دلوقت بكلم رحاب حبيبتي.. واشتغلت أغنية ياحبيبي تعالى لفضل شاكر
وياااه ع اللي صحى جواي
ويااه عاللي نفسي أفكرها بيه
أصل الأغنية ده ليها ذكريات بينا هي عارفاها كويس
نفسي أقولها فاكرة شارع الكلية ولمة الناس فأيام الإمتحانات.. فاكرة فلان و فلانة.. يااااه الناس كتير و كلهم بموت فيهم
فاكرة أيام رحلات المنتزه و المشاريع السبعة راكب؟؟.. وسطوح بيتها و غرفتي فأيام الشتا
فاكرة فضل شاكر بيفكرنا بمين؟؟
و
.
.
.
بس .. هنا إضطريت أسكت و أكتم كله جواي.. مش حاينفع أصحي الألم جواها
خايفة من دموعنا....ه
حتى أختي لما نزلت مصر بتقول انها خايفة تشوف صحابنا و ماتلاقيهوش وسطهم
خايفة تصدق انه مش موجود.. خايفة تصحّي أحزانهم لما يشوفوها
واضح إننا كلنا خايفين من بعض و على بعض من يومها
أنا آسفة إني بفتح موضوع حسيت إنه بيتعبكوا و فرحت لما تعبكوا.. طبعا مافرحتش عشان غاوية أتعبكم لكن فرحت انكم تعبانين عشاني
فرحت عشان حسيت ان اللي عايشينه هنا ده حقيقي
بجد آسفة .. بس أنا من يوم ما لقيت طريقة أقول بيها اللي أنا حاسة بيه في لحظة ما أحس بيه و زي ماأنا حاساه .. من ساعتها قررت إني ما أكتمش حاجة
آه كتمته مع رحاب.. لكن مش عاوزة أكتمه هنا
أنا كده خلاص مش زعلانة
الحمد لله اللّي قادر يصالحنا على أحزاننا و قدرنا ويحول جوانا الألم لأفكار رقيقة تهونه
الحمد لله رب العالمين
اللهم إني أحمدك كما ينبغي لجلال و جهك و عظيم سلطانك
هناك 43 تعليقًا:
عاجبنى الحزن اللى جواكى...الملفوف بصبرك
عاجبنى الألم اللى حاسه بيه..وعاجبنى اكتر حمدك لله على الألم والحزن
عاجبنى حزنك والمك لان احنا كده..من غير حزن والم على الناس اللى بنحبهم نبقى مش احنا
ربنا بيدنا القدرة عشان نصبر وننسى من غير ما ننسى...بس مش كل الناس بتفهم ده زيك
اوعى تكتمى حاجة جواكى...وافتكرى كل ذكرياتك...بنفس الروح اللى جواكى..لأن الأنسان بلا ذكريات..زى الكتاب.. من غير حروف
خلى بالك من نفسك
بوستاتك دايما بتخليني في حالة من الشجن
واسم مدونتك نفسه
غربة
دايما بقعد افكر في الكلمة دي كتير قوي
:)
شكلك ناوية تخلصي عليّا النهاردة
بس إنتي بتطمنيني على نفسي وحياة ربنا
التدوينة اللي نعيتي فيها أحمد الله يرحمه
كانت منعاني فترة من إني آجي عندك
جايز لأني فقدت أكثر من صديق في سن صغير
وجايز لإني ماكونتش عارفة أقولك إيه
فإترحمت عليه وقريتله الفاتحة وخلاص
وجايز لأن الفراق بكل أشكاله مؤلم وفراق الموت شكل منهم مش أكتر
مش عارفة
لكن بما إني مريت بمواقف مشابهة قبل كده فهاقولك حاجة
ساعات بيكون تجاهل الموضوع أكثر قسوة من مواجهته
يعني لو الموضوع إتفتح ما تهربيش
علشان الصمت بيخلق مساحة توتر وألم أكتر من الكلام نفسه
إفتكري وفكّري اللي حواليكي إن اللي رحلوا
أكيد في عالم أحسن بكتير من اللي إحنا فيه
ولما يخطروا على بالك
إبتسمي ... صدقيني هيشوفوا إبتسامتك وهيفرحوا
بوستاتك اصبحت ادمان لي
تعرفي هقولك حاجة مشابهة لي صديق لو كتبت مية بوست عنة مش كفاية توفي
رحت مرة في سوق مركزي وكنت عارف ان اخوة صاحب السوق بس انا مش عايز اشوفة علشان مفكرهوش باخوة
لكن هو شافني وخدني في مكتبة وحصل
الي كنت خايف منة فضل يبكي بصوت عالي
وانا كمان حرمت مرة تاني اروح هناك
ساعات بنهرب من الحزن والدموع لو امكن
وساعات بيلاحقونا لغاية عندنا
في النهاية هي مشاعر والدموع لها مهرب الحزن بيخرج من جوانا ويتفرغ
بس بيفضل حجات زي قرح جوة مش بيخرج
بيفضل كتير علشان يتغطي وحتي لو اتغطي
مع مرور اي ذكري بنحس بالوغزة وكانة الجرح حالا
قلبي معاكي وكويس الدعاء دة في الاخر
ربنا يصبرنا
أنا أول مره أدخل عندك ... فكرتيني بذكريات كتير .... أنا إسمي رحاب علي فكره ... بس مش رحاب اللي حبها أحمد رحمه الله.... فكرتيني بصديقة عمري ... رحمها الله ... كنا أصدقاء لا نفترق ... فرقنا الموت .. كما تواعدنا ألا يفرقنا غيره... و رغم مرور 7 أعزام علي رحيلها ... إلا إني إلي اليوم لا أستطيع أن أمنع نفسي من تخيل إبتسامتها حين كنا نمشي في هذا الشارع وحدث الموقف الفلاني ... ذكريااااات كثيره .. رحمها الله
طولت عليكي ... بس بوستك أبكاني و فكرني بيها
سلامي ليكي ... و ربنا يهون غربتك
Van gogh
قلت: مش كل الناس بتفهم زيك
أنا عشان افهم اللي فهمته و أبدأ أتأقلم معاه و أستوعبه بشيء من النضوج إتعلمت كتير
و الدنيا عشان نتعلمها بنخسر حاجات بس اللي بنتعمله قادر يعوض الحاجات ده
بيتهيألي إن أهم حاجة هو التصالح ع الدنيا.. ومع الأحزان و مع الخسارة
لإن مستحيل حد يعيش من غير ما ينول شيء منهم..
أما الذكريات هي الترفيه المسلي و المنعش للروح دايما.. هي رصيد ناسك جوّى قلبك
وكل ما الرصيد ما يكون كتير عددا و كبير في الغلاوة
كل ما كانت المبررات و التسامح أكبر و الرباط أقوى من الزمن و من سلبيات البشر
بستمتع بالمناقشة معاك على فكرة
تحياتي
شادي فايد
آه .. أصل الغربة مش بس سفر
الغربة حالة ممكن تتخلق جواك رغم كل الظروف اللي ضدها
وساعتها بتبقى أصعب قوي من الغربة المبرره
يعني أنا قادرة أتحمل غربتي برضى و فهم وحاطة عيني على بكرة اللي حاتنتهي فيه غربتي لإن مكاني الطبيعي هو بلدي
لكن مستحيل أعرف أتحمل غربة عايشة جواي و أنا بين ناسي و وفحضن مكاني اللي يخصني
أما حالة الشجن فهي العامل الإساسي في الابداع
ده على أساس إن أنا مبدعة يعني
:))))
أميرة
بطمنك على نفسك بالنسبة لإيه
بالنسبة للقدرة فتوصيل إحساسك؟؟
ولاّ فكرة إن إحساسك وصل ده إداك أمل ان الناس لسة قادرة تحس؟؟
ولا شايفة فينا تشابه معين و شايفة ان رغم التشابه إلا إن فيه حاجة أنا مفقدتاش فده طمنك على نفسك إنك إحتمال تكوني برضه ما فقدتهاش؟؟
تهتي ولاّ لسة
أنا باخد كلامك و أركب نفسي عليه و اقولك مباشرة ردود فعلي التلقائية وانت بقى قوليلي مين فيهم صح
أما عن الصمت.. فأنا جربته و جربت إزاي بيكسر الأرضية اللي بين الناس و يسيبها كما لو كانت قوية وأول ما تيجي تعتمدي عليها تلاقيها انهارت من كتر ما صمتكم كسر فيها و انتوا ولا حاسين
ده اسلوب بسعى لتعليمه لنفسي بقالي سنتين.. "لاصمت".. ويارب أتعلمه بسرعة
صدقيني انا قادرة أبتسم و بسهولة وبحمد ربنا على القدرة ده جدا
وبشكرك على الابتسامات اللي بتخلفها ردودك
عادل
على فكرة كلامك عن إن الجرح مهما حاولنا إلهاء نفسنا عه فهو موجود خلاني أفكر في حاجة
إن مادام هو موجود موجود
لو عشته بكل صراحة مع نفسك.. وإديته كل حقه من المعاناه.. ساعتها كإنك فتحت قدامة أبواب وجدانك .. فبيخرج
الجرح بيخرج و يبعد لإنه إكتفى ورضى
لكن الناس صحاب الجرح ما بيخرجوش لإن اللي بيتحفر في القلب ما بيطلعش .. و كتمانك لجروحك ده كإنك بتفرها.. يبقى ليه ؟؟... حبايبنا همّ بس اللي يستاهلوا نحفرهم فقلوبنا.. أما حزننا عليهم لازم نمارسةه عشان يرضةى يفارقنا بعد فترة
reri
حزنت لما قلتي إني أبكيتك
بس لعله يكون البكا ده اللي ملفوف بإبتسامة للذكرى و الشعور بالراحة إن الذكرى لسة قاعده جواك..
الفراق بيكون عذاب كبير جدا في بدايته لكن السنين ساحرة
كل ما تمر بتحوله إلى جزة من عناصر الحياه بنتعود عليه و نحمد ربنا إن لما فارقنا الغالي علينا.. ذكراه هي كمان ما فارقتناش
نورتيني يا رحاب .. ياااه مبسوطة قوي و أنا بقول يا رحاب
هانودة
إزيك ؟
بتطمنيني على نفسي من ناحية الإحساس
يعني لما بالاقي نفسي بأتأثر بموضوع يخص حد غيري باطمّن على نفسي وعلى مشاعري
إني لسه قادرة أحس وأتفاعل
هو ده الموضوع
والإحتمالات اللي حطيتيها بجد تجنن
حسستيني بإنك قاعدة قدام بلورة سحرية شايفة فيها عقلي وقلبي
ويادوب بس الإضاءة مش كافية ... فبتتأكدي
......
الكلام هنا مالوش دعوة بردك عليا في البوست اللي فات
أنا رديت عليكي هناك وفضفضت وعيطت والدنيا باظت خالص وحضرتك ولا كنتي هنا
ما علينا بقى
إنتي كويسة ؟؟؟
مع ان الحزن المتراكم جواقي من العيار التقيل
بس انا مبسوط انك بتحاولي تمزجيه بتفاؤل يعطيكي نوع من الامل والرغبه الحقيقيه في مواصلة الحياة
زكرياتك مش اتكلمتي عنها كتير لكن واضح انها ايام جميله و ممتعه
ان شاء الله ربنا يعوضك عنها باجمل منها ما دمتي محتواكي النساني بالرقه والجمال ده
يا هنودة .....اسلوبك ف التعبير اسلوب احترافي....يمكن علشان م القلب فبيوصل......يعني بعد موصلتيني انا شخصيا وانا بقرأ لقمة الحزن حتي ولو مش عارف الموضوع بالظبط بس كل واحد بتكون ليه احاسيس مشابهة بيسقط الكلام عليها......وبكلميتن ف الاخر بعد الحالة السريعة دي و ف التوقيت المناسب ييجي ذكر ربنا ييااااااااااه فيستريح القلب لما يفتكر ربنا
تدوينة ممتازة بدون مجاملة
بقى لك مدة في المود الحزين ده .. وده مش كويس .. مش لازم تستسلمي مدة طويلة كده للأحزان
هو أصلا الحاجات المفرحة قليلة جدا جدا .. وكمان حتى لو مافيش عندنا أحزان بيكون عندنا تعب من ضغوط الحياة بتزود همومنا أكتر وأكتر
فكفاية علينا هموم الدنيا
اللهم إني أعوذ بك من الهم والحزن .. وأعوذ بك من العجز والكسل .. وأعوذ بك من الجبن والبخل .. وأعوذ بك من غلبة الدين وقهر الرجال
مردتيش عليا في موضوع مدونة في حب منير
أحمد سلامة
ما هو أصل لو وقفت فوش حزنك و ركزت عليه حايغلبك ز يفسد الدنيا حواليك
يعني لازم تطاطي له:)
بشكرك بجد على كلامك
مصراوي أوي
كل واحد بتكون ليه احاسيس مشابهة بيسقط الكلام عليها
ده كلامك
وصح قوي .. دايما الواحد بعمل كده بدون ما يشعر
و الحمد لله ان كلامي ريحك بعد ما حزّنك... دايما لما تفتكر ان حزنك جاي من عند ربنا و مش حاتغلبه غبر بمساعدته و انه يمكن رمك من أحزان تانية أبشع منحزنك
لازم حترتاح
بشكرك جدا
:)
يا مراكبي
زمان كنت بتعب من أحزاني .. دلوقت فهمتها و فهمت الحياه وعرفت أولها من آخرها.. تقريبا
أنا مش في حاله حزن صدقني.. مودي هو المود الطبيعي الغالب على أي حد شغال طول اليوم و يرجع ينام
لكن الحزن اللي انت حاسه بيخرج بس مع الناس اللي صاحية قوي لمشاعرك
يعني من الآخر باجي أحط أحزاني عليكم و أزقطط بره
:)))
استحمل بقى
:)
شادي فايد
أنا بس ما شفتش الميل بقالي فترة
بس علم و بنفذ في الحال
:))
أنا رديت خلاص
ايه ده تصدقي انا كنت بقلب في الردود بتاعتك علشان اشوف انت رديتي قلتي ايه علي الكومنت بتاعي
وزعلت اوي لما مش لقيت رد و في الاخر لقيت نفسي اساسا مش كتبت اي كومنت !!!!
بجد و الله
ـــــــــــــــــــــــــــــــــــ
طيب اعلق بقي
هو ايه مشاريع السبعه راكب هو مشروع عن الموقف و لا عن عربيات البيجو الاجرة
ـــــــــــــــــــــــــــــــــــ
ماعلينا
بعدين اقري الجمله دي كويس
"هنا إضطريت أسكت و أكتم كله جواي.. مش حاينفع أصحي الألم جواهاخايفة من دموعنا"
يعني المفروض تقولي خايفه من دموعها يا اما تقولي مش هينفع تصحي الالم جوانا
مش فاهمها الحته دي شويه؟
ـــــــــــــــــــــــــــــــــــ
وايه سبب ربط رؤيه اختك بانها تصحي الالم جوا اصحابك ؟
ـــــــــــــــــــــــــــــــــــ
"طبعا مافرحتش عشان غاوية أتعبكم لكن فرحت انكم تعبانين عشانيفرحت عشان حسيت ان اللي عايشينه هنا ده حقيقيبجد آسفة"
مش فاهم ايه كميه العلشان الكبيرة دي لخبطتني في فهم المعني
ـــــــــــــــــــــــــــــــــــ
"من ساعتها قررت إني ما أكتمش حاجة آه كتمته مع رحاب"
يعني ايه هو اتكتم و لا مش اتكتم؟
ــــــــــــــــــــــــــــــــــ
البوست في جمل غامضه بالنسبه ليا شويه محتاجه تفسير وعلامات استفهام كتيرة علشان اقدر اربط الافكار بتاعت البوست
بس واضح انه مجموعه مختلفه من الاحساسيس و المشاعر التي تغلفها لمسه ومسحه من الحزن مع القليل من اطلال الذكريات القديمه
كعادتي دائما لازم افصص البوست واحلله
تحياتي ومنتظر الرد السريع و انا بعت ليكي ايميل ابقي اقريه و اديني الاوكي
تحياتي
الدبور
بتحولي تتصلحي مع مساحه حزنك
جميل انك تقدري تحطي ايدك على الجروح
من غير متخليها تنزف تاني
تحياتي
انا من الصبح مخنوقة
ونفس اعيط بس للاسف انا في الشغل ومش قادرة اعيط
احساس ولا كلام ولا مشاعر كلها حزن بس تفاؤل و قدرة على التغلب على الحزن
بس يعني اختنقت فوق من مخنوقة
مش مشكلة حلاقي وقت ابكي في واطلع كل الي جويا
وربنا يرحمنا جميعا
وعلى فكرة اسم غربة دة قاسي جدا بس جميل
باالانتظار زيارتك ليا
الدبــور
صباح الخير يا فندم
1- وأنا أقول فينه من بدري!! أتاريك فاكر نفسك رديت و قاعاد تحوشلي.. ماشي
_________________
2- إحنا في اسكندرية بنقول كلمة "مشروع" عن عربيات الميكروباص و أكيد إنت عارف ان فيه مقاسين في المواصلات
واحد بيكون 14 راكب.. وفيه الأصغر اللي هو 7 راكب فقط.. بيتقال عليه "تونّاية" .. يعني علبة.. عرفته؟؟
_________________
3- أنا قلت "أصحي الألم جواها" مش "جوانا" عشان هو جواي صاحي لوحده وخفت أصحيه جواها هي كمان
أما " دموعنا" جت جمع عشان لو انا فتحت السيرة حانغرق في دموعنا فعلا احنا الاتنين و ده اللي خفت منه
____________________
أما ربط رؤيتهم لأختي بإنه حايصحي الألم جواهم
لإن أنا كنت أقرب واحدة لأحمد الله يرحمه في صحابنا وكنت دايما أنا سبب الوصل بينهم و بينه.. ولما اتوفى ماكنتش في مصر .. يعني أول ما حايشوفوني أو يشوفوا حد من طرفي حايفتكروه و تتجدد الأحرزان تاني
___________________
4- ركز معاي: - "مافرحتش عشان غاوية أتعبكم" يعني أنا لما فرحت إنكم تعبتوا بسببي ماكانش المبرر إعجابي بتعبكم لكن لامبرر كان ان تعبكم ده عشاني وده أكدلي إن اللي أنا بعيشه معاكم في المدونات مشاعر حقيقية مش وهم .. أنا تهت دلوقت بس المهم انت ماتهش
__________________
5- الكلام كتمته مع رحاب.. وماقلتهوش
لكن ماكتمتهوش ع المدونة و قلته
_________
تمام كده يا فندم؟؟؟
واضح إني عاملة متاهات فيالبوست ده :))
بس أكيد سعيده بالاهتمام
والميل اترد عليه في التو
تحياتي
:)
محض روح
أصل الجرح جواك موجود موجود.. فأسلم شيء إنك تحط ايدك عليه و تبطب عليه و ترضيه..بدل ما يعاند معاك و تبقى إنت الخسرا في الآخر...
نورتني :)
Lemonada
صدقيني الغربة برة الوطن أهون بكتير من الغربة داخله
يعني اسم المدونة لو قاسي فهو الحمد لله بالنسبة لس أهون من قسوة تانية أشد ربنا رحمني منها
معلش على الحزن اللي سببتهولك.. بس هو لاانسان كده
ساعة حزن و ضيق
وساعة تفؤل جامح
ربنا يهونها عليك وبكرة حاتحلى انشاء الله
نورتيني و أتمنى الصداقة الدائمة
بننجرح كل يوم لكن .. لكن
بيفرحنا
ان انت جوة القلب .. ساكن .. ساكن
فى أفراحنا
وانت الأمل فى العيون
والنشوة ساعة الجنون
واياك تكون زيهم
وتروح وتجرحنا
دة انت الوحيد منهم
تقدر تريحنا
مش عارفة ليه البوست بتاعك دة فكرنى بموال محمد منير اللى كتبتلك كلماته
اشكرك كثيرا يا هنودة على الكلام الرائع اللى كتبتيه عنى فى مدونة أميرة
دة شرف لية على فكرة ان حد جميل زيك وصاحبة مدونة من أحلى المدونات تحب تعليقاتى
بجد باشكرك من كل قلبى
حاولى تفرحى
السعادة هى مجرد أوقات نسعد فيها تيجى وتروح
عيشى اللحظات دى لأنك مش هتعرفى امتى تيجى غيرها
الدنيا اصلا دار شقاء
ماتكتميش اي حاجه جواكي , قد ايه صورتك بتوضح بين سطور كلامك ,رقيقه و جميلة ,بتحافظي على آلام غيرك قبل آلامك ,ربنا يصبرك ويديكي دايما من اليقين ما يهون به عليكي مصائب الدنيا
بقدر ما نحزن لفراق الاعزاء بقدر ما اكرمنا الله بنعمة النسيان واكثر
هم في القلوب والذكري قد لا تموت ولاكنها ساكنة فلا تحركيها كثيرا وقومي واعملي فالحياة بفراق العزيز لا تتوقف
تحياتي لمشاعرك الجميلة
Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª
الحمد لله علي كل حال..
يارب دايما تقدري تعبري عن اللي جواكي ومتكتميش حاجة ابدا..
ربنا يخليكوا لبعض انتي ورحاب
تحياتي
نعمه ربنا على الانسان واللى منها اشتق اسمه هى النسيان
يعنى الدنيا باحداثها وناسها بتاخدنا لكن دايما بيفضل جوانا بقايا من زمان واحداث زمان
ذكريات طفوله ومراهقة مدرسة وجامعه
زمايل واصحاب مروا فى حياتنا
حاجات جميله وحزينه ممكن نكون مبنتكلمش عليها طول الوقت لكنها عايشه جوانا
تحياتى ليك بوست جميل بجد
هانوووده
والله انا زعلانه من نفسي علشان ممتأخره عليكي
بس والله غصب عني
البوست بيوجع اوي يا هنوده زي الي قابله
شكلك متفقه تخلصي عليا انتي وهارملس في يوم واحد
بس جميل احساسك ووفائك دا
بجد نادر الوجود في الزمن دا
وربنا يقدرك وتقدر تنسي
او تتناسي
وبجد والله يابخت رحاب بيكي علشان تعرفك من قرب
بقولك ايه انا هكون جنبك في الكويت يوم الجمعه
وانتي في قطر يعني فركه كعب
ما تيجي تشربي الشاي عندي بقي
ربنا خليكي ليا يا هنووده
تسلمي يا قمر علي سؤالك عليا
والله انا كل يوم بعزك وبحبك اكتر
تحياتي يا قمر
مساء الليل
انا الحمد لله فهمت الحته بتاعه علشان انتو تعتبوا علشاني فعلشان العلشان انا علشان كده فرحان
المهم
وانا رديت علي الايميل اللي بعتيه
اقريه واديني الاوكيه النهارده
سلام
ياسمين
الأغنية ده بالذات أنا فعلا حاطاها رنة لرحاب صاحبتي :)
وماتشكرنيش لإن ده رأي حقيقي جدا و أنا بتعلم منك استخدام الصراحة و الصدق المدهش .. بجد و الله
أما عن السعادة فماتخافيش عليّ.. الحمد لله ربنا لسة محافظلي على قلب عارف يحس بيها و يطلعها من وسط زحمة الدنيا
:))
يا رب يديك نفس القدرة لإني بشوف الإنسان اللي مايملكهاش هو بجد مسكين
شرفتيني :)
rosa
ربنا يتقبل منك يا روزا
و ربنا يخليك على الكلمتين اللي زي العسل دول
:)
بجد كلامك واصل و بيسعدني
أحمد طاهر
إحنا بننسى الألم.. لكن عب ننسى الانسان اللي فقدناه .. وأنا مستعدة أدفع عمرى و سعادتي وأي حاجة في الدنيا عشان ما نساهوش
الحياه عندي ممكن تتوقف لو إتفاجئت يوم إني نسيته للحظة
أما لو فضلت كده .. فاكراه و عايشة بيه كل أيامي يبقى ما أجملها الحياه بجد
gohayna
لا أنا مش عاوزة أخلص عليك.. كفاية اللي انت فيه دلوقت.. و الله قلبي معاك
خلاص نويتي يا بطلة على الجمعة؟؟
يا رب يجعل منها تجربة رائعة فحياتك تكتسبي منها خبرات حياتية و علمية
يا رب تكسبى الخبرة و الثقة و تتعلمي ايه هي الدنيا من خسائر
يا رب ماتعرفي الغربة ولا تحسيها حتى ولو سافرت لآخر الدنيا
يارب مشاعرك الجميلة تملى عليك كل الفراغ وتعمل حواليك دنيا رائعة مليانة بحب الحياه و حب ربنا
يا رب كل عزيز عليك يفضل عايش جواك فكل لحظة ويملوا كلهم عليك الدنيا مشاعر و حب
من قلبي و الله يا جيجي
ونفسي ربنا يستجيبلي.. بحق رسولك يا رب إستجبلي
ربنا يوفقك يا جيجي
يامن
فعلا سهولة الكلام ده نعمة كبيرة.. وجميلة
ولما تتكلم و تلاقي اللي يحس كلامك .. هي متعة ونعمة أكبر
شرفتني بجد
Shiko
فعلا كلامك حقيقي جدا.. أنا مش عارفة أتخيل لو كان الإنسان معنندهوش قدرة على الاحتفاظ بالذكريات كان زمانه عايش ازاي!!
الرد وصل يا افندم
وكله تمام
بوست الوداع نزل
وسمعني سلام بودعك
الحزن
هو افضل لحظات الانسان المناسبة ليخرج ابداعه
تحياتي لإبداعك الحزين
حبيبتي كلمات كلها شجن بس انا على الرغم من اني منطلقة وفرفوشة بس بعيد عنك بموت في الشجن والنكد بطريقة
إرسال تعليق