انت مين
إنت مين وسط كل الناس اللي عرفتهم؟؟
و إنت ايه جنب الأوجاع اللي عشتها
و قد إيه يعني الأيام اللي عشتها معاك جنب كل سنين عمري
إيه الواو اللي فيك عشان أتعذب عشانك؟؟
وذكراك عمرها قد إيه قصاد كل ذكريات حياتي؟
إنت بتعمل إيه فقلبي؟؟
لاقلبي بتاعك... ولا حياتي ليك... و لاذكرياتي تخصك
بتعمل إيه في حياتي؟؟
دخلتها وسبتك زي الهبلة... وخرجت منها وأنا برضه زي الهبلة
إيه ؟؟؟
ما تخلص بقى... إختفي بقى من حياتي و ذكرياتي و أفكاري
إنت عايش في جو مش بتاعك.. جو أكبر و أعمق منك بكتير
بتعمل ايه هنـــــا؟؟؟
إنت آخرك لما تسيب يتزعل عليك شهر... شهرين
لكن سنتين؟!!
على رأي المثل ....رزق الهبل ع المجانين
إنت مين وسط كل الناس اللي عرفتهم؟؟
و إنت ايه جنب الأوجاع اللي عشتها
و قد إيه يعني الأيام اللي عشتها معاك جنب كل سنين عمري
إيه الواو اللي فيك عشان أتعذب عشانك؟؟
وذكراك عمرها قد إيه قصاد كل ذكريات حياتي؟
إنت بتعمل إيه فقلبي؟؟
لاقلبي بتاعك... ولا حياتي ليك... و لاذكرياتي تخصك
بتعمل إيه في حياتي؟؟
دخلتها وسبتك زي الهبلة... وخرجت منها وأنا برضه زي الهبلة
إيه ؟؟؟
ما تخلص بقى... إختفي بقى من حياتي و ذكرياتي و أفكاري
إنت عايش في جو مش بتاعك.. جو أكبر و أعمق منك بكتير
بتعمل ايه هنـــــا؟؟؟
إنت آخرك لما تسيب يتزعل عليك شهر... شهرين
لكن سنتين؟!!
على رأي المثل ....رزق الهبل ع المجانين
تحديث على جنب
يارب يسامحني على كل لحظة غضب صابتني تجاهه
هناك 16 تعليقًا:
اولا كالعادة انا سعيدة بانى الاولى
.ثانيا انا موجودة فى الدنيا بس
حاليا فى اسكندرية وبجد افتكرتك ولما ارجع انشاء الله هكتب الجديد
ثالثا
وقد ايه يعنى الايام اللى عشتها معاك جنب سنين عمرى
.........
وذكراك عمرها قد ايه قصاد كل ذكريات حياتى
بجد يا هانودة لو فكرتى
فى السطرين دول هتلاقى اجابة
سؤالك اللى فى البداية انت مين
وان الفترة اللى انتى قعدتى معاه فيها
مش حاجة قدام
سنين عمرك اللى فاتت واللى جاية
بجد اتمنالك التوفيق
فى كل اللى جاى
خالص تحياتى
كانك بتتكلمى عن حالي
افكر فى الشعراء فاتعجب
كلنا نعرف العربيه وكلماتها وتعبيراتها ولكننا لا نعرف نظم الشعر
الاف يعرفون السلم الموسيقى ولا يستطيعون ابداع لحن يبدعه شاب ربما لم يدرس الموسيقى
اتذكر توفيق الحكيم وهو فى العشرينات من عمره ومسرحياته تترجم الى لغات العالم
جاء فى خاطرى عبد الوهاب يغنى وهو فى الثانية عشرة فيذهل شوقى بموهبته فيتبناه
اتخيل بليغ حمدى وهو فى العشرينات من عمره يلحن لاسطورة العصر ام كلثوم حب ايه متخطيا اساطين الطرب والموسيقى
اذكر احسان عبد القدوس وقد تسلل تحت جلودنا يفهمنا اكثر مما نفهم نفسنا
اذكر يوسف ادريس وهو يصدمنا بعنف ويرجنا بقسوة ويمزقنا بمشرط ادبى غير مسبوق
اذكر زكى نجيب محمود فى شطحاته الفكريه الجبارة وعقله الذى يحلل كل شئ
اذكر نجيب محفوظ وهو يدخلنا فى دنيا كامله مع كل روايه يبدعها
اذكر واذكر واذكر
انها الموهبه
هل هناك اعظم من الموهبة
اكبر منحه الهية يهديها الله لمن يرضى عنه
اختنا
انتى موهوبه
اعتنى بنفسك
تزعلي شهر
ياااااااااااااه
صدقيني مش حيحصل
موج البحـــر
أنا كده اتعودت تكوني الافتتاحية وويارب تدوم عليّ الإفتتاحية اللي زي العسل دِه
ثانــــاً ... ماكنتش أتوقع انك تفتكريني باسكندرية وده مفاجاه تحفة جدا و فرحتني بجد و أنا دايما فعرض حاجة تفرحني....ترجعي بالسلامة... جبيلنا صور حلوة معاك
sharm
مدام حالك شبهي يبقى أكيد عارف ان الذكرى الجميلة تستاهل نعيشلها العمر كله فداها.. أما لوكانت ....... يبقى بجد عمرنا يستاهل اننا نهرب بيه من أوجاعها
ده تذكير مش تعريف
وشكرا ع الزيارة
harmless
بجد انت أثرت جواي قوي بكلامك
حارغي شوية .. موافق؟؟
اللغة العربيه طول عمرها بالنسبة لي مثلي الأعلى و المناقشات و الفكر بالنسبالي كانت دايما هواية نفسي أمارسها بس كان بيقف قصادي مصطلحات دارجة زي ((عايشة الدور ... وكبر دماغك)).. و الشخصية المتششكة في نفسها أما بتصدق أي انتقاد فتعمل ايه على طول؟؟... بتهرب و تقعد في مكان ماحدش يعرف يخدشها فيه
أما بقى عن قدرتي على التوصيل فأنا أحيانا كنت ببكي على فقدانها من يوم ماجيت هنا برة بلدي أو بمعنى أصح برة جلدي
لكن بجد شكرا انك حسستني إني لسة جواي شيء منها
أتمنى دوام تشجيعك الحيازي جدا اللي بجد أثر فيّ
شكرا
شادي فايد
طبعا شهر شوية على ان الواحد يعرف يمسح احساس مد جذوره جواه
بس لما يكون الإحساس اللي جواك مايستاهلش الألم يبقى المفروض مايزيدش عن شهر
لكن أنا معاك ان مش كل شيء مفروض بنعرف نعمله
هايل يا هنوده
بس اسمح ليا اسقف و بشده علي البوست اللي قبل ده اللي كنت بتتكلمي فيه عن باباك - ربنا يرجعه باسلامه ليكي و يخليه ليكي- كنت هايله جدا بجد و الله و اكتر موقف اثر في ساعه مابيقولك انا مسافر و حترتاح مني و ردك كان اكتر من رايع
تحياتي لك و لوالدك
الدبور
الدبـــور
طبعــا انت تسقف براحتك :)
و بجد أنا فرحانة ان كلامي قدر يوصل احساسي.. شكرا ع التشجيع الرائع منك
يا بنتى والله خسارة فيه حتى البوست دة والميزة الوحيدة انه خلاكى تكتبى كلام جميل عشان احنا نبقى محظوظين ونقراه
تحياتى
ده إيه كل ده؟ يطلع مين ده اللي ما يستاهلش منك يومين تفكير وفضلتي فاكراه سنتين؟
ويا ترى بيقرأ الكلام ده ولا لأ؟
ياسمـــين
على رأيك .. الميزة فكل ده إني أصحي الصبح ألاقي ناس زي العسل حاسين بيّ
يا مراكبي
مش عارفة و الله مين ده اللي مايستاهلش شهر تفكير و فضلت فاكراه سنتين؟؟؟
ماهو أنا من ساعة ماطلعت منها و أنا مشاعري بقى مبالغ فيها
(قصدي مصر يعني)ه
أما عن إذا كان بيقرى الكلام.. فالله أعلم.. لكن مافتكرش
خديها نصيحة مني يا هنودة يا اختشي
يا مئامنة للرجال يا مئامنة للمية ي الغربال
احنا ممكن نشيلهم كده من بلادنا ونعيش كويس ، على الأقل هتغور الحكومة كلها معاهم ومش هتضل غير تيتة سوزي وخدوجة نزنقهم في اي حاجة كده بعيد عنا
والله ده حتى البوست اللي افتكرتيه بيه كتير عليه
بننزف نفسنا ع الورق ساعتها بننسى الجرح اللى كان
والناس اللى جرحونا
متغيرة شوية
عندك حق و الله بس بيتهيقلي لو عملناها و شيلنا الرجالة من حياتنا حاتكون فكرة ناجحة لمده شهر بالكتير و بعدها حاننتقل لمرحلة النعيم... مش بقولو المجانين في نعيم :))
قصدي اقول ان الراجل أب و أخ وصديق
أما الحبيب هو اللي أوافقك انه لازم يتحذف من القاموس الانساني
فرحتشيني بزياتشك :)))
أبو أمــل
اسمحلي أصكمل جملتك
بننزف نفسنا ع الورق ساعتها بننسى بعض من الجرح اللي كان و الناس اللي جرحونا
ولما نلاقي قلوب حاسانا بننسى الجرجرح كله أو ع الأقل بيبرد وكإنه مش موجود
بجد شكرا على زيارتك و كلامك الجامد
أبو أمـــل
قصدي اسمحلي أكمل الجملة
معلش .. أخطأت سهواً
hannoda
يا هنودة انتي مش فاكراه سنتين ولا بتبكي علية, انتي بتبكي عالحب اللي راح او بتبكي على مشاعرك اللي فقدتيها او حاسة انك ضيعتيها, و ضيعتي وقت ومشاعر مع انسان مايستحقش
حاسس بيكي لاني شارب من نفس الكاس
ولغاية النهاردة بعد 9 شهور لازلت مقهور و مجروح برغم انها ماتستاهلش بإجماع الآراء
لكن الواحد بيبكي عالحب اللي راح
ربنا يعوض عليكي بأحسن منة
تحياتي وآلامي
الحصان الأسود
فعلا مشاعر الحب بالذات غالية و أكبر غلطة ممكن تغلطها في حق نفسك و حق اللي يستاهلك انك تضيعها على حد مايستاهلش
إرسال تعليق