الكوفية يعني صوف دافي حولين الرقبة
بيطلع صهد سخونة الجسم على الوش
وكانها ايدين حاضنة الخدود و الدقن
الكوفية يعني خيوط بتمسك في ريحة البرفان اللي بحبه
و بتشيلي معاها أرواح ناس غالية اخترت بعدي عنهم و اخترت اعيش معاهم في حضن كوفية و دفى جاكيتة
الكوفية .. يعني صاحب بيجيني فوقت بحبه قوي من السنة.. موسم الشتا.. يقضي معاي الشتواية و يقرا معاي كتبي و يشرب معاي الشاي السخن..
الكوفية.. يعني صاحب ماشافنيش معاه حد .. ولا يعرف اللي بيني و بينه حد
الكوفية .. يعني حتة من بيتي جيبتها معاي هنا و هي الوحيدة اللي بتنقلني ليّ فجأة مع ريحة نفس البرفان بتاعي اللي مابرشهوش غير هناك
زعلانة انا
جواي ألم و فحلقي غصة .. نفسي حد ييجي ياخدني منهم
عاوزة الشتا يبدأ بقى يمكن الكوفية تعرف تمسحهم طالما ماحدش بييجي
هناك 15 تعليقًا:
احجز اول تعليق
وارجع حااااالا
فكرتينى بالرباعيه بتاعه صلاح جاهين
اللى بتقول
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي !!
انا بعشق فى الشتا ريحه المطر على كورنيش اسكندريه
بامووووووت فى الجو ده
والدفا واللمه بتاعه زمان اللى راح طعمها مع غياب بابا عننا
كان الدفا فى قلوبنا بيدفى اجسامنا
لكن دلوقتى
ايه فايده الدفا وقلوبنا بردانه
خرجت بره البوست؟
معلش ياهند
اثرتى فيا شجونى
كل يغنى على ليلاه ياستى
جميله قووووووووووى
انتى رائعة
وحشتينى
ابقى طمننينى عليكى
يلا سلام
هند ربنا يرجعك بالسلامه
وتشمى ريحه بلدك وتنامى فى حضنها
هند
سلام عليكي يا حبيبتي
انتي قلقاني عليكي اوي و نفسي تطمنيني عليكي
"الكوفية يعني خيوط بتمسك في ريحة البرفان اللي بحبه
و بتشيلي معاها أرواح ناس غالية اخترت بعدي عنهم و اخترت اعيش معاهم في حضن كوفية و دفى جاكيتة
"
ايوة .. بجد صح و بوست جه في وقته .. انا لسه بحب كوفيتي و البرفان اللي فيها ..
حاجة من ذكريات ترجع لايام فاتت و تخليكي شايفه قدام عينك ناس غابوا عنك ..
وحشاني اوي يا رب تكوني بخير
سلام يا جميلة النفس و الروح
مها
ازيك هنودة اخبارك اية
الكوفية علامة من علامات حضور الشتاء
ربنا يوفقك ويكرمك
مع خالص تحياتى
الغربه تزيد احساسنا بأشياء تبدو بسيطه
ولكنها تعنى الكثير لنا
وربما الكوفيه رغم بساطتها تمنحنا ما يعجز آخرين عنه
وصفك لمشاعرك رائع
هنوده
تظل علاقتنا بالأشياء وبالتاريخ وبالأيام وبالأرقام
علاقة مرجعية واحدة على كافة تنوعها الإنساني مابين مفرح ومحزن
وتلك الأشياء بمثابة بوابة عبور لمخزون وتراكمات من الأحداث في حياتنا لم تكن بالطبع عادية والا لما تمكنت بكل هذه القوة من المكوث وأصبح لها حق البقاء في ذاكرتنا ، الذاكرة التي تفرج عن كل صغيرة وكبيرة ، تفرج عن أحداث بيعينها وعن أبطالها في حياتنا ، وقتها فقط نشعر أن الجسد يعتق روحه لتنتقل لهذا العالم لتلك الذكرة التي نسترجع فيها كل شئ من المنظور والمحسوس ، فنسترجع بكل حواسنا الشكل والسمع والتذوق والشم واللمس
ولذلك ربما يحاول البعض منا على شئ يستعيد من خلاله شئ له قيمة كبيرة في حياته
وأيضا غير مخيرين نقع أحيانا فريسة لأشياء تأخذنا قهراً لأحداث ولشخوص لم نكن نحب إسترجاعهم في ذاكرتنا
هنونة
رمز الكوفية في تدوينتك جاء معبراً ودافئاً لأشياء كثيرة في حياتنا ربما مازالت معنا وربما فقدناها في يوم ما لذلك نسعى لشئ يعوضنا إن جاز التعبير أو لنعيش بعض الوقت في زمن أحببناه بكل شخوصه
تحياتي لكي يارقيقة المشاعر وثرية التجربة الإنسانية
تحياتي
حسن أرابيسك
أن ترمز الأشياء المادية إلي معاني وأحاسيس من الماضي .. شيء أكثر من رائع .. يتطلب ذلك إحساسا عاليا وروحا نقية
وحسنا أنها كوفية .. شيء قريب جدا للشخص .. وحسنا أنها خفيفة الحمل والتنقل فلا توجد مشكلة كبيرة في إصطحابها
إنه عبق الماضي الذي يطاردنا أينما حللنا
قدرتي توصفي الكوفية بما تحمله من مشاعر بحق
نصيحة البسي الكوفية ف أي وقت حتى لو ف عز الحر لمدة 5 دقايق
بعملها كتير
:)
دمتي بكل الخير
أول زيارة
أرجو أن تتقبلي المرور أستاذتنا
هنوده
كل سنة وانتي طيبة
وعيد سعيد على الجميع
دمتي بخير
هنوده
كل سنة وانتي طيبة
عيد سعيد عليكي
دمتي بخير
هنننند
ازيك
كل سنة وانتي طيبة الاول
انا عارف اني مقصر شوية
امممم شويتين
:)
فرحان لاني لاقيتك كاتبه حاجات كتيييييير
وزعلان لاني ما كنتش متابع الحاجات الكتييييير دي
بس ملحوقه ان شاء الله هارجعلهم هيروحوا مني فين
كل سنة وانتي طيبة
جميل قوى إحساسك وتعلقك بكل مايذكرك بحياتك فى مصر وذكرياتك الجميلة
أما الشتا فأحلى حاجة فية المطرة
تحياتى
إرسال تعليق