الكتابة هنا خلتني اقلع عن الكتابة في اجندة واحطها في درج مكتبي
كده احسن كتير لاسباب منها اني سبت غرفتي .. ومبقاش لي مكتب و بالتالي ولا درج و ده كان عاملي قلق
قلق من ان اللي بكتبه يتقرا
بس اتعلمت هنا اكتب اللي ينفع يتقرا وبس
و من ساعتها مابقتش بعرف اكتب اللي ماينفعش حد يقراه
..
أنا بقيت بنسى كتير قوي
في الاجازة كلهم علقوا على ده
أخرج و انسى موبايلي في البيت.. و اعد في كافيه و انسى شنطتي فيها و امشي
وانزل اشتري من البقال حاجتين ارجع بواحدة و انسى التانية
واقولك جملة و ماتسمعهاش .. فتسألني "قلتي ايه" اقولك نسيت..
وانسى الاسماء و المكالمات و اللي مخططاله اول اليوم انسى معظمه لما اوصل لنص اليوم
وطول الاجازة بسألهم .. هو انا ليه بقيت كده.. وهو ده طبيعي يعني ولا ايه
ونضحك
..
بس انا فكرت دلوقتي
انا اصلي قررت ماعرفش امتى اني ما اركزش.. و اتعامل مع كل الحاجات طياري
قررت مامسكش حاجة في دماغي أحسن تتعبني
قرار يناسب حياة الغربة و روتينها
تقريبا القرار ده كان يخص موضوع معين او اتنين
او تلاتة
وفجأة نسيت انه قرار "خاص" بجوانب معينة فحياتي .. فتحول لنمط "عام" اتبعته من غير ما احس
....
حاجة غريبة
انا بقيت بروح مصر من غير اي تفكير
وارجع هنا افهم ايه الي كان بيحصل هناك
..
أهي اجازة و عدت و أديني حاستنى الأجازة الجاية
كده احسن كتير لاسباب منها اني سبت غرفتي .. ومبقاش لي مكتب و بالتالي ولا درج و ده كان عاملي قلق
قلق من ان اللي بكتبه يتقرا
بس اتعلمت هنا اكتب اللي ينفع يتقرا وبس
و من ساعتها مابقتش بعرف اكتب اللي ماينفعش حد يقراه
..
أنا بقيت بنسى كتير قوي
في الاجازة كلهم علقوا على ده
أخرج و انسى موبايلي في البيت.. و اعد في كافيه و انسى شنطتي فيها و امشي
وانزل اشتري من البقال حاجتين ارجع بواحدة و انسى التانية
واقولك جملة و ماتسمعهاش .. فتسألني "قلتي ايه" اقولك نسيت..
وانسى الاسماء و المكالمات و اللي مخططاله اول اليوم انسى معظمه لما اوصل لنص اليوم
وطول الاجازة بسألهم .. هو انا ليه بقيت كده.. وهو ده طبيعي يعني ولا ايه
ونضحك
..
بس انا فكرت دلوقتي
انا اصلي قررت ماعرفش امتى اني ما اركزش.. و اتعامل مع كل الحاجات طياري
قررت مامسكش حاجة في دماغي أحسن تتعبني
قرار يناسب حياة الغربة و روتينها
تقريبا القرار ده كان يخص موضوع معين او اتنين
او تلاتة
وفجأة نسيت انه قرار "خاص" بجوانب معينة فحياتي .. فتحول لنمط "عام" اتبعته من غير ما احس
....
حاجة غريبة
انا بقيت بروح مصر من غير اي تفكير
وارجع هنا افهم ايه الي كان بيحصل هناك
..
أهي اجازة و عدت و أديني حاستنى الأجازة الجاية
هناك 3 تعليقات:
كلامك بين سطوره زعل يا هنودة
انا صح ف احساسى ؟
النسيان عرض لمرض
و المرض اسه الرغبة ف الهروب
او التخفف من الحمول
محاولة لنفض الهموم و المسئوليات
و بتبان حتى فى اتفع الأشياء
زى شنطة و لا حاجة مطلوبة منك
مريت بنفس الحالة دى
و رجعتلى تانى
اقرى البوست دا
http://ro7albmama.blogspot.com/2009/12/blog-post_26.html
يمكن يساعد
التعليقات كانت رائعة جدا
و فسرتلى حاجات
بحبك
يا احلى قمراية اسكندرانية
طائر الليل الحزين/ هنوده
طياري عنوان وقعه غريب على سمع الأدب والكتابة لذا جاء مميزاً ووثيق الصلة بتدوينتك التي تحمل هماً ودلالات من لم يعد يهتم ويبالي فتحمل معنى وترجمة لحالة غير منسجمة وغير متوافقة مع كل الأشياء التي في محيطها وبالتالي هو رد فعل طبيعي لكل ما يمر بكي ولم يعد يستوقفك منه شئ فأصبح بلغة تدوينتك طياري
ولكنه ياعصفورة المدونات الحزينة
حالة إستثنائية للأفراد في تلك الحياة حالة مزاجية تعكرت مزاجيتها لأسباب خارجه عن اراداتها.. اقول لكي لامانع ولكن كل الحذر من الاستسلام لها والوقوع في فخها لأننا بذلك قد نظلم أنفسنا ولا نعطيها فرصة الاستمرار بكل ما لدينا ثوابت وطاقة وتوقعات بان الحياة لن تطعمنا على الدوام عسلاً ولن تستمر في عطاء متواصل لنا ولن تكون دائماً بجانبا تفرح لنا وتحزن لنا بل هي تفعل ماتفعل بنا وتستمر في حركتها وتقدمها ونظل نحن نحمل وحدنا قرار تقدمنا معها او الوقوف والثبات ونحرم انفسنا من التقدم ومن فرص اخرى
ادعو لكي بكل التوفيق والوئام النفسي داخلك ومع الحياة
تحياتي
حسن أرابيسك
فاتيما .. حسن ارابيسك
مش عارفة اقولكم حاجة غير ربنا يخليكم لي
بجد انتوا الاتنين تعليقاتكم بتجيلي في أشد الاوقات بكون في حاجة ليها و بالفعل بتغير جواي كتير .. يمكن مابقولش عشان بقالي زمااااان مش بعرف ارد حتى .. بس كان لازم اقول انهاردة بالذات
تسلمولي
إرسال تعليق