أنا مش كنت نايمة
بتصحوني لييييه
أبوس اديكوا مش عاوزة حد يصحيني
آه
حاعيش عمري نايمة
سبتلكوا انتوا الصحيان
سيبتلكوا انتوا الحياه
أنا بس عاوزة أنام
أصلي تعبانة.. قوي
حاسة كاني جريب بلاد.. وشلت جبال
وأنا لا جريت ولا شلت
بس مش طايقة اليوم
ماله النوم ؟
جميل
مافهوش عقل
مافهوش واقع
وبشوفه فيه
تضمنولي لما أصحى أحلم بيه ؟؟
أنا واحدة نايمة
بتصحوني ليه؟
عاجبكوا يعني اللي أنا فيه
شوفوا بقى مين حايعرف يسكتني تاني
ولا يمسح من قلبي قولة ... آآآه ياني
أنا بس عاوزة الكل ينساني
أصل يا اخونّا أنا ماليش غالي
وماعرفش غير كلمة أنا مالي
ومريّحة الكل ينومي
ليه بس بتصحوني تاني
أنا عاوزة أناااام
يا طير
يا محني الجناح و الريش
يا طير .. مين علمك تبكي ولا تغنيش
منير
هناك 35 تعليقًا:
احط مخدة هنا وبعدين ارجع
يووووووووة قصدي تعليق
غريبة و مش غريبة
اني اكون ويا الحبيبة
دنيا مبتسمة و رحيبة
وفجأة اكون زي القلوع
ساعت الغروب مروحيين
بلا شطوط ولا حنين
وأنطفي في الحـــال
من غير ســؤال
---------
حاولي تنوري من تاني
هنووودة ، أولاً مبروك النيو لوك ، أيوه ، هـكـذا ... أفضـل
أنا كمان عاوز أنااااااااام
فاكرة الموضوع اللي كنت كتبته عن النوم ؟؟
تحياتي ، وأحلام ...حقيقية :)
هنودتى
يلا يا كميلة اصحى ياقمر
يلا ولا ارش عليكى شوية ميه بحر
قومى انا عملتلك السندوتشات
يلا تعالى خدى شوية اكسير التفاؤل الى محوشهملك
وهزعل لو مخدتيهمش
مستنياكى يا قمر متتاخريش عليا
يلا قومى طسى وشك بشويه ميه واغسلى سنانك وتعالى
ههههههههه
تحياتى ليكى يا صاحبة الوجه الاسمر والقلب الابيض
لا تستيقظي إلا لو شئت مهما أوقظك الناس
لكن تذكري أن الدنيا فيها الكثير والكثير مما يستحق أن نقف عنده هنيهة... ثم نواصل العمل للآخرة
دمت بخير
تحياتي من ماناساس البلد
كراكيب عادل
هههههه
مستنية المخـ
يووووووووه
قصدي التعليق
:)
------------------------
اسكندرانى فى الغربة
والله واحشاني كوبليهاتك من زمان
معلش أنا كئيبة شوية اليومين دول
ربنا يعديهم على خير
تحياتي
:)
----------------------
ابراهيم معايا
ياااااه فينك بس بقالك زمان.. فرحتني بجد بزيارتك ده و بلاش تغيب بقى تاني
الله يبارك فيك
قلت أغيره يمكن النكد يفك عني شوية
بس مفيييييش فايدة
:)
ماتفكرنيش ببوست النوم بتاعك ربنا يخليك
أنا مش ناقصة توهان
:)
والله واحشني التواصل معاك
:)
تحياتي
لماضة
ههههههههههه
ايه الكومنت العسل ده.. والله موتيني من الضحك
حسيت اني نازلة المدرسة
:)
أنا جيت عندك على طول في ساعتها و ده كان امبارح
بس كنت مود غريييييب
بس أنا جايالك بكرة .ز أول حاجة حاعملها آجي أخد اكسير لمضاة
حد يقدر يتأخر عليها برضه؟؟
هو أنا مجنونة أفتح على نفسي فتوحة لماضة
:)
تحياتي
------------------------
the groom
فعلا أصبت
لكن وأنا الهنينهة بتاعتي لسة ما خلصتش.. آه النوم هروب
وساعات بيكون وسيلة غير مؤلمة للانتظار
حاخلص الهنيهة بسرعة و أفوق
قول يا رب
:)
تحياتي
هنودة
النوم جميل بس الحياة اجمل
ياريت ما تصحيش من النوم لحد ما تخلصى كل اللى انتى نايمة علشانة بس بشرط
تصحى بسرعة و تقومى من تحت الغطاء اللى نمتى بية بسرعة
الدب لما بينام طول الشتاء بيصحة فى الصيف مش بيفضل نايم و يقول انا مش عايز اصحى لازم يصحى علشان يعيش
انتى كمان لازم تصحى و تطلعى من تحت الغطاء اللى وضعتية للنوم علشان تظهرى للنور و الدنيا و الحياة
حرام الأنسان يدفن نفسة بالحياة يبقى عايش و مش عايش يامة الأنسان بيشوف بس لازم يتعلم من تجربتة و تقوية مش تضعفة و تخلية يسستسلم للنوم
الأنسا ما بيعش غير مرة واحدة فحرام يضيعهة فى النوم و الكسل لازم ينطلق زى الأول
انطلقى يا هنودة عيشى للحياة للحب للناس
وربنا يوفقك
ياااااااه يا هنودة فعلا نيمتيني
فكرتيني بحاجة مضحكة اوي
كانت ماما بتصحيني كل يوم زي اي يوم ومرة ماما صحتني وطبعا بقول لها هصحى حاضر ونمت وحلمت ان انا صحيت ولبستوحضرت نفسي و تيجي ماما و تقول اصحي يا حبيبة
عايزة انااااااااام
=) تحياتي
اذا كان النوم راحة مقاتل حتي يستل سيفه وينهض اكثر قوة واكثر قدرة علي التحمل فانا موافق نامي وارتاحي
انا بقى نفسى منامش
اصل فى نومى بحلم احلام مزعجه اوى
عشان كده عايزه اقولك ان الدنيا مش كل حاجه فيها وحشه
لازم تصحصحى شويه
سلاموز
لأ ما يكلش معايا الكلام ده
يلا قومي وراكي شغل
طب بصي بذمتك مشرده ناس اد ايه من بعدك
ناس حيرانه وناس قلقانه وناس زعلانه
وناس عايزه تقومك بالعافيه
بص قومي بالأدب لهيقوموك
وآآدي لماضه هتديكي شفطتين من اكسير التفاؤل
وهتبقى عال العال
بس اهم حاجه مش ع معده فاضيه
يعني بعد الأكل
شوفتي لازم تقومي وتاكلي
وبعدها الأكسير
وهتبقي فل الفل
بس ايه اوع تدعي عليا انا ولماضه
لا طبعا ما ينفعش تفضلي نايمه كده كتييييييير
لازم تصحي وتفوق وتصحصحي
يا سلام على جمال النوم لما هو ييجى لوحده
وزى ما قال الحكماء
النوم ضيف ثقيل
اذا طلبته عنتَك
واذا طلبك اراحك
انا كمان حاناملى شوية
نامي ياستى حد ماسكك
:D
الصديق المخلص
فعلا هو النوم مش حل لكنه هروب جميل.. بيلغي كل المنغصات
لما تنيم كل جروحك و تعمل ناسيها .,.. أكيد بتتجنن لما ييجي اللي يصحيهالك و يحطك كده قدامها خبط لزق
طب لييييه
ما أنا كنت نايمة أحسن
------------------------
boba
أخييييرا بوبا جت عندي
:)
وحشتيني قوي قوي
متنا على الضحك أنا وولاء لما قريتا تعليقك
تصدقي اني بعملها كتير
بحلم اني لبست و رحت الشغل و كمان بشرح في الحلم و فجأه أصحى على تليفون السواق
هههههههههههه
---------------------
sendbad
ياه... ريحتني قوي كلمة
نامي و ارتاحي ده
بس انت حطيتلها شرط صعب قوي
أنا عاوزة أنام و ارتاح و طز في اللي حايحصل بعد كده
طبعا ده مش نافعة معاك صح؟؟
:)
---------------------
3ala asm masr
يا رب يبعد عنك كل الأحلام المزعجة
أصل صعب قوي لما يبقى الإزعاج في الصحيان و النوم كمان
الحمد لله الدنيا مليانة حاجات جميلة واتخلقنا عشان نعيشها مش عشان نهرب
كلام صح جدا
بس مش قادرة عليه دلوقت
شرفتني بزيارتك
:)
تحياتي
--------------------------
زُمُردتي
ماشي يا اللي داخل في شمال من غير تفاهم
و الله أنا مكسوفة من لماضة و مش عارفة أروح أخد الإكسير بتاعها بأنهي وش
أصله جي فوقت قااااتل
ربنا يقدرنا بقى
:)
أهو الناس ده و الله العظيم هم حضن الغربة اللي بدفى فيه
بس أقوم أعمل ايه؟
لو أقوم على الطياره على طول ماشي
حانط مش حاقوم بس
:)
----------------------
اسكندراني اوي
:)
كده تزعقلي و أنا نايمة
هههههه
حاضر حاضر
أنا قايمة أهو
:)
------------------------
harmless
تعرف؟
في مصر عمر ما النوم كان ضيف ثقيل بالنسبة لي
كنت لما أحب اليوم يخلص فأطلب النوم ييجي بمنتهى السهولة
ولا كان يأثر فيه صوت القطر ولا جرس الحصنة و الحمير المعديين
:)
كنت أنام في أي حتة و أي وقت
وساعات كمان غصب عني
لكن هنا بقيت لازم أعمل طقوس طويلة عشان يطاوعني النوم و يحن علي و ييجي
:)
تحياتي
------------------------
إنـســـانـة
آآآه.. دي قفشة
:)
ماشي حاضر
:)
نورتيني بزيارتك الاولى
----------------------
ايوة يا اختي خديني جنبك انا كمان عايزة انام و مصحاش الا لما الحال يتغير و اصحى الاقي الدنيا بقت حلوة و بمبي و كله مبسوط
نووووووووووووووم
تحياتي
هنودة يا قمر
في اي بس
بس عارفة انت مش لوحدك كدة كلنا عاوزين ننام وننسى
بس مش حنقدر عارفة لي
عندنا قلبنا بيشتغل والقلب الي بيشتغل مش بيسيب العقل ابدا
حتنامي ازاي يعني
بس بجد تحفة وكل مرة بتكتبي اجمد واحلى من قبل
ويابختك يا منير
عارفة وعد مني يا هنودة اني انزل مصر انا وانت ونحضر منير
اي رايك
:) موافقة
وساعتها نامي زي مانت عايزة :)
Sampateek
ههههههه
تعالي يلا بسرعة بس هاتي الغطا بتاعك
آه ماليش دعوة
:)
-----------------------
Lemonada
و الله العظيم انت زي العسل وبفرح جدا بكلامك
أنا مستعده 100%
انا معاكى بس اللى عندة مشاكل و يحب يحلها او يواجهها ميبقاش بالنوم يا هنودة اللى عايز يفوق لنفسة و يرجع لنفسةو شخصيتة تانى و يقف على رجلة من جديد ميستسلمش للمشكلة و النوم لازم يواجهها بشجاعة و مش كل خسارة يعقبها هدم ممكن نخسر و ننهزم مرة و ننهدم مرة بس بنرجع نبنى تانى و نقف تانى مش نفضل اعدين و نايمين و نقول اصل كان حلم جميل و مش عايزة اصحى منة و بتصحونى لية
بنصحيكى علشان عوزينك معانة علشان محتجانك زى منتى محتجانة و بنديكى تعليقات و اراء عيزينك بردة بنفس الطريقة مش لما نحتاجك و نعوزك نلاقيقى نايمة فى دنيا تانية لازم تعيشى فى الواقع و الحقيقة و تطلعى من تحت الغطاء و الثبات العميق اللى انتى فية و كمنينا علاكى ديمآ
و يارب يوفقك و يقويكى على المواجهة
ربنا معاكى و يرخليكى لأصحابك و الناس اللى بيحبوكى
و يرجعك لأسكندرية بألف سلامة
كمان انا زعلان منك علشان مبتعلقيش على البوست الجديد هو مش بوست اوى بس انا فى مشكلة كبيرة و مش لاقى حل و الصور دى و الأغنية انا بهديهالك تومة بتحبى منير و اسكندرية
هنوده يا حلوه يا قطقوطه
صح النوم يا بطه
انتي يا بنت
اصحي خلي فيه حبه من الاحمر
الله محدش بيرد
هنوووووووووووده
انتي يا بنت
همد ايدي بقيي خلاص
لما انتي تنامي
امال مين الي يصحي
لما انتي تهربي
امال مين الي يواجه
لما انتي تفقدي الامل
يبقي لزمته ايه الامل اصلا في دنيتنا
فوقي كدا وصحصحي يا قمر
بدل ما انتي عارفاني بقي
طمنيني عليكي وخلي فيه شويه من االي اسمه ايه دا
نسيت بصراحه اسمه
بت يا هوده
انتي واخده بالك ولا لا؟
اوعي تقولي انك مش واخده
أنا زيك بالظبط .. والله نفسي أنام .. أو بتعبير أدق: نفسي أهرب من مشاكل اليقظة .. بالنوم
بس المشكلة إن العقل بيفضل شغال .. مستخسر فيا النوم .. مستخسر فيا شوية هروب .. بأصحى من عز نومي علشان إفتكرت حاجة كنت ناسيها .. أقوم من النوم أكتبها علشان ما أنساهاش لما أصحى
قلق قلق قلق
متفهمه احساسك دا قوي يا هنوده
وكتير بحس اني مش عايزه حاجه غير اني اتساب مع نفسي
مش هكرر كلامك
بس بجد حساكي قوي يا هنودهقوي
بس لا مش هينفع يا هنوده
للاسف مش هينفع تبقي مع احلامك اصل حتى احلامك مش هيسبوكي تتهني بيها و برده هينطولك فيها
عشان كدا
حاولي تتكيفي مع الصحيان
حتى لوهتحلمي وانتي عينك مفتحه وانت في وسطهم
المهمترسقي لحظات فرحك وخلص
اصلها من حقك يا هنوده
من حقك
معلش ما كانش قصدي اصحيكي من النوم
ههههههههههههههههههههههه
صحي النوم
أيه موضوع النوم في الغربه ده
في ايام الشغل بابقى حموت على شوية نوم زياده
ويوم الجمعه والسبت باصحى بدري زي العفريت وما أقدرش أنام تاني
غريبه أضطرابات النوم في الغربه دي
كنت فاكرها مشكله لها علاقه بدبي
لكن با ين أنها عامه
تصبحي على خير
هنودا لاء مش تنامى يا جميله قومى يا لا مافيش وقت للنوم خلاص أرجعى قولى بصوت عالى كلمه الحق ونيمى الباطل
طيب بصي يا هند انا هاقولك حاجه حلوة
ايه رايك في يوم شتوي مشمس "يوم كده من بتوع اسكندرية بعد الشتا بشويه والدنيا شمس ودفا"
ايه رايك بقى في واحد كابتشينو الصبح كده في كوستا مثلا قدام البحر على طول
وانتي لوحدك ومافيش حد معاكي وتطلب معاكي تتصلي بالناس وتيجي تقعد معاكي من غير ما تعملوا اي حاجه غير القعاد وبس
اكيد هتصحي مش كده ومع نفسك كمان ومن غير منبهات صح :)
لو قلة النوم والصحيان هتخليكي تقولي كلام جميل زي ده
يبقى انا اول واحد هرفض انك تنامي عشان تمتعينا
اشربي نيسكافيه كتيييييييييييييير
هتلاقي نفسك صاحيه على طول وبتخرفي زيي
سلاموووووووووووووز
3ala asm masr
أولا زيارتك أسعدتني و بتمنى دوامها ولو اني جيت أتعرف عليك ما عرفتش
الاحلام المزعجة حاجة صعبة جدا الحمد لله ما بعانيش منها.. ربنا يبعدها عنك
أكيد الدنيا فيها حاجات كتير جميلة و أنا من المؤمنين ان مهما ساءت الظروف نقدر ندور في تفاصيل في حياتنا قادرة على اسعادنا .. وحنلاقي كتير قوي
لكن المشكلة أحيانا في الضغوط لما بتزيد قوي و تحاصرك قوي بتتحول لانسان غاضب
ساعتها أحسن حاجة النوم
تحياتي
--------------------------
مش ممكن يا هنوده بجد
اقولك ايه طيب
اقولك انى بعشق الدقايق اللى بعرف انامها لانها بتريح عقلى ومش بشوف فيها الواقع اللى بيتعبنى اوى
اقولك انى نفسى انام
اقولك انى بقول لكل الناس انى عايزه اخد حقنه بنج فى عقلى عايزاه يرتاح
نفسى يرحمنى ويرحمه ويرحم قلبى وياخد اجازه
نفسى اوى انام انا يمكن كاتبه دا فى بوست انا عايزه اروح المدرسه عازه انام من غير كوابيس ومن غير تفكير انام على طول زى زمااااااااااااااان
ربنا يسعدك ا هنووووده
بس اصلناما نقدرش على بعدك ونومك
بنفتقدك اوى وعايزينك معانا على طول
يا رب تكونى بخير
وكالعاده سورى على التطويل بس نتى اتعودتى انى هنا مش بعرف ما اقولنيش اوى
يا رب تكونى بخير واحشانى اوووووووووووووى
ليه مبئتيش تزوري البلوج بتاعي ؟؟؟
إرسال تعليق