زي طفلة
مسكت مقص كبيير
مدته على شعرها الطويل
قصته كله كله
تساقط على الارض
وأما مدت ايدها على راسها ..اترعبت
فين شعري..!؟
لقت صوابعها بتلمس رقبتها
بتمسك خصلة تلاقيها على طول فلتت
بكت .. مدت ايدها ع الارض تاخد الشعر و تحاول ترجعه
وكل مرة يرجع يقع من ايديها و مايمسكش في مكانه يزيد بكاها
مع كل مرة بيزيد بكاها لحد ما بقى نحيب
رجعت ماما ماضربتهاش
بس ده عشان هي لسة طفلة
وعشان اللي رجعتلها هي ماما
هناك 5 تعليقات:
متخيله الصورة
بس مش فاهمه المغزي
تقصدي الي بيحصل منقدرش نرجعه
بس موضوع الرجوع الي ماما دة صوت الضمير جوة البني ادم
او روحة اللي بيخلو بيها وبيكتشف الواقع من خلالهااا
دة اللي تقصديه؟؟؟
انا هقولك على حاجه
لو على ما فهمت
يبفى المفروض الواحد ما يندمش على حاجه حصلت
ولا يحاول يعيدها تانى
مفيش مانع انه يدور على البديل
صح كلامى
ازيك هنودة اخبارك اية
كلمات جميلة
تسلمى عليها
ربنا يوفقك ويكرمك
مع خالص تحياتى
كل شىء ممكن يتصلح لكن إن الإنسان يبكى على اللبن المسكوب و بس .. هنا الغلطة اللى تبقى أقوى من الفعل ذاته
سلمت يداك
شكرا لك
بيدي لا بيد عمرو
اذن لما البكاء والنحيب ؟؟؟
هذا ما جنته يديهاااااا
إرسال تعليق