ليه اسكندرية بالذات؟
ليه شارع خليل حمادة بالذات؟
كلنا مستفزين .. كلنا مجروحي
كلنا بنفكر .. مين اللي عمل كده
مش عارفة مين
بس اللي عمل كده عمله ليه
أهو ده اللي واااضح جدا
مش محتاجة ذكاء
لا تقولونا قضية المسلمة المحتجزة
ولا تقولونا ان المشاكل اللي فعلا موجودة بين المسلمين و المسيحيين في الشارع ده بالذات هي السبب
ولا فيه فمصر جماعات ارهابية
ولا أعتقد ان الرأي اللي بيقول ان الحزب الوطني مهما كان مبرره ممكن يقترف جريمة زي دي
ناس بتقول القاعدة.. ممكن
بس السبب مش اللي اعلنت عنه وهو قضية المحتجزات في الكنائس
وإلا ماكانوش اختاروا اسكندرية بدل العاصمة "االقاهرة" ولا اختاروا كنيسة القديسي بالذات دون اي كنيسة تانية في اسكندرية أكبر و أهم بالنسبة للمسيحيين في مصر و ذات اقبال و أعداد أكبر
ده انا شايفة انه غباء كبير من اللي خطط ونفذ انه أظهرلنا سبب فعلته
مافيش اي شك من المبرر الواضح جدا
بتمنى من كل قلبي ان الجرح العميق ده يكون بعكس المطلوب منه و يلمنا كلنا على بر واحد
بتمنى انه يكون دليل واضح في عيونا جميعا اننا كشعب مستهدفين من مين مش عارفة
اتمنى ان نحس كلنا بقى مسيحيين و مسلمين و ووطني و اخوان و معارضة
كلنا بالفاسدين و الحرامية و الغلابة والمترفين والجهلة و المثقفين
اتمنى ان يكون اللي حصل يحسسنا و يثبتلنا جميعا اننا مستهدفين
أنا اول واحدة لما كنت أسمع كلمة "مستهدفين" كنت بحس بالمبالغة و السخرية ساعات
كنت بقول هو الشعب المصري حايستهدف ليه يعني
شايفينه بيعمل حاجة
شايفينه فايق قوي انه يكون مصدر قلق و هدف مطلوب ضربه لاخماده
ماهو خامد بقاله قرون
ماهو دايخ مابين فقر و مخدرات و مصائب اجتماعية و ظلم و قهر
بس اتأكده امبارح و انا بعاني من احسار بمرارة اول مرة أحسها
بمرارة ان فيه كلب غريب مد ايده فبلدي
وقتل ناس من أهلي
قاصد يلعب بينا
سمعت ان حصل مناوشات و اعتداءات من المواطنين في الشارع
و سعت انها أخبار كاذبة
وسواء حصل ولا ماحصلش
انا فاهمة كويس جدا احساس مسيحي شايف اهله قتلى ع الارض
فاهمة درجة غضبه و اللي ممكن تخليه فلحظة يثور على اي حد قدامه
و يخليه ضحية لاي فكرة او مبرر غير منطقي
مش حاقول اني كمسلمة متألمه زيه بالضب
متألمة جدا طبعا بس مش "زيه بالضبط"
أكيد هو أكبر و أعمق
عشان المسيحيين في مصر جواهم جروح حقيقية
و لان الاعتداء اتوجه للمسيحيين مش المسلمين
آه الاعتداء مش مسئول عنه مسلمين
لكن لو ثاروا علينا كرد فعل للدم اللي قدام عنيهم
فهو موقف مفهوم جدا
موقف لازم يعدي علينا جميعا بلا اي تأثير
ولا له اي معنى غير الألم المفهوم
لحظة بلا تفكير
لكن مع قليل من التفكير اللي يارب يكون الناس عندها وقت ليه
حانلاقي اننا كلنا مالناش ذنب
اننا محتاجين قوي نقف جنب بعض و صاحيين قوي لاي ايادي بتلعب في عقولنا
كل التعازي لأهل اسكندرية كلها على ولادهم اللي ماتوا
هناك 4 تعليقات:
فعلا ليه اسكندرية بالذات وليه المكان ده ؟؟
لان قدام الكنيسة دي مسجد كبير
قاصدين يعملوا فتنه
قاصدين اننا ناكل في بعض مسلمين ومسيحين
قاصدين يفرقونا
وطول عمرهم سياستهم واضحة ( فرق تسد )
واحنا للاسف لسة بناكل في بعض وسيبين نفسنا لعبه في ايديهم
حسبي الله ونعم الوكيل
فعلا ليه اسكندرية بالذات وليه المكان ده ؟؟
لان قدام الكنيسة دي مسجد كبير
قاصدين يعملوا فتنه
قاصدين اننا ناكل في بعض مسلمين ومسيحين
قاصدين يفرقونا
وطول عمرهم سياستهم واضحة ( فرق تسد )
واحنا للاسف لسة بناكل في بعض وسيبين نفسنا لعبه في ايديهم
حسبي الله ونعم الوكيل
انا خايفة ياهانودا!!!
فعلا انا متفقة في ان هناك من يريدها فرقة و حرب و فتنة بين المسلمين و المسيحيين ، لكن الان ثورة مصر االت هذه الفتنة تماما
شكرا لوعيك و لحرصك على مشاركتنا رايك
حرصك على وطنك ملموس و اقدره
موديل
إرسال تعليق