لسة ؟؟
خدودك بتسخن وتتلون من كلمتين
وعنيكي يتداروا مش عارفين يروحوا فين
وهزة كده فقلبك تاخدك حبتين
خدي كل ده و اقفلي بابك ووفري الدمعتين
بلاش نروح للوجع برجلينا.. كفايانا اللي احنا منه موجوعين
بلاش تدخلي حد بينا إحنا كده كويسين
سيبي الرقة و الضعف دول للي مش فاهمين
ماكبرنا بقى و بقينا أنا و انت من العاقلين
هناك 10 تعليقات:
وناخد اول تعليق
ونقول وحشتينى قووووووووووووووووووووى
اخبارك ايةةةةةةةةةةةةةةةةةةةة
يارب تكونى بخير حبيبتى
وربنا يطمنى عليكى يارب
الله عليكى وعلى رقة كلماتك بجد
تسلم ايديكى حبيبتى
ربنا يسعدك يارب ويكرمك خير
ابقى طمنينى عليكى
امووووووووووووووووووووووووواة
كلامك حلو
ونصيحه اغلى
اقفلى بابك وكفايا وجع
حلوه بجد
بس هو احنا ليه دايما بندور على اللى يوجعنا ليه موش بنستكفى بوجعنا
وليه الناس متخيله ان فيه حد هيحس بيها غيرها
صدق من قال "ماحك جلدك مثل ظفرك"
اه صحيح ازيك واخبارك ايه
تقبلى مرورى
التعبير عن الحب قوة واخفاءة ضعف
خليكي زي مانت قوية
سمراء
ايه الجمال ده :)
يونس فى بلاد الشوق اه ياولد الهلالى بتونسنى دموع العين وانا سايب اهالى اه ياولد الهلالى لعليا ولابيا
انا يونس ونسيت مين يونس والدنيا مالت عليا قلبى ضايع مين يلاقيه لى باينى نسيته حدا اهلى ينفع احبك من غير قلبى
لو يتغير الزمان وقابلتينى فى اى مكان كنت اعشق من غير ماتقولى
الله يا هند .. جميلة اوي
سلام عليكي يا حبيبتي
بمنتهي الغرور ممكن ااقول اني حسيت الكلام ليا .. فرحت بكلامك اوي و مصرة انه عشاني . بصراحة عجبني اوي
بس خسارة اننا نكبر . و نحس اننا عقلنا .. في دنيا مفيهاش الا الجنون ..و العاقل هو اللي فعلا بعقله اصبح مجنون ..
وحشاني اوي
هي الاجازة الجاية امتييييييييي؟;)انتي وحشتيني بقي ..
سلام يا جميله النفس و الروح
مها
المشكلة ان الوجع من جوه
فالمفروض تقفلى باب الوجع اللى جوه قلبك
مش تقفلى بابك على نفسك لو قفلتى على نفسك وجعك من جوه كفاية انه يوجعك
او تشفيه
و الحزن و الوجع الحاجة الوحيدة اللى بتتولد كبيرة و مع الايام تصغر
و بعدين فكك محنا اتعودنا منير بيقول
(بننجرح)بحبك اوى
المشكلة ان الوجع من جوه
فالمفروض تقفلى الباب اللى جوه قلبك من جوه
مش تقفلى الباب على نفسك و المفروض تشفى جرحك من الوجع لان خلاص اتجرحنا
و بعدين الوجع و الحزن الحاجة الوحيدة اللى بتتولد كبيرة وتصغر مع الايام
ومش تقلقى الايام بتنسى اللى فات
ومنير بيقول (بننجرح)
أذيك ياهنوده
كلماتك هنا من أجمل ماكتبتي
خاطره جميلة وحديث موجه للذات ليعلن ويكشف عن حالة خرجت من رحم تجربة بخطوط عريضة ولوحات إرشادية لذاتها تستدل بها في دروب الحياة الصعبة
وجمال خاطرتك أيضا ناعم جداً وعلى إيقاع موسيقي يسكن جميع كلماتها
الحقيقة ياهنوده تلك الخاطرة لاتخرج الا من إنسانة مثلك عرفناها جميعاً تحمل من رقة المشاعر ومرارة الغربة ومخزون الحنين للوطن والم تراكم الذكريات لديك لكل ماهو مفرح ومؤلم
جاءت خاطرتك قليلة الكلمات ثرية المعاني عميقة إلى أبعد مايكون
هنوده هو انتي زعلانه مني في حاجه منذ فترة وانتي لاتتواصلين معي في اي تعليق لي لديكي لعل المانع خير
نحن أولا وأخيراً نتمنى لكي كل خير ونحمل لكي كل الحب والتقدير والاحترام لمدونة عزيزة علينا
تحياتي
حسن أرابيسك
إرسال تعليق