مين اللي يسهر جنبي الليل
مين اللي باله عليّ طويل
مين اللي لما أتعب يساعدني و معاي حمل الهم يشيل
من غير هي ست الستات... ويّاها بتسطح و أبات
وأجيب لمين غيرها وأهادي...أم العيال العشرية
ياعم يابتاع الطيب...المسك ريحه ما يتعيب
إديني من عطرك طيب
وآخد لمحبوبتي هدية.. لأم العيال العشرية
ياعم بتاع المخمل.... اديني نوع توب المحمل
عشان حبيبتي تتجمل...أبيض بلون الصباحية
أبيض يا قلب العشرية
جايب معاي اللي فيدّي...وقدرت أجيبه من كدّي
ولا تقوليش بس أنا عندي
وكفاية بتهلّي عليّ... أصلك أصيلة يا عشرية
مايغلى يا ست الستات....عليك دول ولا غويشات
وأجيب لمين غيرك وأهادي...أم العيال العشرية
مين اللي باله عليّ طويل
مين اللي لما أتعب يساعدني و معاي حمل الهم يشيل
من غير هي ست الستات... ويّاها بتسطح و أبات
وأجيب لمين غيرها وأهادي...أم العيال العشرية
ياعم يابتاع الطيب...المسك ريحه ما يتعيب
إديني من عطرك طيب
وآخد لمحبوبتي هدية.. لأم العيال العشرية
ياعم بتاع المخمل.... اديني نوع توب المحمل
عشان حبيبتي تتجمل...أبيض بلون الصباحية
أبيض يا قلب العشرية
جايب معاي اللي فيدّي...وقدرت أجيبه من كدّي
ولا تقوليش بس أنا عندي
وكفاية بتهلّي عليّ... أصلك أصيلة يا عشرية
مايغلى يا ست الستات....عليك دول ولا غويشات
وأجيب لمين غيرك وأهادي...أم العيال العشرية
إقروا الإغية و قولولي
نحلم إننا ممكن نلاقي راجل كده؟؟ حانلاقي راجل يقولنا بعد يوم طويل بره البيت (( كفاية بتهلّي عليّ))
حانعيش لحد ما العمر يطول بينا و عيالنا يبقوا طولنا و نلاقيه داخل لنا بهدية ووشه مكسوف عشان ماقدرش يجيب أغلى منها؟؟
تحلموا إنكوا تلقوها شايلة الهم معاكم؟؟ .. تحلموا إنها تطير من الفرحة بطرحة داخلين جبتوها من ع الرصيف بسبة جنيه؟؟ تحلموا إنها تكون عشرية؟؟
من الآخر
نحلم بعماد حمدي فأم العروسة؟؟
وتحلموا بكريمة مختار في العيال كبرت؟؟
ولآّ ده أحلام قديمه... كإنك روحت إشتريت كمبيوتر عليه ويندوز 95 وتقول أصل الأصل في القديم.. بجد و الله
لسة في حد بيحلم معاي بالمعاني ده ولاّ أنا غريبة؟؟
لأ بجد ... أنا غريبة؟؟
أحلم يا جماعة؟؟
ماشي ؟؟ ... أحلم؟؟
إيه؟؟
أصل أنا بخاف أحلم.. و الله القلب مليان أحلام عظيمة.. بس أنا قربت أآمن إن الحاجات العظيمة بتعملي مفاجأة دايماّ وتطلع عبيطة
وعد مني... اللي حا يقولّي ما تحلميش حا شطب كل ده فوراً و حا قدم اعتذاراتي كمان
هناك 10 تعليقات:
لو بطلنا نحلم نموت
ده الحلم والامل فى بكرة هو اللى مخلينا قادرين نعيش
اوعى تبطلى تحلمى ابدا
واى حد اكيد بيحلم باللانتى بتحلمى وعمر الحياة الجميلة اللى انتى بتتكلمى عنها مهتكون احلام عبيطة ابدا
ويارب تكون حقيقة
اتمنالك التوفيق
وخالص تحياتى
طبعا لازم نهرب من الواقع المر للاحلام الورديه ودي بقي الشئ الوحيد الباقي لنا
انت طعا قريتي البوست و كنت اول كومنت يشرفني
انا ضحكت لما وصلت في الاخر في البوست بتاعك لكلمه " ام العيال العشريه " افتكرت ام العيال مرات الشيخ اللي في البوست بتاعي
تحياتي
الدبور
موج البحر
هو كلامي مش اصرار على اليأس لا و الله بس أعتقد ان معظم الناس قادرة تحلم
بس مش كل الناس عندها استعداد تتعب عشان تحقق الحلموأهلا بيك في المدونة
وبتمنى الصداقة الدائمة
الدبور
أنا مش عارفة انت سمعت أغنية منيب ده ولاّ لأ... بسلو ماسمعتهاش نصيحة مني اسمعها و حاتعجبك قوي
وياريت ما تتأخرش علينا في البلوج بتاعك
مواضيعك بتشدني كتير
صدقينى كل راجل بيحلم بالست دى بس تكون شبه نانسى عجرم وفى شياكة أليساو جسمها زى جسم هيفاء وهبى
:))))))))
طب ازاى؟؟
ياسمين
فعلا عنده حق
بس المشكلة انه أساسا مش بيكون حسين فهمي ولا أحمد السقا
يبقى برضه ازاي؟؟
:))
شوفى مفيش انسان كامل دى قاعدة وعشان كدة لما ندور على حاجة معينة ومش نشوفها بيجى لينا زى عقدة وكان الحاجة دى هيا بس سر السعادة
الدنيا لسة بخير وفيها جميع الاوصاف بس اللى تجدى فية مثلاا الرومانسية مش هيكون حسين فهمى ولا يكون حسين فهمى كشخصية مش هيعجبك
تحياتى
أنا معاك طبعا و أنا مابحلمش بحسين فهمي بس بستغرب لكن اللي أقصده ان اللي بيدور على المظهر الكامل مابيكونش هو نفسة كامل ةلا ع الفرازة
وان كان ذو مظهر كامل أو لو فده شيء سطحي جدا ومش ده اللي قصدتة
وأهلا بيك في المدونة
وفرحتني بردك
أولا .. متشكر كتير إنك عرفتيني على البلوج الجميل ده .. قرأت كل المواضيع .. حسيت إني أنا اللي كاتب الكلام ده كله .. بس نعكس الراجل والست طبعا
أغلب المواضيع اللي كتبتيها مريت بيها علشان كده حسيتها على طول
عموما ربنا يوفقك وفي إنتظار مواضيعك الجديدة
الحلم اللي بتتكلمي عنه اكيد جوا الناس كلها
كل الناس حلمت بكده واتمنته
وحست انها ممكن تضحي بكل حاجه
عشان اللي بتحبهم عشان تحس بلذة اعطاء الحنان
ودي لذه تانيه ...في رئيي انها تفوق لذة احساس الحنان نفسه
لكن
بنيجي ساعة الجد وتلاقيني
نهرب
حتى لو رديتي على نفسك وقولتي
طب وفيييين الاحلام بتاعت زمان
بتاعت التضحيه وخلافه
تلاقي نفسك بتقولك لأ
دي كانت احلام
وخلصت
ومش هتتحقق
و.....وهكذا
لكن من حقنا اولا واخيرا نحلم
ونسعى لتحقيق احلامنا
وعذرا للاطاله لكن الموضوع فعلا حلو
وعلى فكره انا بحب احمد منيب والاغنيه دي كمان.......تحيتي
احلمى...
إرسال تعليق