فعز شغلي و إنشغالي .. بسرق دقايق وأقول لما أزور شوية مدونات.. و يا إما أزوركم و ما ألحقش أسيب تعليق
يا إما ما لحقش أكمل البوست اللي بقراه
بس هانت.. كلها إسبوع أو اتنين و زحمة الكورسات اللي هاجت فجأة تخلص بعد ما كل الناس اللي خلّصت إمتحانات تبدأ تسيب قطر و تسافر
أنا في شوق شديد لكم.. و لمدونتي.. و للعيلة اللي بزور روحي وسطها
طبعا البوستات اتكومت عندي كتيييير.. أروق بس و أبدأ أحطها واحدة واحدة
و الله ما حد صعبان عليّ غيركوا من اللي ف البوستات الجاية
تخيلوها حايكون شكلها ايه بعد حرمان 3 أسابيع من المدونات
تحياتي لكم
وحشتوووووني
يا إما ما لحقش أكمل البوست اللي بقراه
بس هانت.. كلها إسبوع أو اتنين و زحمة الكورسات اللي هاجت فجأة تخلص بعد ما كل الناس اللي خلّصت إمتحانات تبدأ تسيب قطر و تسافر
أنا في شوق شديد لكم.. و لمدونتي.. و للعيلة اللي بزور روحي وسطها
طبعا البوستات اتكومت عندي كتيييير.. أروق بس و أبدأ أحطها واحدة واحدة
و الله ما حد صعبان عليّ غيركوا من اللي ف البوستات الجاية
تخيلوها حايكون شكلها ايه بعد حرمان 3 أسابيع من المدونات
تحياتي لكم
وحشتوووووني
هناك 28 تعليقًا:
شهر 6 دة بيكون يا اما شغل زيادة او امتحانات او استعداد للسفر
او ضيق وخمول اختاريلك وحدة
منهم اختار لي وليك الشغل زحمة
يالا فوتك بعافية
انا كمان عندي ضغط في الشغل
حلوة فوتك بعافية ده..ز سبحان الله.. كل التعبيرات اللي عمرها ما كانت بتلفت نظي و أنا فمصر دلوقت لما بسمعها.. بحسها واحشاني قوي
أما عن شهر 6 بالنسبة لي فهو عبارة عن طوفان شغل ما بيخلصش
و ضيق كمان زي ما قلت عشان كل الطلبة بتوعي بييجوا يسلموا عليّ عشان نازلين مصر(مصريين و غير المصريين) و أنا قاعدة :( بس عادي.. ولا بيهمّني
فوتك بعافية
:)
هانوووووووووووده
احنا كلنا كدا ولا ايه
انا والله مكسوفه من ناس كتير جدا بدخل الاقيهم كاتبين بوست واتنين وفايتيني
مش مصدقه ان الوقت بيعدي بسرعه كدا؟
ضغط في الشغل وحاجه تقرف والله يا شيخه
انا مش لاحقه انام حتي؟
المهم انا رديت علي ايميلك يا هنووده
وربنا بجد يكرمك يارب
خدي بالك من نفسك وطمنيني عليكي اول بالول
تحياتي يا قمرتي
العزيزه هنوده
النبى يا شيخه خليكى حنينه على الغلابه اللى زيينا
اصل الدنيا بقيت صعبه
هنا فى مصر قوى
ربنا يكرمك يا رب وما يوقعك فى ضيقه
وحسنه قليله تمنع بلاوى كتيره
وهنيالك يا فاعل الخير
وما يحن على العود غير قشره
وانت طول عمرك حنينه
سلام يا قمر
ربنا يعينك و يوفقك
و يبارك فيكي و يدخلك الجنة
قولي آمين
يللا ربنا معاكي
شدي حيلك
وخلصي وارجعي
عارفه؟
فعلا وحشتينا
وفعلا اشتقنالك
وفعلا مستنيينك
ويلا شدى حيلك بقى وعوضيلنا اللى فات
هو الصيف السنة دي غريب جدا .. المعتاد إن الناس بتنزل أجازات ويخف الضغط شوية .. لكن السنة دي على عكس العادة فيه ضغط كبير جدا وكل واحد عايز حاجاته تخلص دلوقت علشان مايسيبش حاجة متعلقة وما يتحسبش عليه إنه معطل الدنيا في الصيف
بس على آخر الشهر هتلاقي الدنيا بخ .. 30% على الأقل من السكان هيسافروا وهتوصل ل 50% خلال النص التاني من يوليو
ترجعى بالسلامة
إن شاء الله
هنستناكى
ما تقلقيش
لانك بجد وحشتينا جدا وفوق ما تتصورى بكتير
ربنا يرجعك تانى بالسلامه
ومنتظرين كل البوستات بشوق
شكرا ليكى
:)
هنستناكى
ما تقلقيش
لانك بجد وحشتينا جدا وفوق ما تتصورى بكتير
ربنا يرجعك تانى بالسلامه
ومنتظرين كل البوستات بشوق
شكرا ليكى
:)
gohayna
أنا شفت الاميل بتاعك يا جيجي
ربنا يقوينا على الضغط الغريب.. شفت؟
حتى عند عادل و مراكبي الوضع نفس الحكاية
امبارح كنت بكتبلكماسج بعد ما رجعت من الشغل و ماملا قاطعتني بشوية حكايات كتيييير .. فنمت من غير ما أحس و ما كملتهاش
:)
هاااانت
لومي
ههههههه
اه ده؟؟؟
مالك يا لومي
و الله واحشاني
علاء
آآمين
و الله بجد شكرا جدا على الدعوة الرائعة ده..
"يبارك يك و يدخلك الجنة".. يا رب أجمعين يا علاء
بجد أسعدتني فوق ما تتخيل
تحياتي
عمرو أحمد
إبقى إفتكر ان غنت اللي قلت إرجعي... يعني لو حد تعب نفسيا من البوست اللي جاي إنت المسئول
إتفقنا؟؟
:)
شكرا على متابعتك يا عمرو
تحياتي
harmless
مفاجأة جميلة جدا و مشجعة جدا لما ألاقي الأستاذ هارملس بيقولي "عوضينا".. بجد فرحت
أنا قريت البوست بتاع الصندوق اللي درفةالمكتب اللي مفاتيحه في المادليا اللي ما بتفارقهاش
حاموت و أسيب كومنت.. بس ما لحقتش
لكن ملحوقة
يا مراكبي
فعلا على رأيك.. العدد في الأيام الجاية حايكون في النازل.. ده حتى أهل البلد سايبينها و هاربانين من الرطوبة
الرطوبة عندنا بتوصل لـ 100% يا مراكبي
اللي يغيظ إن نص المسافرين رايحين مصر و كلهم لازم يعدّوا علي قبل السفر يغيظوني
و الله بفرح لما ألاقي تعليق منك
تحياتي
ياسر سليم
ربنا يخليك.. أكيد راعة بإذن الله بس المهم تزرني دايما
شرفتني
:)
ساعة الغروب
و الله إنت بتفرّحيني بجد
:)
هانوده الغالية
لو عندك وقت سيبى الكومنت اى وقت
انا باقرا اى كومنت قديم او جديد
اصل احد الاحبه عودنى على كده
سلام عليكي يا hannoda
وحشاني جداااااا
انا رجعت اهو و النت رجع بالسلامة الحمد لله و بيسلم عليكي
و خلصت امتحاناتي ..عقبال الكورس بتاعك
دعواتك يا جميل
و ليكي عندي بوست مستنية اعرف رائيك فيه
يلا بقي خلصي مذاكرة و شغل
:)
سلام
مها
غريبة لما تلاقي ناس غريبة بتوحشك
والاغرب انك بتسمحيهم وبتستني
هارملس
أنا سبت الكومنت و جاية أقرى البوست الجديد عشان مالحقتهوش
تحياتي
:)
مها
أخيرا
أنا جيتلك و شوفت البوست و سبت الكومنت عندك
حمد الله على السلامة يا جميل و يارب نسمع أخبار جميلة عن النتيجة
تحياتي
اسكندراني في الغربة
ما هو المدونات ده شفنا فيها أغرب الحاجات و أجملها
:)
ما أنا برضه بقول.. غريبة لما تتوجّع فتلاقي ناس غريبة سمعتك.. وفهمتك
وعشان كده ما بقوش ناس غريبة
تحياتي يا إسكندراني
وكفاية علينا كده بقى .. شوقتنا لمدونتك.. إبدأ بقى بسرعة
fعلي فكرة مدونتك دي فيها تفرقة عنصرية
اول مرة اخد بالي منها
ومش هقولك
:)
هاااااااااانت يا هنودة العد التنازلي بدأ الحمد لله
عمري في حياتي ما عديت الأيام زي اليومين دول
إن شاء الله نتقابل
ان شاء الله ترجعي بالسلامة
نرجع بالسلامة و نملا بنزين كفاية يقضينا سنة كاملة إن شاء الله
صح غريبة أوي المدونات اللي تلاقي فيها ناس حاسة بيك بالشكل ده
على العموم انا بدعيلك ربنا يعينك على الايام اللي جاية
منى يونس
ana sarah saeleh ya hend saleh.........3rfani?
bmooot fiki
di a7la bni2dma shoftha fi 7iati
إرسال تعليق