قلبي ... ومصدقاه

أنا قلبي بيوعدني
.

.

آه بيوعدني ومصدقاه
قالي إن كل اللي سبته حالقاه
قاللي ميهميكش عمرك اللي مضيعاه
ولا جذرك اللي الدنيا خانقاه
حاتلاقي كل ده مصر ليكي شايلاه

وآه ع اللي بتمناه
حضن من بيتنا يملاني بدفاه
آه ..ما أنا ليّ فيها بيت قفلاه
قالولي مش بيتك بس كلامهم أنا مش سامعاه
وحاتشوفوني أما أرجع و أنا فاتحاه
وحاعزمكم فيه على أكل أنا بايدي عاملاه
وأطلعلكم من دواليبي كل اللي محوشاه
أصل بيتنا شبه مصر
بيحفظ الأمانة .. إسألوني ده أنا اللي عارفاه

أنا قلبي بيقوللي على كل حاجة و مصدقاه
مرة واحده بس لما سألته الرد عنّي خبّاه
مرضيش يقوللي فين الغالي ومالي مش لاقياه