تحديث مالوش علاقة بالصورة الكئيبة اللي تحت
***
انهاردة 1/12عيد ميلاد زمردة نصي الحلو يا جماعة
كل سنة و انت طيبة يا زمردة
كل سنة و إحنا دايما قلوبنا واصلة لبعض مهما اتغيرت الدنيا بينا
القلب الطيب
زي البحر .. لما بيوفي و لما بيدي بيدي كتير
ولا عمره بينقص
ولا عمره بيخلص
ودايما مليان بالخير
ولا عمره بيقسى
ولايعرف ينسى
دايما بيسامح من غير تفكير
ده بقى قلب زمردة
ربنا يخليهالي
________________________________________________
رجاءً
مهما اتسعت مساحات الفراغ
ومهما ابتعدت التفاصيل
مهما ابتعد الجميع
رجاءً
تماسكي
ولاتغلقي الأنوار
***
انهاردةعيد ميلادك
كان نفسي اقولك كل سنة و انت طيب
بس معلش
كل سنة و انت مني قريب
كل سنة و انت النور جواي
هناك 18 تعليقًا:
أول تعليق
أزيك يا هنودة برغم ان الكلمات قليلة ولكنها معبرة للغاية وصادقة وقريبة من القلب
تحياتى
مع انى مش فاهمه حاجه
بس الكلام حلو اوى وقلته لنفسى من امبارح
وكل سنه واللى بتتكلمى عنه او عنها طيب
هنودهاول مالقيت انك علقت على كلامى عندروزاحسيت انى طفله فرحانه بنجمه فى كراستهامتابعه مدونتك يا اسمحيلى اقولك ياصغيرتى كم تمنيت ان اضمك الى صدرى ان امسح ذالك الحزن الموشوم على وجهك يسكن قلبى اصداء انين قلمك كم تمنيت ان اخذك يوما الى مدن بلااحزان ولكن امضى فى طريقك فالنور فى قلبك يعبر من المحدود الى الامحدودان قلبك هوسكن لتلك الروح سيظل قلب ايزيس يهب اوزريس الحياه فكيف يرحل من كان قلبك سكناةاعرفك بنفسى انا ام روزا
الوفاء محله القلب .. ربما نمتن ..نتذكر.. أو حتى ندين بحياتنا لأحد ولكننا علينا أن نحيا الواقع بما فيه ومن فيه قبل أن نفاجئ بموعد آخر لرحيل من حولنا وقتها نتذكر أنهم أيضاً كان لهم حق علينا ونتمنى لو يعود الزمن لحظة لنحياها معهم
ليس بإمكاننا أن نوقف عجلة الزمن عند حدث معين حتى لو توهمنا ذلك فالحق أننا من توقف عند هذا الحدث بينما يتحرك العالم كله مع الزمن ... الزمن المحسوب علينا
كل سنة وانت وكل اللى بتحبيهم بكل خير
تحياتى
لن تغلق الانوار طالما هناك وفاء
بحب التدوينات الغامضة دي :)
انا مش متابعة اى مدونات بقالى تقريبا اسبوع
بس حسيت ان كلامك وحشنى اوى فجيت
قولت لازم اجى اسلم عليكي :)
واقولك وحشتيني :)
هنووووده
القلب فيكي صافي رهيف
وعطره مسك وطِيب
وعودك يفضل أخضر
لو الليالي حواليكي تشيب
ايه ياستي هنوده حبيت اقول كل سنة وهم طيبين كل اللي بتحبيهم ولهم ذكره غاليه في قلبك
قرأت ما فاتني على فكرة ولم أنسى
بس على فكرة ماليش في القطط والسلاحف مابحبهمش
أما بوستك الروعة
كلمات خدتني هنا وهناك أنا بقا اللي كنت هاعيط هذه المرة مش انتي لا خلي بالك أنا دموعي قريبه جداً
وحفلات السودانيين دي رجعتيني لأيام جميلة أنا كان كل أصدقائي من السودانيين والنوبيين وياما حضرت حفلات مع دول ومع دول وكنت مندمج جداً معاهم في اكلهم وشربهم وعادتهم وكل حاجه حتى ساعات اللبس وبعدي أساليني بقا على مطربيهم من السودانيين مثلا محمد وردي ومحمد الأمين وحنان النيل وحنان بلبل وفريق البلابل وكابري حتى أحمد منيب الله يرحمه كنت زمان دايما عنده وياما حضرت تلحين أغاني منير من قبل ماتطلع وكانوا السودانيين يقولوا لي نجوزك مننا والنوبيين يقولوا لي لا أحنا أولاا بيك
ثانياً أشكرك على ذكرك الطيب لي ولتدوينتي الأخيرة أرجو بس أنك تخرجي من التدوينة دي في تدوينات أخرى جوها مختلفة انت انسانة واضح انك رقيقة جداً ورهيفة المشاعر
وها اكتبلك مرة اغنية عن النوبة ماكنش في نصيب يلحق يلحنها الراحل أحمد منيب أنا كان عندي مشروع كده زمان انتاج شريط كاسيت من كلماتي وغناء صديق لي ووكان واقف على المكساج وبيع الماستر لكن لظروف ليست مادية ماكملتوش.. أيام
شفتي أنا كمان فضفضت أه
المهم تدوينتك كلمات خدتني هنا وهناك أحلى مافيه صدقيني تلك الفضفضة التي تريح كثيراً النفس وتخف الحمل ووطأة الذكريات والأيام الصعبة أوعي تكتمي في مرة او تنامي زعلانه أعملي اي حاجه قبل ماتنامي أخرجي من موود الزعل والكأبة ضروري قبل ماتنامي وإلا فالعاقبة سيئة لمن يكتم في نفسه فضفضي فضفضي فضفضي
وبعدين أنا مش عارف ياست الكل أشكرك ولا أعاتبك
بتشبيهك لي بفان جوخ
يعني انتي شايفاني ممكن أجي في يوم وتكون نهايتي زي نهايته وأقطع ودني
لاياستي ماحبش المواضيع توصل معايا لكده
المهم لكي من كل تحية وتقدير لشخصك الطيب والجميل
تحياتي
حسن أرابيسك
ينفع كده
ده انا كنت هزعل
ودمعت غصب عني
وقولت نسيني وهو نور عيني
الاقيكي عامله هيصه كده
بصي هستاك اون لين بكره او بعده
بالليل
وحشاااااااااني
كل سنه واحنا اكتر من الاخوات
ربنا يديم كل اللي بينا واحاسيسنا
ياااااااااااااااااااااارب
مش حساه
تخيلي
كل سنة وانتى حلوة يازمردة
كل سنة وانتوا الاتنين دايما مع بعض
:)
صدى الصمت
أجمل أول تعليق.. دايما سعيد بمتابعتك
أنا جاية أشوف أخبار الانتخة ايه
:)
تحياتي
------------------------------
أنا حرة
وانت طيبة و بخير يااارب
كل الحكاية اني خفت لا أقو طالما مافيش حد اسيب النور والع ليه؟؟
عشان كده قلت اشخط في نفسي و اخوفها.. أصل مش عشان محدش موجود نقعد في الظلمة
صح؟
:)
------------------------
ام روزا
مش عارفة اقولك قد ايه انا فرحانة بتعليقك ده
فرحة متفصلة لحاجات كتير
اولها ان حضرتك اساسا متابعاني و علقتي عندي
ثانيا اني روزا واحشاني و لما لقيت كلام منك حسيت كانها جت
وثالثا و اللي خي كبيرة جدا
كمية الحنان اللي فكلامك و اللي انا بجد محتاجاه قوي.. كنت بفرح بيه قوي لما اقراه عند روزا .. تخيلي بقى فرحتي لما اقراه ليّ انا كمان
بجد فرحتي قلبي و لمستيه من جوة و حسستيني اني ضغنوووووووووونه و امها بتدلعها
عندي اعتقاد دايما ان كلمة الشكر مهما كانت صغيرة بس لما بتتقال من العمق بتحكي بصغرها ده عن كل اللي جوانا
واتمنى ان كلمة شكرا تعمل كده دلوقتي
تحياتي لحضرتك
------------------------
أحمد عبد العدل
ابكتني يا أحمد.. ماعرفش ليه
يمكن عشان كلامك لمس موضع احساس بذنب هربانه منه ومطمنة اني ناسياه
يمكن عشان فكرني بحقوق ناس علي و انا مش عاوزة اشوفها ولا اقيد نفسي بيها
يمكن
بحترم جدا متابعتك الصادقة للمدونات و قراءتك للي بين السطور و اللي بتحسسني ساعات انك عارف اللي اتقال و اللي ما اتقالش كمان
وكل سنة و انت كمان بخير
:)
تحياتي
كفاية طيبة
ساعات يبقى جواكي كلمتين عاوزة تفكري نفسيك بيهم و ماتنسيهمش
فتقومي قايلاهم بصوت عالي
يمكن لما تشوفي الكلمتين دول ل يوم كل يوم.. تصدقيهم و يبقوا حقيقة
انا كمان بتوحشني طلتك و كلماتك القريبة الللي فيها شقاوة بحبها
:)
وعاوزة بوست جديد ماليش دعوة
:)
تحياتي
حسن ارابيسك
هييييه.. بقالك كتير تعليقاتك مافهاش ابيات من اللي بموت فيها ده
و الفايل بتاعك كان بقاله كتير عندي ماشافش سطور جديدة و اخيرا زاد أهو أربع ابيات روعة
كلمات بحسها مليانه ملامح مصر و ضوءها و ريحة جوها.. كلمات قريبة و حنينة
ياااه
ده انت طلعت حافظ اسماء المغنيين السودانيين اكتر مني.. أفتكر زماان كان بابا دايما يجيب تسجيلات لمحمد وردي وهي ده كل معلوماتي للأسف
أما منيب فده بموت فيه بجد.. فرحت قوي لما حكيت انك كنت بتحضر جلساته و شفته من قريب كمان
الله على الاجواء اللي الناس ده عايشة فيها
بعدين انا ماشبهتش حضرتك بفان جوخ ولا حاجة انت فهمت غلط
فيه مدون كمان انا واخدة من بوست عنده سطرين فيهم نفس المعنى عن الوحدة و هو اسمه فان جوخ.. ولو اني اول مرة أسمع ان فان جوخ قطع ودنه..
اكيد انت عارف مقدار اعزازي ليك
ويشرفني جدا انك تفضفض عندي بجد
مستنية اغنية منيب إزعى تنسى
تحياتي
---------------------------
زمردتي
حبيبي.. تدمعي منّي انا
وكمان في يوم عيد ميلادك..
لاااااااا.. ده انا استاهي... ايه؟؟
قولي انت
انى انسى عيد ميلاد زمردتي حبيبتي
ده آخر نوفمبر عندي بيكون ماليان أجواء جميلة لإنتظاري عيد ميلادك.. أجواء بتدخل معاها ذكرى عيد ميلاده و تصبغها بلوان زاهية بدل الالوان اللي كان ممكن تملى الايام ده بالذات
سبحان الله.. شفتي عيد ميلادكم انتوا الاتنين جم متتاليين ازاي
تصدقي 1/12 لايق عليكي
جو الشتا و لون السما في اكندرية اللي بيحسسني بهدوء و سط كل الرياح الجامده و اللي بيحسسني بالحكمة رغم الجنون اللي عالى وش البحر
كل ده بيفكرني بيكي و بحس فيه شبه منك
قال انسى قال
طيب روحي بقى نامي على جنب عشان انتي طلعتي اي كلام و مش فاهمة حاجة
لااا ياتوتة
نت ماتناميش على جنب.. انت جوة عيني و قلبي انا بس بستعبط شوية
كل سنــــة و انت طيبـــــة
ولااااااااااااازم تحسيه و تفرحي فيه عشان خاطري افرحي
اعملي لنفسك فسحة خديني معاكي فيها باغنية كده من بتوعنا فودانك
أو اختاري اي حاجة اعمليها تفرحك انهاردة
و بالليل قبل ما تنامي اعزميني على مج نسكافيه معاكي
ماشي؟؟
:)
--------------------------
كفاية طيبة.. تاني
و انت طيبة و سعيدة و فرحانة دايما قد ما بتفرحي الناس بكلامك الطيب ده
قال كفاية طيبة قال
:)
-------------------------------
رجاءً
مهما اتسعت مساحات الفراغ
ومهما ابتعدت التفاصيل
مهما ابتعد الجميع
رجاءً
تماسكي
ولاتغلقي الأنوار
جميله اوي الكلمات دي
كل سنه وانتو الاتنين طيبين
ويارب يديم المحبه بينكم :))
على فكره انت مش مفرقاني ابدااااااا
بس عارفه ايه
اقولك بس وعد
وعــــــــــــــــــــــــد
مش تزعلي ولا تضايقي
ولا اقولك بلاش
لحسن اما تصدقي
يلا سلالالالالالالام
انا مش بخاف ولا بتهدد
هقول بالادب
بس شيلي السكينه دي من ادامي
هههههههههههههه
تخيلي المسج بتاعت عيد ميلادي السنه اللي فاتت ع الموبايل لسه عندي
حسيت وقت ما قريتها
اني كنت بنت 14 سنه وبقيت 27 فجاه
طبعا انت عارفه ولا تفرق معايا لحد 88 سنه
بس حسيت سنين عمرنا بتجري
واحداث بتعدي
ومحتفلناش بقى
مليش دعوه لما تيجي هعمل 3 عيد ميلاد
2 ليكي وواحد ليا
او 5
لالالالالالالا
8
لالالالالالالالا 12
كل يوم في اجازتك
ههههههههههههه
ايه رايك
بحببببببببببببببببببببببببببك
ربنا ميحرمكيش مني ابدا
ههههههههههههههههههههه
انا اخر الليل ومهيسه
عااااااااااادي
إمووووووووووه
سلام
كل سنة وانتم دايما فى حب الله متجمعين
كل سنه وانتى وهى بخير
زمرده طيبه جداً وجدعه اوى وتستاهل كل خير
اه بتغيب كتيييير جدا
لكن سكر برضو
ربنا يخليكوا لبعض
مافيش حته جاتوة وازازة فانتا ايه عيد الميلاد الارديحى ده؟
تحياتى
انا كمان برجوكي لا تغلقي الانوار او الابواب
----
هنوده دايما بتمسي قلبي ..كل مره بدخل عندك بفضل اقول هو لسه في قلوب كده؟؟؟
بالاخلاص ده؟؟ بالاصرار ده؟؟ بالحب ده؟؟
----
كل سنه و هو اكيد طيب بقلبك
---
كل سنه و زمرده دايما طيبه بصدقتكم و بحبكم
----
وحشاني دايما :) :)
:-D
عنوان بوست غريب
وصورة مش مفهومة
وتحديث فيه أغنية رائعة
ونص للموضوع يحمل الكثير من الوفاء والصداقة النقية
خليط عجيب جدا المرة دي ياهنودة
إرسال تعليق