعات كتير بتمنى لو فضلت حتى النهاية أشبه بدايتي؟؟
فاهم حاجة؟؟؟
بس مش لازم نقول .."لا فائدة" .. لأ ده إحنا لازم نعافر لحد ما نعملها فائدة إنشالله من الهوى
تحياتي ليك
Amr Ahmed
طيب لازم نتعلم من اللي بنشوفه.. ماشي
لكن.. لازم نكون زي إيه في اللي بنشوفه؟
ولاّ لازم مانكونش غير اللي شايفينه جوانا.. أما اللي إتعلمناه نعتبره مجرد معلومات مفيده؟؟
ايه رأيك؟
شرفتني
:)
مصر هى أمى
طيب تفتكر ليه؟؟
وهو ده الصح ولاّ لأ
ساعات لما أعدّي على تجربة وألاقيني أنا زي ما أنا .. بقول الحمد الله إني صاغ سليم
أنا كده صح ولاّ ايه؟؟
و الله ماعارفة
بس إنت فين.ز و الله بفرح لما بلاقي تعليقك
:)
الحياه مسرح كبير جدا
بنلعب ادوارنا فيه
فيه الي بيلعب باحتراف والناس بتتعلم منه
فيه الي دايما يسقط وميعرفش حاجه ابدا
كلنا بنبني ارائنا علي تجارب غيرنا
اول ما يحصل حاجه بتلاقي عندك خلفيه اوتوماتيك اتكونت علشان شوفتي حد حصله كدا
ومتعرفيش بقي طريقه التعامل هتكون ايه ولا صح ولا غلط
حتي قوانينا وعادتنا الي كنا مشييين عليها من زمان طلع بعضها غلط
بالنسبه ليا الزمن هوا اكبر معلم للانسان
واختلاطنا بالناس سواء سلبي او ايجابي
بيطبع بخلفياته علينا
اهم شيء بجد يكون موروثنا صح وسليم يا هنووده
علشان نعرف نعلم ولادنا حاجه
وحشتيني بجد
وانا ضفتك عندي
وان شاء الله نتقابل قريب
خدي بالك من نفسك
وطمنيني عليكي
تحياتي يا قمر
انا مقصر معاكي معلش دي اولا ثانيا عجبني التساؤل الاخير اللي في البوست فعلا عندك حق احنا ايه اللي بيحصلنا ورايحين لحد فين احنا فعلا مدبحوين من الالم مخنوقين ومحدش عارف اخرتها ايه بس لازم يكون عندنا تفاؤل وامل لعل وعسي
تحياتي
اسئلة ظلت تراود الكثيرين من الباحثين عن الاجابات المقنعة من جوف البلاهة الحياة مدرسة لمن ارد ان يبحث في ارجائها ويتعلم
والناس هم سطور في كراس تتقاذفة الرياح ان استطعتي ان تفهمي سطرا
لن تتناول يدك السطر الاخر وتتقلص حياتنا بين بضعة سطور
ونترك التعلم لنذهب الي الاسهل فالاسهل
نجد كل شئ
فالاصعب لما طلب القمم
والاسهل لمن يلوذ يالوديان
وما بين القمم والوديان الاف الهامات
من بينهم نجد ضالتنا نرتفع معهم او يجرونا معهم لازقة الوديان
واللة منا عارف بقول اية
اهو تعليق وخلاص
:)
طول ما انت بتسألي نفسك الأسألة دي
يبقى مش اتعلمتي كويس
:)
او نسيتي اللي اتعلمتيه
:)
ومحتاجة تفتكري كويس
:)
كلأم جامد جدا
مفيش حاجه موثوق منها!!!!!!!
حتي العقل و التفكير
يمكن القلب!!
صراحه مش عارفه!
هنودة
بصى لو دخلتى تجربة حاولى تستفيدى بيها
على الاقل متخسريش
طبعا الحمد لله على كل شىء بس على الافل الواحد ميحاولش يخسر
انا الحمد لله كويس وانا كمان بفرح اما الاقيلك بوست جديد
نفسى اطبطب عليك واقولك ما تزعليش
لكن مش هيفيد كثير الكلام
الاهم انك تواجهى نفسك قبل ما تواجهى اى حد او تلومى اى حد
انت فقدت الثقة فى كل حاجة وده غلط
انا عارف ان الكلام ده ممكن يكون صعب شوية لكن الحقيقة احنا ساعات كثير بنحط لنفسنا عوائق بتكون السبب فى مشاكلنا
اهم حاجة ماتفقديش الثقة فى نفسك لان ده هو مفتاح الخروج من الازمات مهما كانت صعبة وما لهاش حل
تقوى وكل شيء هيتصلح اوعى تتضعفى من مشكلة او ازمة
دايما كونى اقوى من اى شيء
وانت اتعلمت من اللى فات
صدقينى لو فكرت كويس هتلاقى انك اتعلمت كثير جدا
انت اقوى دايما من كل المشاكل والاهوال
رغم انك ارق مخلوق
جواك قوة تصد جمال وتهد جبال
رأيت الكثير
ورأيتني أصارع لأجل الكثير
وأنظر في يديّ الأن
أيسط كفي و أدقق النظر
ولا أجد شيئا
حتى أنا لا أذكر .. فيم كنت أصارع
------------------------
احنا اتخلقنا علشان نعبد علشان نصارع الشر الى جوانا ونكون احسن
شجن جميل اوى
فى رباعية لصلاح جاهين مش عارف حاسس انها معبرة اوى فى الموقف دة
نوح راح لحاله والطوفان استمر. مركبنا تايهة لسه مش لاقية بر. آه من الطوفان وآهين يا بر الأمان. إزاي تبان والدنيا غرقانة شر. عجبي
يااه يا هنوده
حسيتك دخلتي جوايا و ترجمتي مشاعري و حيرتي من الدنيا
و سئلتي السؤالين الي حيروني كتير
بس الظاهر اننا مضطرين نعيش الدنيا بكل تقلبتها و تضاداتها الكثيره
بس مضطرين نعيش
مرسي هنوده انك ترجمتيلي مشاعري كدا
احبك في الله
:)
سلام
لا حول ولا قوة الا بالله
لا اعرف لماذا كثرت مشاعر اللاعلم واللا معرفة ان لا تعرف ماذا حققت او لا تعلم ماذا تعلمت لماذا كل هذا
اكيد بنتعلم وبنستفيد وهنفضل علا طول كده والله بقيت خايف عل الشباب اللي بيتاثر باقل شئ دلوقتي لم اعد اري عزيمة قوية تتحدي وتصارع وتتحمل مصاعب ومتاعب اين هذا من كل الشباب الذي لم اعد اري فيه سوا وهنا وضعفا ثم ضعفا
متزعليش مني يا هانوودة انا بحبكوا وبخاف عليكوا عشان كده بضايق منكوا
تحياتي ليكي جدا جدا
لذلك خلق الله لنا عقلا
حتى نفكر ونقيس ونجتهد ونفهم ونعى وقرر ما نفعله وما نتخذه قرآنا لنا وما يصلح كدليل لحياتنا
تجاربك الشخصية وخلاصة تجارب الآخرين قد تغير الكثير والكثير على مدى حياتك فى طريقة تعاطيكى مع الناس والحياة
تحياتى
http://sfahmy78.blogspot.com/2007_04_01_archive.html
منتتظر تعليقك على البوست ده
جهينة
والله معلش على التأخير بس أنا قعدت أرغي معاك كتير بس الكمبيوتر هنّك و ضاع الكلام
نعيد من تاني
إنت قلت إن المهم يكون موروثتا صح و سليم؟؟
وهي ده المشكلة ... لما تلاقي موروثك ده حاجة و اللي بيحصل حاجة تانية
يبقى الزمن و لاّ موروثك هو اللي صح؟؟
ده بعد موافقتي لكلامك على إن الزمن هو المعلّم الأكبر
بس أنا بخاف كتير من اللي بيعلّمهولي الزمن يا جيجي
____________________
سندباد
لما إنت مقصّر معاي أمال أنا ايه بقى؟
:)
هو أنا حاقولك حاجة مطمناني.. طول ما أنا عارفة أفضل أنا.. بطمن كتير و بعرف أمسك الأمل بسهولة
تحياتي
___________________
كراكيب عادل
أنا رديت من كام يوم على فكرة بس الكلام ضاع.. معلش ع التأخير
على فكرة ده مش تعليق و خلاص ده كلام صحيح جدا
يا ريت الشعر كان يفضل بعيد عنى
وافوت ف الدنيا ع الهامش واكون جنى
ولا منى تقيد النار ولا اقيدها
يا لحن البدء ابعدنى انا منى
جاي اوقع حضور
شكل الكمبيوتر عاملها معاك
طمنينا عنك فينك ؟
هنودة
الجزء الأول من البوست فيه سؤالين .. إجابتهم: نعم
وللأسف إجابتهم .. نعم
أما الجزء الأخير من البوست فده ما يطلعش إلا من الناس اللي كبروا وعدوا في الحياة وإتعلموا إن الحكاية في الأول والآخر مش فارقة كتير
ليه كده بس؟ ده إنتي لسة شباب .. وألا بقيتي زيي؟ شباب من برة .. وعجوز من جوة؟
هأرجعلك تاني بعدين
يا مراكبي
أنا إتفاجئت بردك حالا و وجعني
أصلي بشوف المشاعر السلبية جواي عادية.. مش فيلم يعني
لكن لما بشوفها جوة حد بشوفها ضخمة قوي
وبعدين ليه كده؟؟
ليه نعم .. نعم
كان نفسي يطلع لأ؟؟ بس ما بدّهاش بقى
:)
تحياتي
إرسال تعليق