عمالة أخزن صور
أكيد الصور اللي بخزنها فذاكرتي أكتر بكتير من اللي عمالة أخزنها على الفلاشات و الموبايل
الانطباعات عمالة تتكون
بشوف مصر بعين تانية
عين محسساني انها أمنية كبيرة قوي عمالى تغلَى و تكبر وأتعلق بيها أكتر و أكتر
مضطرة أجيب سيرة الغربة رغم انها فأجازة
بس مين قال ان أيام كفاحنا ما بتأثرش علينا فأجازاتنا؟
آه الغربة
أول مرة احس اني عاوزة أقولها شكرا
على حاجات كتير
قوة القلب و رقته المتدارية
نشفان العود و ضعف المستخبي
أنا من ساعة ماجيت مابياخدش عيني غير البيوت التعبانة البسيطة
والعربيات المهكعة
والفسح الشعبية
بكون حلمي معاهم و بحدده بقلم غامق تقيل وواضح عشان مايتمحيش ولا تغطيه رتوش تانية و تافهة من وجهه نظري
ايه علاقة الغربة بالكلام ده؟!
لا بقى .. ده علاقة جامدة جدا بس مش عارفة أحكيها
بس آخر الكلام اني أحلامي قلعت من عليها توب البريق
أكيد الصور اللي بخزنها فذاكرتي أكتر بكتير من اللي عمالة أخزنها على الفلاشات و الموبايل
الانطباعات عمالة تتكون
بشوف مصر بعين تانية
عين محسساني انها أمنية كبيرة قوي عمالى تغلَى و تكبر وأتعلق بيها أكتر و أكتر
مضطرة أجيب سيرة الغربة رغم انها فأجازة
بس مين قال ان أيام كفاحنا ما بتأثرش علينا فأجازاتنا؟
آه الغربة
أول مرة احس اني عاوزة أقولها شكرا
على حاجات كتير
قوة القلب و رقته المتدارية
نشفان العود و ضعف المستخبي
أنا من ساعة ماجيت مابياخدش عيني غير البيوت التعبانة البسيطة
والعربيات المهكعة
والفسح الشعبية
بكون حلمي معاهم و بحدده بقلم غامق تقيل وواضح عشان مايتمحيش ولا تغطيه رتوش تانية و تافهة من وجهه نظري
ايه علاقة الغربة بالكلام ده؟!
لا بقى .. ده علاقة جامدة جدا بس مش عارفة أحكيها
بس آخر الكلام اني أحلامي قلعت من عليها توب البريق
مسحت من عليها تراكمات كومتها عادات و ثقافات مالهاش معنى بالنسبة لي
بقت حقيقية
شبه كل حاجة شايفاها في البلد
ليه نسيب شقة ضيقة و مخنوقة تحزّنا مادامت في بلدنا
بقت حقيقية
شبه كل حاجة شايفاها في البلد
ليه نسيب شقة ضيقة و مخنوقة تحزّنا مادامت في بلدنا
طب ما إحنا قابلنها فغربتنا!!
ليه نسيب هدايا المناسبات تبعدنا عن أحبابنا لو مش فجيبنا حقها
ليه نجرح الود بينا بانتقادات شكلية
ليه أبعد عنها عشان مستوى إجتماعي مابيشغلنيش
ليه أكتف نفسي باختيارات حد تاني غيري
أنا كنت محتارة قوي قبل ما أنزل و ألف فيها
كنت بتهم نفسي بالجنون كل يوم
بس اديني جيت و أديها حكتلي عن كل حاجة
عن تعب الناس و التعب اللي مستنيني معاهم
عن ضيق الحال ومرار العيشة
حكيتلي عن شوية قوانين الناس حطيتها لنفسها و سجنت نفسها جواها
و تصنيفات صنفوا بعض بيها فاتحبسوا جواها
إحنا مش أصناف يا ناس
إحنا ناس.. جيران في بلد واحدة
وأنا ماليش عيش غير فيها
ليه نسيب هدايا المناسبات تبعدنا عن أحبابنا لو مش فجيبنا حقها
ليه نجرح الود بينا بانتقادات شكلية
ليه أبعد عنها عشان مستوى إجتماعي مابيشغلنيش
ليه أكتف نفسي باختيارات حد تاني غيري
أنا كنت محتارة قوي قبل ما أنزل و ألف فيها
كنت بتهم نفسي بالجنون كل يوم
بس اديني جيت و أديها حكتلي عن كل حاجة
عن تعب الناس و التعب اللي مستنيني معاهم
عن ضيق الحال ومرار العيشة
حكيتلي عن شوية قوانين الناس حطيتها لنفسها و سجنت نفسها جواها
و تصنيفات صنفوا بعض بيها فاتحبسوا جواها
إحنا مش أصناف يا ناس
إحنا ناس.. جيران في بلد واحدة
وأنا ماليش عيش غير فيها
ايه معني إني أقطع من عمري سنين ثمن لشوية حاجات متميزة بيها عن غيري هنا
وهي في الآخر حاجات مالهاش روح
حاجات ممكن تخليني أنا كمان شبها حاجة من غير روح
أنا جايالها من غير تصنيف و من غير حدود أحبس نفسي فيها
أي لبس و أي سكن
المهم أكلة تشبع ونومة أمان
ولحد ما أعرف أعملهم دول حاجي
والحمد لله اني فهمت أخيرا إن ماحدش حايعملهوملي
أيوة كده أنا ارتحت
فهمت اللي حايقويني و يشد حيلي
أنا جايالها من غير تصنيف و من غير حدود أحبس نفسي فيها
أي لبس و أي سكن
المهم أكلة تشبع ونومة أمان
ولحد ما أعرف أعملهم دول حاجي
والحمد لله اني فهمت أخيرا إن ماحدش حايعملهوملي
أيوة كده أنا ارتحت
فهمت اللي حايقويني و يشد حيلي
حيلي اللي بيكسره بعدي عنها
فهمت اللي حايحددلي هدفي
هدفي أرجع باللي يعيشني
و اللي يعيشني أنا لوحدي اللي عارفة هو ايه
والله سعيده جدا
و الله العظيم سعيده جدا
عشان عرفت أنا ليّ مين
وعشان عرفت اني كنت صح وانها ماخذلتنيش
الحمد لله ليك يارب على اليقين
***
آدي شوية صور كنت محوشاها
لقطتها من هنا وهناك
وفيه حكايات كمان حابقى أحكيها
فهمت اللي حايحددلي هدفي
هدفي أرجع باللي يعيشني
و اللي يعيشني أنا لوحدي اللي عارفة هو ايه
والله سعيده جدا
و الله العظيم سعيده جدا
عشان عرفت أنا ليّ مين
وعشان عرفت اني كنت صح وانها ماخذلتنيش
الحمد لله ليك يارب على اليقين
***
آدي شوية صور كنت محوشاها
لقطتها من هنا وهناك
وفيه حكايات كمان حابقى أحكيها
اليوم ده كان تاني أو تالت يوم أوصل فيه
ماحدش كان متوقع ان الجو يقلب كده و الكل كان مستغرب
كنت لوحدي تقريبا على الكورنيش متغرقة مية تماماً
بس راضية جدا و فرحانة كنت نفسي انط لفوق أو أجري بس اتكسفت يومها
لكن فيوم تاني بعدما قعدت شوية وفكيت رميت كسوفي و نطيت و جريت
ده صور تانية لنفس اليوم
ده بعد ما الشمس طلعت
على فكرة الوقت ده كان حوالي الساعة 10 صباحا
ايد ده بقى؟.. شايفين السما لونها ايه و الشمس ازاي متغيرة
المنظر ده مش عادي .. بجد مش عادي
ركزوا في الصورة عشان قوس قزح طالع في الصورة بس مش واضح
على فكرة أول مرة أشوف في حياتي قوس قزح على الطبيعة و ده حاجة كبيرة قوي عندي
أنا لازم أمشي دلوقتي أروح لرحاب..
لسة فيه صور تاني
انا بسمع الكلام أهو
هناك 17 تعليقًا:
يا ارق قمراية إسكندرانية
أقولك إيه بس ؟!!!
أقولك ...
بحبك قوى
قوى
بس خلاص كدا
بوست جميل أوى و أجمل ما فيه
احنا مش أصناف يا ناس .. احنا ناس
فعلاً ياريتنا نبطل بقى نضيع عمرنا فى كلام فارغ
ربنا يبارك فى عمرك ويسعدك يا أستاذة
حمد الله على السلامة
يابنتي حببتيني في اسكدنريه اكتر واكتر والله
والواحد بيحس انه في نعمه محدش حاسس بيها
فعلا الحمد الله رب العالمين
بوست هايل واحلي حاجه انه طالع من القلب ربنا يسعدك يارب ويعملك اللي فيه الخير ديما وتنوري اسكندريه علي طول
فعلا عندك حق اهم حاجه الانسان يعيش راضي ومبسوط
تحياتي ليكي يا ......
اقول ايه يا هنوده اسكندريه
فعلا صوره البحر تحفه وظاهر قوس قزح بس مش واضحه وميهمكيش اجري امشي اعملي كل اللي نفسك فيه وافرحي
البحر بيبقي شكله تحفه سواء الجو مقلوب او شمس
الصور جميلة قوى
ربنا يسعدك كمان وكمان
تحياتى
يا رب اوصل لمرحلة الفهم التام دي
ويارب اوصل لقراري النهائي قريب
-
انت لية مستغربة ان الجو قلب لما وصلتي
مش من حق اسكندرية ترحب بيكي على قد حبك ليها؟
-
عارف انك مش مستنية اقولك شكرا على الصور علشان حتقولي لاشكر على واجب
بس بردوا شكراااااااااااااااا
يا باشا نورتي اسكندريه
وانا اقول الجو قلب ليه والسقعه اللي حلت علينا دي
اتاري القمر نورنا
شوفتي مش انا قولتلك هتلاقي كل اللي عايزاه ان شاء الله
شوفتي الشتا كان عامل ازاي والتلج اللي كان بيتحدف واللا الشتا اللي من يومين ده كمان
ههه
ياللا يا ستي عشان ما تقوليش حرمناكي من حاجه اهوه
عشان تروق وتزقطط
:)
يارب تكوني بخير وتكون اجازة سعيده عليكي يا رب
تحياتي
أزيك يا هنودة
أنا لأول مرة مش لاقى تعليق أو كلام أقولة على فكرة دة آخر تعليق لية فى مدونتك أرجوا أن تعليقاتى اللى فاتت متكنش تقيلة أو غلسة و فى حاجة حتعرفيها قربب من البلوجر بتاعى علشان حيكون فية آخر بوست ممكن أكتبة
بس حتابع كتاباتك اللى كلها طيبة و حنية بس تعرفى انى مش لاقى حتى كلام للبوس اللى عايز اكتبة
أهم حاجة عندى و اللى بتمناة انك تكونى بخير على طول و سعيدة فى حياتك و فى الدنيا
و أكيد طبعآ لازم نفضل أصحاب و أصدقاء زى محنة و زى ما أتعودنا طول عمرنا أشوف وشك بخير ديمآ فى اسكندريتنا اللى ممكن ابعد عنها زيك بس بلا عودة ربنا يخليكى لينا و نفضل مع بعض أصحاب طول العمر يا أهن و أطيب قلب فى الدنيا خلى بالك على هنودة أصلها الشيكولاتية بنعتنا و أغلى حاجة عندنا و منغرها متكملش الشلة خلى بالك عليها أوى زى ما أحنا بنخاف عليها أشوف وشك بخير دة آخر تعليق من الصديق المخلص دة لو فعلآ هو الصديق اللى كان مخلص بالنسبالك ربنا يوفقك و اتمنالك السعادة من كل قلبى
وحشتينا ياروح اسكندرية
انا سعيدة لانك سعيدة ياهانودا
ربنا يديم عليك السعادة
دمتى بخير ياقمر وعايزاكى تسمتعى
تحياتى
مش لوحدك اللي عملتي كده
بس انا لحقت النوه اللي قبلها ممكن تشوفي صورها عندي
انا سبت اسكندريه وسافرت
اخرتها ايه انا مش عارف اه ياااااني
شوفي
السعادة تكمن في القناعة .. فإذا قنعت بحياة ما ذات مستوى معين .. ستكونين سعيدة .. وهذا المستوى يتغير من شخص لآخر .. فكل منا له مستوى يرضيه
لا أتحدث عن المال فقط بالطبع
المهم ألا تخدعي نفسك بأنك راضية إلا إذ كنت على يقين فعلي بذلك .. أسأل الله لك راحة البال
فرحانه قوي من السعاده و الاستفرار و اليقين الي وصلتيله يا هنوووده
الحمد لله
اما عن احساسك بان عينك مابتقعش غير على الاماكن و الناس البسيطه اسمحيلي استعير جزء من ردك على بوست عندي قبل كده
"
كمان فيه حاجة لفتت نظري
انك دايما عينك على الناس البسيطة في الشوارع.. دايما بتنقليلنا مفارقاتهم
وده نادر ان يكون فيه حد عينه على تصرفات الناس
مش للإنتقاد و ابراز السوء فيهم
بالعكي
بتابعيهم بعين بتقع على الخير اللي جواهم وبتلاحظيه بسهولة
زي حكاية الراجل اللي في الأتوبس بتاع دود القز.. فاكراه؟؟
:)
على فكرة ده مش عادي لإن كان ممكن الموقف ده يعدي على ناس تانية كتير و يمر مرور الكرام من غير ما يلفت نظره لمعني مهم جدا يتعلم منه في حياته و ينفع الناس بيه
بجد بشكرك على المعني اللي ادتهولي انهاردة"
شكرا ليكي انت يا هنوده لان مش كنير ابدا الي بيرجع من الغربه و عنده مميزات زي الي عندك بره و عينه ماتشوفش غير كل سيء , و مايكونش ليها غير الانتقاد و تبقى الكلمه الي على لسانه اصل عندنا و عندكوا كأنه مش منها
الصور تحقه قعدت اتخيلك ورا كل صوره و انتي ماسه في المكان ده و قاعده فيه شويه اتبسطت قوي
ربنا يفرح قلبك على طول :)
ووحشاني قوييييييي
حلوة الصور :)
بس فينك
انا بستني اشوف ردودك عشان اطمن عليكي وبعدين اعلق عالبوست
لما لقيتك مش بتردى قلقت
ياعم والله نظرية اللى لقي احبابه نسي اصحابه دي صح مية فى المية
صدقيني
يارب تكونى كويسة
ويارب تيجي تطمنيني عليكي قريب
يارب
اذيك ياهنوووده
ياااه كنت فاكرك مابتدتبيش وانتي في مصر مستمتعة بجوها وبكل احبابك اتاريكي ماشاء الله مابتفوتيش حاجه
انا معاكي استمتعت بالصور الجميلة دي وشفت بالطبع قوس قزح
قرأت تدوينتك وفعلا كنت لسة هاستغرب من انك داخل مصر وتفكري في الغربة لكن انتي لم تتركي فرصة لنا جميعاً وعرفنا وفهمنا الربط اللي حصل عندك لما تابعنا وقرأنا
صحيح ليه نصنف نفسنا
وصحيح يكفينا كسرة الخبز وشربة ماء وماؤى لنا يبقى الحمدلله والشكر
لكن ياهنوووده الطموح ليس عيب والتدبر للغد هو حكمة وتعقل
المهم انا سعيد انكي تملكين عينان رائعتان تعرفان كيف تستمتعان بمرئيات طبيعية وصادقة وجميلة
نحمد الله انك تنعمين براحة البال وسط كل شئ احببتيه في هذا البلد كل شئ اشتاقت اليه نفسك
ربنا يوفقك
تحياتي
حسن أرابيسك
حلوه قوى الصور
اسكندرية فعلا مدينة روعة أنا زورتها قريب
دمتى فى سعادة
سلام عليكي يا هند
هي حاجةغريبة بس بتحصل كتير..
بتكوني منزله بوست جديدوالاقيني مش عارفةااقرا منه و لا كلمه
معنديش صبر اومستعجله اكتبلك رد..علي ايه ؟ ما انا لسه مقرتش ؟؟؟
مش عارفة
بس بحس انك مدام هتقري ردي وممكن تردي عليا خلاص ..ده يكفيني
اغلب الاوقات دي بكون مخنوقه و مش عارفة ااقول حاجة..برتاح شويةلما اسيب كلامي عندك..
هوكده صح ياهند؟
كومنت فعلا غريب ..
كنت عايزة امسحه بس عارفةاني هتضايق لوعملت كده
معلش
..
يا رب تكوني بخير
معلش لوضايقتك بالكومنت
سلام
مها
الله بنبسط اوى لما يوصلنى ايميل بتعليقك وانا عالنت فى نفس الوقت
بحس انك قريبة منى اوى
وحشتيني اوى
عايزاكى تاخدى بالك من نفسك
ويارب مشاعرك تترتب قريب
مش عايزين الحالة المضطربة تبقي هناك والاستقرار النفسي يبقي هنا
عشان خاطرى بلاش كدة
حاولى ترتاحى هناك وتسترخي وتبقي فى احسن حالاتك
خدي بالك من نفسك تانى :)
مستنياكي
إرسال تعليق