بقالي زمان ما جيتش المدونة هنا
مش عارفة ليه
بقالي فترة متنحة
ما بفكرش
ولما بفكر بتعب
كتبت بوستات كتييير جدا متكومين في جهاز البيت
وخفت أحط أي واحد منهم
وكنت عاوزة أرجع بحاجة تطمنكم علي
بس .................
هو مود و حايخلص أكيد
ويمكن مايخلصش وتلاقوني راجعة ببوست مالوش لازمة
أعمل ايه بقى
مافيش غيركوا أرمي كل اللي جواي عليه
المهم انكم بتوحشوني قوي
أكتر من حاجات وناس كتير المفروض انهم يوحشني أكتر
و المهم كمان اني بتكلم معاكم في حاجات كتير حتى وأنا غايبة
وحتى دلوقت
قادرة أقري التعليقات اللي حاتكتبوها
متخيلة كل حد وهو بيقول ايه؟؟
ومفرحني انكم و المدونة واخدين كل الحجم ده في حياتي
وأكيد بالمنطق كده و بعد كل المقدمات اللي قلتها دلوقت
طبيعي انكم تستنتجوا انكم واحشني ع الآخر
أنا مرديتش على التعليقات من تعبي لكن بكل طمع أخدت منها احساسي بقربكم مني
ومش حاشكر حد عشان عاوزة الشكر يوصل كده لوحده عشان أنا عارفة انه قادر يوصل
وحشتوني
و ماحدش يقلق
بجد و الله العظيم
أنا بس حاخلص تتنيح و أرجع
هناك 20 تعليقًا:
حمدا لله على السلامه
والله كلنا في حاله تتنيح بس الحمد لله من وقت للتاني الواحد بيطلع بحاجه كده تفك النحس
هههههههههههههههههه
عموما اتمنى اننا كلنا نخرج بره الحاله المهببه دي
المهم اننا اطمنا انك بخير
يا شيخة كنا قلقانين عليك
كويس الي طمنتينا
كدة روحي نامي واشبعي نوم
:)
عذراقبح من ذنب
كده يا هنوده تغيبى ده كله
هى لحمة العيد كبست على نفسك ولا ايه
الحمد لله انك بخير
في انتظار عودتك القويه كما اعتدنا منكي
حمد لله على السلامة
لما نشوف الحاجات الكتير اللي جهاز البيت دي شكلها ايه
يارب تكون شيقة بس والا .... انتي حرة
منتظرين
دمت بخير
وانا كمان كنت بعيد زيك عن الساحة وفكرت انى اعدى واسلم عليكى
وعلى اسكندرية كلها
ازيك
طبعاً غاليه مش عايزه كلام و لا تفكير
ويلا اطلع من الدور ده بسرعه يا قمر وحشتنا كتاباتك
حطيب يا هنوده تنحتي براحتك بس ماتتأخريش علينا
عشان بتوحشينا جامد
و بعدسن عندي اعتراف صغنطوط كدا
انا مابعرفش اكتب بوست جديد غير لما تيجي تعلقي عندي
فايعني يعني يعني
انا عايزه اكتب بوست جديد سيادتك
:D
نوده روقي و ماتستسلميش لحالة التتنيح دي كتير
تنحي لتتنيحك و تعالي شلركينا ببوستاتك حتى لو مش جايلك نش
حتى لو تعبانه و مش قادره تعلقي
تعليق و را تعليق و هتلاقي نفسك بترجعي تاني
ارجعي بقى عشان بجد و حشاني
:)
خلي بالك من نفسك يا قمر
سلام
this is for u , hope i can help, as i guess it was made for u
-----------------
There's a hero
If you look inside your heart
You don't have to be afraid
Of what you are
There's an answer
If you reach into your soul
And the sorrow that you know
Will melt away
And then a hero comes along
With the strength to carry on
And you cast your fears aside
And you know you can survive
So when you feel like hope is gone
Look inside you and be strong
And you'll finally see the truth
That a hero lies in you
It's a long road
When you face the world alone
No one reaches out a hand
For you to hold
You can find love
If you search within yourself
And the emptiness you felt
Will disappear
And then a hero comes along
With the strength to carry on
And you cast your fears aside
And you know you can survive
So when you feel like hope is gone
Look inside you and be strong
And you'll finally see the truth
That a hero lies in you
Lord knows
Dreams are hard to follow
But don't let anyone
Tear them away
Hold on
There will be tomorrow
In time
You'll find the way
And then a hero comes along
With the strength to carry on
And you cast your fears aside
And you know you can survive
So when you feel like hope is gone
Look inside you and be strong
And you'll finally see the truth
That a hero lies in you
هتفضلي تدوري على ركن الدايره علشان تقعدي لحد امتى؟؟؟؟؟؟؟؟؟؟؟؟
مش هقولك غير اني مفتقداك اكتر مما تتخيلي
وصوتك وحشني وكلامك وكل شيء
هنودة
الوقت دة من السنة وقت الزهق والتنييح
عادي كلنا كدة
وانت كمان واحشتينا على فكرة
لو عزتي حاجة اختك ليمو في الخدمة
ماشي يا جميل
وخلينا نتييح مع بعض
ههههههه
انا بردو متنح مش عارف ليه
يكونش فيروس ماشي ف الجو؟
:)
ترجعي بالف سلامة
http://www.youtube.com/watch?v=OgzQH2UPevs
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
سمراء النيل
لمي الهموم.. والضيق ..لمي
وارميها في البحر ..ارمي
واستعيذي بالله كده...وسمي
وقولي
من قلب الغربة يا مايتي بكتبلك باسم الله
وعشان عيونك يا ماياتي هاأرجع بأذن الله
حمد الله على السلامة ياهنودة
فترة وبتمر باى واحد
وان شاء الله تعدى
وكل سنة وانتى طيبة
حلوة فكرة التتنيح دي .. تنح يتنح تتنيحا
إن شاء الله يتفك التتنيح ده قريب
ههههههه
سلامتك و سلامتنا من التتنيح !
اسكندراني أوي
أنا الحمد لله بخير
وعلى رأي ليمو باين كده شهر يناير هو السبب
مع انه من الشهور اللي بموووت فيها
:)
تحياتي
---------------
كراكيب عادل
أهو أجمل حاجة هنا يا عادل اني بلاقي ناس بتفهمني قوي و تقلق عليّ قوي.. بصراحة .. كل ماحد يقلق علي بفرح
ما تقوليش روحي نامي
أنا عاوزة أفووووق
:(
يا ترى خلصت الهدايا كلها ولا ايه؟
---------------------------
لماضة
و الله الغيبة بتكون غصب عني.. أصل حاغيب أروح فين
ما هو يا إما المدونة .. يا المدونة.. مافيش حتة تانية
وحشتيني
:)
----------------------------
محمد مفيد
ياااه.. غيبة طويلة غبتها عن مدونتك.. وانت كمان غيبة طويلة عن مدونتي
بس سعيده جدا بتجدد التواصل
بجد شكرا على كلماتك المشجعة
------------------------------
صاحب المضيفة
لاااا .. بلاش اللي على الجهاز.. الناس اللي هنا طيبين .. حرام عليك
:)
بجد بجد
أسعدني جدا مرورك
:)
تحياتي
-------------------------
راسبوتين
ياااه.. فينك من زمان .. بجد واحشاني تعليقاتك
فعلا بقالي كتير بلاقيك حاطط نفس البوست .. أما بوستالنفق قريته و عجبني جدا لكن مالحقتش أسيب كومنت
ياريت نتواصل تاني
تحياتي
:)
---------------------------
في القلب
جميلة جدا كلمة غالية ده.. و أثرت قوي قوي
وانا كمان واحشاني مدوناتكم و مدونتي.. واحشني اللمة و الدفى
:)
تحياتي
----------------------------
rosa
أعمل فيكي ايه يا روزا.. بطلي حنية بقى
بستنى تعليقك قوي.. وبتنطط وأنا بقراه
بجد
--------------------------
زمردتي
أنا عارفة؟؟.. مع ان 100حد يعدي علي و يحلفلي ان الدايرة مالهاش زوايا ولا أركان و أنا برضه مصرة
و انت بعد كل الايام اللي عدت ده و انا مش عارفة هم قد ايه بجد.. تخيلي بقى انت واحشاني قد ايه
---------------------
ليمونادة
أنا قلت برضه يمكن الوقت ده بالذات عشان برد و الطبيعة فيه هي السكون و الانغلاق
مع اني بمووووت في يناير
مش عارفة يا ليمو
بس أنا أهو بزق نفسي عشان ماتنحش
واحشاني
مصراوي أوي
فعلا تصدق
:)
ملاحظة ان ناس كتيرة كده
عموما كويس
عشان ممابقاش أنا لوحدي
ههههههههه
تحياتي
:)
----------------------------
اسكندراني في الغربة
أهو التعليق بتاعك جاب من الآخر بجد.. ياه ع الكلام
تعرف انه قال جمل كنت فعلا كتبتها في بوست بس مارضيتش أحطه .. حسيته سوداوي قوي فخفت
بجد ...جبت كل اللي عاوزة أقوله
تحياتي
-------------------------
وينكي
احكيلنا بقى ع اللي حصل يومها و ياريت لو فيه صور.. التجمعات ده بتفرحني قوي و بتحسسني بفخر
مبروك لصاحب البوابة
---------------------------
حسن أرابيسك
عشان عيونك يامّايتي هاأرجع باذن الله
كعادتك.. بترسملي ابتسامة دافية بحبها
تحياتي
--------------------------
دوحة
و انت بخير يا رب.. وتعدي ولا ما تعديش .. المهم مادام القلب سليم أنا مايهمنيش
خليها تاخد قد ما تاخد .. مش لسة حاعيش؟
يبقى زي ما الحزن بيفرش سجاجيده أكيد حايروح ومايجيش
مادام الحب حولينا
مايهمنيش
-----------------------------
يا مراكبي
الحمد لله اهو فك
ربنا ما يعيده تاني
:)
تحياتي
-----------------------
emz
لو تعرفي وحشتوني قد ايه؟؟
بس انا بغيب لما بكون وحشة
وأول ما الدنيا تصفى تلاقيني باجي جري
إرسال تعليق