ما بيشبعش

كنت فاكرة ان حايكفيك كل دموع السنين اللي فاتت

كنت فاكرة حبك شبع عذاب خلاص في

قلت أكيد بعد ما اطلقت حريته  طول سنين

سيبته يشتاق و يدوب حنين

سيبته يعيش معاك كل لحظة و كانك هنا

قلت خلاص

أكيد حاييجي اليوم وأكون شبعت من قربك و الحياة جوة حبك

حاييجي اليوم و أعيش بقى عادي

واختار سكتي الجديدة

من غير الحاح منك ولا لوم

حاتلوم ليه بعد كل ده حب

وكل سنين الوحدة دي

بس ما بيحصلش

وانا.... خلاص رافضة اعيشلك كل عمري

وانت.. رافض تسيبني اعيش لغيرك

وبين الشد و الجذب ده بينا.. بيقولولي ده وهم

مافيش حد رافض ولا حد بيعاتب ولا حد متمسك غيرك انت

مافيش حد تاني

ماحدش تاني موجود

وماحدش تاني حايخرجك

بس والله العظيم انت موجود

يمكن لو عرفوا فيوم بجد انك موجود كان زمانهم بطلوا يستغربوني