بتمنى دلوقتي صفحة واحدة واسعة ماتخلصش.... ووقت طويل مابيخلصش.... ومنديل كبير يفضل فيه طول الوقت مكان ناشف امسح فيه.. ونهار طويل ماتغبش شمسه.... ومكان فاضي مافهوش حد.... و سحابة كبيرة ماتعديش من تحت الشمس .... ووقت طويل مش وراي بعده معاد ولا التزام
محتاجاهم عشان اخلص معاهم حكاياتي وبعدها اسيبهم وتبدأ كل حاجة للرجوع لطبيعتها تاني..
مش عارفة ليه فجأة حسيت اني عاوزة اكتب التاريخ بالعكس
السنة الأول 2012.. وبعدين الشهر.. ومش فارقة نهائي اليوم
وممكن أحط في تاريخي بند رابع اسمه ( اجازة/او غربة)
بمعنى ان انهاردة هو: 2012 - أجازة سبتمبر- 4
ده كان موضوع.. و الموضوع التاني هو اني اتعلمت من الغربة حاجات مفيدة كتير .. مايهمنيش سردها دلوقتي مش لانها مش مهمة بالعكس، هي مهمة و حاتفيدني جدا في المستقبل اذا قررت اساسا ان حياتي تكون منها فايدة .. و اذا ما قدرتش اعمل كده يبقى مكتسبات الغربة كلها بقت زي فلوس مرمية ع الارض لعملة غريبة عن البلد اللي فيها
المهم
اني عاوزة دلوقتي اتكلم عن اللي خسرته بسبب الغربة
خسرت لفتات لطيفة كنت قادرة على فعلها مع ناس بحبها.. خسرت القدرة على الكلام من غير حسابات.. خسرت حاجتي لرفيق بالمعنى المعروف.. خسرت القدرة على الحساس "بالسكون" جنب انسان.. رفيق او حبيب او قريب
بحب كل الناس اللي فحياتي جدا..بس كلهم يعرفوا عني اللي يعرفه كلهم.. وكلهم يهموني قد كلهم
وبس..
معنديش معلومات اكتر من كده
لكن لو سالتني عن الأماكن تقدر تاخد مشاعر أكتر من كده بكتير .. ومعلومات بتفاصيلها.. و انفعلات قوية و مشاعر عميقة
الغربة خسرتني احساسي بالناس و عظمت قوي احساسي بالحاجات و الاماكن
وانا مش عاوزة كده
عشان كده قررت حاجة مهمة بعد 8 سنين غربة.. انا لازم انجح في تحقيق حاجة من الاتنين
يا ارجع للوطن.. يا اعتبر الغربة وطن.. و ابطل اقول عنها غربة
وانا مش حاتمسك بواحدة فيهم بقوة و خلاص و اعاند على كده
انما انا حادرس مين فيهم الممكن أكتر و حاقبله وأخطط لسنيني الجاية على الأساس ده
ممكن ساعتها أكون قادرة على الاحساس "بالسكون" بجانب كيان ما .. انسان.. أو مكان
-> 2012 - اجازة - 9- 4
كتبتها في الطيارة .. في السما بين الوطن و الغربة
أكتر وقت بعرف افكر و احس و اعبر فيه بحرية مطلقة
من غير قيود ولا تحكمات
من غير قيود ولا تحكمات
ومن غير ما احاول افهم مين فينا اللي بتكتب
انا اللي فقطر.. ولا انا اللي فمصر
هناك 5 تعليقات:
" انا لازم انجح في تحقيق حاجة من الاتنين يا ارجع للوطن.. يا اعتبر الغربة وطن.. و ابطل اقول عنها غربة وانا مش حاتمسك بواحدة فيهم بقوة و خلاص و اعاند على كده انما انا حادرس مين فيهم الممكن أكتر و حاقبله وأخطط لسنيني الجاية على الأساس ده "
مش مصدقة الحتة دي خالص :)
ولو انتى مش هتعاندي انا هعاند فى واحدة فيهم واتمسك بيها
مش عارفة ايه الـ ww ده بس انا "كفاية طيبة"
أولاً .. البوست ده جميل بعد 4 بوستس كان الجو بتاعهم حزايني
ثانياً .. الخُلاصة اللي في نهاية البوست ده رائعة للغاية .. إما أن نعود إلى الوطن .. أو أن نعتير الغُربة وطن
هو ده الصح، وهو ده اللي هيحل أي صراع نفسي داخلي
والجديد بقى، إن بعد سنين التشبع من الغُربة، هيكون اتخاذ القرار أسهل، هي دي المُفاجأة
ثقافة الهزيمة .. يوميات البقرة الضاحكة
" الإفطار عبارة عن بيض وفول وزبادي، والغداء جمبري بالصوص، والعشاء فول مدمس، أما كلب سعادة البيه، فالغذاء شوربة خضار وفراخ والعشاء عسل نحل وزجاجة مياه معدنية " هذه هي إحدى القوائم التي اعتاد الحاج سلامة أبو لبن علي مدار 29 عاما أن يعدها، وأن يتلقي الأمر بإعدادها هاتفيا، لكن ليس في أي مطبخ عادي إنه مطبخ الرئاسة بقصر العروبة..
.باقى المقال بالرابط التالى www.ouregypt.us
قال د.عبدالله الأشعل مساعد وزير الخارجية الأسبق أنه يجب دفن الرئيس المخلوع حسني مبارك في إسرائيل بعد وفاته، مبارك كان يكره مصر ويتآمر عليها، داعيا الي دفنه بعد وفاته بجوار اليهود الذين أحبهم وأحبوه بشدة، أن تراب مصر الطاهر لا يمكن أن يدفن به شخص خائن مثل مبارك المخلوع.
عجبني البوست وتفكيرك فيه ممكن لاني انا كمان مغترب من 5 سنين لكن اول ما قررت السفر اخدت عهد على نفسي اني مسميهاش غربة وان يكون ده وطن جديد ليّا دون التخلي عن انتمائي طبعاً .. لكن مش هنكر ان كان بييجي نسايم حنين للناس والاماكن والذكريات تخلّي الواحد يضعف ويقول كفاية سفر .. بس مش بيقدر يحط حد للسفر وينزل .. لسه كتير على انهاء الموقف لصالح أي الوطنين
إرسال تعليق